ជិះម៉ូតូលឿនជ្រុលទៅបុកខឿនចែកទ្រូងផ្លួវ ហើយរ៉េចង្កូចទៅបុកនិងរថយន្តស្លាប់ភ្លាមៗ នៅស្រុកក្រគរ
ពោធិ៍សាត់៖ ជនរងគ្រោះម្នាក់បានស្លាប់បាត់បង់ជីវិតភ្លាមៗនៅនឹងកន្លែងកើតហេតុ ដោយសារតែជិះម៉ូតូលឿនមិនប្រុងប្រយ័ត្ន បានជ្រុលទៅបុកនិងខឿនពុះចែកទ្រូងផ្លូវហើយក៍បានរ៉រេចង្កូចទៅបុកនិងរថយន្តមិនស្គាល់ម៉ាកមួយគ្រឿងដែលកំពុងតែធ្វើចរាចរណ៍យ៉ាងលឿនបញ្ច្រាសទិសគ្នា។
ករណីគ្រោះថ្នាក់ចរាចរណ៍នេះបានកើតឡើង កាលពីវេលាម៉ោង ១៩ និង ០០ នាទីថ្ងៃទី១៦ ខែសីហា ឆ្នាំ២០២២ ស្ថិតនៅភូមិត្រពាំងកន្ទួត ឃុំបឹងកន្ទួត ស្រុកក្រគរ ខេត្តពោធិសាត់តាមបណ្តោយផ្លូវជាតិលេខ ៥ ត្រង់ចន្លោះបង្គោលគីឡូម៉ែត្រលេខ( ១៦៨-១៦៩)។
បើតាមរបាយការណ៍របស់អធិការដ្ឋាននគរបាលស្រុកក្រគរបានឲ្យដឹងថា ជនរងគ្រោះជិះម៉ូតូម៉ាកហុងដាសេ ១២៥ ពណ៌ខ្មៅពាក់ស្លាកលេខពោធិសាត់1H5866 ទិសដៅពីលិចទៅកើត លុះដល់ចំនុចកើតហេតុម៉ូតូជនរងគ្រោះក៍បានជ្រុលចង្កូចទៅបុកនិងទ្រូងផ្លូវហើយក៍រ៉េចង្កូចទៅបុកនឹងរថយន្តមួយគ្រឿងមិនស្គាល់ម៉ាកដែលកំពុងតែធ្វើចរាចរណ៍បញ្ច្រាសទិសគ្នាយ៉ាងលឿនបណ្តាលអោយស្លាប់បាត់បង់ជីវិតភ្លាមៗនៅនិងកន្លែងកើតហេតុតែម្តង ចំណែករថយន្តបង្កបានបើកគេចខ្លួនបាត់ស្រម៉ោល។
របាយការណ៍ដដែលក៍បានឲ្យដឹងទៀតថា ជនរងគ្រោះមានឈ្មោះញ៉ាល់ និន ភេទប្រុសអាយុ ២៦ ឆ្នាំរស់នៅក្នុងភូមិសារវ័ន្ត ឃុំស្នាអន្សា ស្រុកក្រគរ ខេត្តពោធិសាត់។
ក្រោយកើតហេតុសមត្ថកិច្ចនគរបាលចរាចរណ៍ស្រុកបានចុះទៅពិនិត្យ និងវាស់វែងនៅកន្លែងកើតហេតុហើយបានធ្វើកំណត់ហេតុប្រគល់សាកសពអោយទៅក្រុមគ្រួសារដើម្បីយកទៅធ្វើបុណ្យតាមប្រពៃណី ចំណែករថយន្តបង្កសមត្ថកិច្ចកំពុងធ្វើការស្រាវជ្រាវបន្ត៕
