សមត្ថកិច្ចនគរបាលស្រុកលើកដែកឃាត់ខ្លួនជនជាតិវៀតណាមម្នាក់ ករណីគំរាមកំហែងថានឹងសំលាប់ និងធ្វើឲ្យខូចខាតទ្រព្យសម្បត្តិដោយចេតនា
ភ្នំពេញ ៖ ជនសង្ស័យជនជាតិវៀតណាម ត្រូវបានសមត្ថកិច្ចនគរបាលស្រុកលើកដែកឃាត់ខ្លួន ករណីគំរាមកំហែងថានឹងសំលាប់ និងធ្វើឲ្យខូចខាតទ្រព្យសម្បត្តិដោយចេតនា។
ការឃាត់ខ្លួននេះបានធ្វើឡើងនៅថ្ងៃទី ១១ ខែសីហា ឆ្នាំ២០២២ វេលាម៉ោង ១២:៣០នាទី ចំណុចមាត់ច្រាំងទន្លេមេគង្គភូមិស្ពានដែក ឃុំព្រែកទន្លាប់ ស្រុកលើកដែក ខេត្តកណ្តាល ។
ជនរងគ្រោះចំនួន០២នាក់មានឈ្មោះ
១.ឈ្មោះ ឡេ ធីហ៊ុង ភេទស្រី អាយុ ៦៨ ឆ្នាំ ជនជាតិវៀតណាម មុខរបរមេផ្ទះ មានទីលំនៅភូមិឃុំកើតហេតុ។
២.ឈ្មោះង្វៀង យ៉ាំងណាម ភេទប្រុស អាយុ ១៧ ឆ្នាំ ជនជាតិវៀតណាម មុខរបរជាង
កាត់សក់ មានទីលំនៅភូមិឃុំកើតហេតុ។
ចំណែកជនសង្ស័យមានឈ្មោះ ង្វៀង យ៉ាំងម៉ាន ភេទ ប្រុស អាយុ ២៣ ឆ្នាំ ជនជាតិវៀតណាម មុខរបរកម្មក ស្នាក់នៅភូមិស្ពានដែក ឃុំព្រែកទន្លាប់ ស្រុកលើកដែក ខេត្តកណ្តាល មានសារធាតុញៀនក្នុងទឹកនោម(+)(ឃាត់ខ្លួន)។
សម្ភារៈខូចខាត៖ ខ្សែពួរដាច់ជាពីរកំណាត់សរុបប្រវែង៥,៦០ម៉ែត្ររបស់ជនរងគ្រោះឈ្មោះឡេ ធីហ៊ុង។
វត្ថុតាងចាប់យក៖ ១.កណ្ដៀវផ្លែដែកដងឬស្សីចំនួន០១របស់ជនសង្ស័យឈ្មោះង្វៀង យ៉ាំងម៉ាន់។ ២.កូនកាំបិតចិតបន្លែ០១របស់ជនសង្ស័យឈ្មោះង្វៀង យ៉ាំងម៉ាន់។ ៣.ខ្សែពួលដាច់ជាពីរកំណាត់សរុបប្រវែង៥,៦០ម៉ែត្ររបស់ជនរងគ្រោះឈ្មោះឡេ ធីហ៊ុង។
ដើមហេតុសភាពនៃរឿងហេតុ៖ មុនពេលកើតហេតុ ជនរងគ្រោះកំពុងសែនកុងម៉ានៅលើប៊ែរ ឯកូនប្រុសជនរងគ្រោះកំពុងទាញប៊ែរ(ដែលខ្លួនស្នាក់នៅ)ចូលមកមាត់ច្រាំងទន្លេ ពេលនោះស្រាប់តែឈ្មោះ ម៉ាន់ ផឹកស្រាស្រវឹងកាន់កណ្តៀវមក បានហៅកូនប្រុសជនរងគ្រោះអោយឡើងគោក រួចស្រែកគំរាមថា”អញ!កាប់ក្បាលអ្ហែងទាំងអស់គ្នា និង និយាយថាបើអ្ហែង!មិនឡើងមកទេ អញនិងកាប់ខ្សែប៊ែរអ្ហែង!” ជនរងគ្រោះក៏បានប្រាប់កូនប្រុសរបស់ខ្លួនមិនអោយឡើងមកលើគោកទេ ព្រោះខ្លាចវាកាប់ ស្រាប់តែឈ្មោះម៉ាន់ បានយកកណ្ដៀវកាប់ខ្សែពួរប៊ែររបស់ជនរងគ្រោះដាច់ជាពីរ ពេលនោះជនរងគ្រោះភ័យពេកខ្លាចអណ្ដែតប៊ែរចូលទៅក្នុងទន្លេ ក៏អោយកូនប្រុសរបស់ខ្លួនតេប្តឹងសមត្ថកិច្ចតែម្តង។ចំពោះឈ្មោះម៉ាន់នេះកាលណាតែផឹកស្រាស្រវឹង គឺវាសំលៀងកាំបិតកណ្ដៀវ ពូថៅហើយ វានេះបានគំរាមជនរងគ្រោះកាប់សម្លាប់ជនរងគ្រោះច្រើនលើកច្រើនសារមកហើយ។
បច្ចុប្បន្នជនសង្ស័យ និងវត្ថុតាងត្រូវបានបញ្ជូនមកអធិការដ្ឋាន នគរបាលស្រុកលើកដែកដើម្បីកសាងនិតិវិធីច្បាប់៕
