អតីត យុទ្ធជនពិការនៅឃុំតាំងក្រសាំង ស្រុកសន្ទុក ខេត្តកំពង់ធំ ទទួលខ្នងផ្ទះទី២០៦ ជាអំណោយដ៏ថ្លៃថ្លារបស់សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត

ភ្នំពេញ៖ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ប្រធានសមាគមអតីតយុទ្ធជនកម្ពុជា ខេត្តកំពង់ធំ នៅព្រឹកថ្ងៃទី១៦ ខែសីហា ឆ្នាំ២០២២ បានដឹកនាំសហការី រួមជាមួយអាជ្ញាធរដែនដី បាន ទៅប្រគល់ខ្នងផ្ទះទី២០៦ ដែល ជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រធានសមាគមអតីតយុទ្ធជនកម្ពុជា និង សម្តេច កិត្តិព្រឹទ្ឋបណ្ឌិត ប៊ុន រ៉ានី ហ៊ុន សែន តាមរយៈឯកឧត្តមទេសរដ្ឋមន្ត្រី នាយឧត្តមសេនីយ៍ គន់ គីម អគ្គលេខាធិការសមាគមអតីតយុទ្ធជនកម្ពុជា ជូនអតីតយុទ្ធជននៅភូមិ វាំងជើង ឃុំតាំងក្រសាំង ស្រុក សន្ទុក ខេត្ត កំពង់ធំ ។

ឧត្ដមសេនីយ៍ ទោ សោម ស៊ុន បាន បញ្ជាក់ ថា ៖ លោកពលបាលឯក គង់ សារិទ្ធ អាយុ៥៣ឆ្នាំ បាន ចូល បម្រើ ក្នុង ជួរកងទ័ពក្នុងឆ្នាំ ១៩៨៥នៅ អង្គភាពកងពលធំលេខ៤ចាស់ ហើយបានត្រូវរបួសពិការនៅក្នុងសមរភូមិភ្នំវែង ខេត្តប៉ៃលិន នៅឆ្នាំ១៩៩៣ ។ លោក គង់ សារិទ្ធ ជាបុរសពោះម៉ាយនិងមានកូននៅក្នុងបន្ទុកចំនួន៣នាក់ ។ ដោយជីវភាពលំបាកខ្វះខាត ទើបលោកគ្មាន លទ្ធភាព ក្នុង ការ សាងសង់ ផ្ទះ សមរម្យនៅលេីដី ដែលខ្លួនមាន ។ ដោយ ឃើញ ពី ការ លំបាក នេះ ក្រុមការងារនៃគណៈកម្មាធិការសមាគមអតីតយុទ្ធជន ម្ពុជា ខេត្តកំពង់ ធំ សុំការសម្រេចសាងសង់ផ្ទះថ្មីខ្នងទី២០៦ ដែល ជាអំណោយដ៏ថ្លៃថ្លារបស់ សម្តេច តេជោ ហ៊ុន សែន និង សម្តេច កិត្តិព្រឹទ្ឋបណ្ឌិត ប៊ុន រ៉ានី ហ៊ុន សែន តាម រយៈ ឯកឧត្តម ទេសរដ្ឋមន្រ្តី នាយ ឧត្ដមសេនីយ៍ គន់ គីម ជូនគាត់ ដោយបានសាងសង់ជាផ្ទះទាមនៅផ្ទាល់ដីចាក់សាប ឆ្អឹងដែក ជញ្ជាំង ស្មាតបត ដំបូលប្រក់ស័ង្កសី តាម សំណូម ពរ របស់ គាត់ ដេីម្បី ងាយ ស្រួល ក្នុងការរស់នៅ និងប្រកបរបររកទទួលទានដោយរត់ម៉ូតូឌុប និង ប៉ះកង់គួប ផ្សំ នឹង ប្រាក់ បៀវត្សរ៍ ប្រចាំ ខែ របស់ គាត់ ដេីម្បី ចិញ្ចឹម ជិវិត ។

នៅ ក្នុងឱកាសនេះ ឧត្តមសេនីយ៍ទោ សោម ស៊ុន ក៏បានសំណូមពរដល់បងប្អូនអតីតយុទ្ធជននិងប្រជាពលរដ្ឋទាំងអស់ សូម រួម គ្នា ចូលរួម អនអនុវត្តឲ្យ បានខ្ជាប់ខ្ជួន នូវ គោល នយោបាយ ភូមិ ឃុំ មាន សុវត្ថិភាព ដេីម្បី ភាព សុខដុមរមនា របស់ យើង ទាំងអស់ គ្នា ជា មួយ នេះ ផងដែរ ត្រូវចេះអនាម័យជុំវិញផ្ទះ និងពិសារទឹកស្អាត ឬទឹកឆ្អិន ដើម្បីសុខភាពល្អ រួម ទាំង ការ បន្ត ការ ពារ ទប់ស្កាត់ ការ ឆ្លង ជំងឺ កូវីដ ១៩ និង អញ្ជើញ ទៅ ចាក់ វ៉ាក់ សាំង ដូសទី ៤ និង ដូសទី ៥ ឲ្យ បាន គ្រប់ ៗគ្នា ។

ក្នុងពិធីប្រគល់ផ្ទះថ្មីនៅពេលនេះ ឧត្តមសេនីយ៍ទោ សោម ស៊ុន បាននាំយកនូវអំណោយរបស់ ឯកឧត្តមឧត្តមសេនីយ៍ឯក ហ៊ុន ម៉ាណែត និងលោកជំទាវ ពេជ ចន្ទមុន្នី ផ្ដល់ជូនគាត់បន្ថែមទៀតមាន ៖ អង្ករគ្រឿងឧបភោគបរិភោគ និងថវិកាមួយចំនួនផងដែរ ។
អាជ្ញាធរដែនដី ប្រជាពលរដ្ឋ និងក្រុមគ្រួសារអតីតយុទ្ធជន នៅឃុំតាំងក្រសាំង ស្រុកសន្ទុក ខេត្តកំពង់ ធំ បានសូមគោរពថ្លែងអំណរគុណដ៏ជ្រាលជ្រៅជាទីបំផុត និង សូម គោរព ជូន ពរ ចំពោះសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ព្រមទាំងឯកឧត្តម ហ៊ុន ម៉ាណែត និងលោកជំទាវ រួមទាំងគណៈកម្មាធិការសមាគមអតីតយុទ្ធជនកម្ពុជាខេត្តកំពង់ធំ ដែលបានយកចិត្តទុកដាក់ចំពោះសុខទុក្ខនិងការរស់នៅរបស់អតីតយុទ្ធជន ៕