សមាគមន៍នារីកម្ពុជា ដើម្បីសន្តិភាព និងអភិវឌ្ឍន៍ខេត្តតាកែវ នាំយកចង្រ្កានសន្សំសំចៃថាមពល របស់សហព័ន្ធនារីខេត្តអានយ៉ាង នៃប្រទេសវៀតណាម ផ្ដល់ជូនពលរដ្ឋ ២៥០០គ្រួសារ នៅស្រុកសំរោង

ភ្នំពេញ៖ ឯកឧត្តម អ៊ូច ភា អភិបាលខេត្តតាកែវ និងលោកជំទាវ ស្រី ប៉ុណ្ណាដាវី ប្រធានកិត្តិយសសមាគមន៍នារីដើម្បីសន្តិភាព និងអភិវឌ្ឍន៍ខេត្តតាកែវ នៅព្រឹកថ្ងៃទី៣០ ខែកក្ដដា ឆ្នាំ២០២២ បានអញ្ជើញប្រគល់ចង្រ្កានសន្សំសំចៃថាមពល ដល់បងប្អ័នប្រជាពលរដ្ឋ ចំនួន ២៥០០គ្រួសារ នៅស្រុកសំរោង ដែលជាអំណោយរបស់ សហព័ន្ធនារីខេត្តអានយ៉ាង នៃប្រទេសវៀតណាម។

ពិធីនេះបានប្រាព្ធធ្វើឡើងនៅបរិវេណវត្ត ចិញ្ចែង ឃុំជើងគួន និងក៏មានការអញ្ជើញចូលរួមដោយ លោកជំទាវ ទូច សារ៉ុម សមាជិកអចិន្រ្តៃនារីកម្ពុជា លោកស្រី គា សុភូ អភិបាលរងខេត្ត និងជាប្រធានសមាគមន៍នារីខេត្តតាកែវ លោក ផាម ងុកញ៉ាន នាយកប្រតិបត្តិក្រុមហ៊ុន SIPCO និងជាតំណាងសហព័ន្ធនារីខេត្តអានយ៉ាង លោក កេត ម៉ៅ អភិបាលស្រុកសំរោង និង លោក លោកស្រី ប្រធានមន្ទីរអង្គភាពជុំវិញខេត្ត កងកម្លាំងទាំងបី និងបងប្អូនប្រជាពលរដ្ឋ ២៥០០នាក់ ៕