Wayne Rooney បានចាប់ កិច្ចព្រមព្រៀង ដឹកនាំ ក្លិបរបស់ អាមេរិក DC United

បាល់ទាត់៖ កីឡាករវ័យ៣៦ឆ្នាំ អតីត ខ្សែប្រយុទ្ធ អង់គ្លេស Wayne Rooney បាន ឈានដល់ កិច្ចព្រមព្រៀង ហើយ គ្រង តំណែង ជា គ្រូបង្វឹក នៃ ក្លិប បាល់ទាត់ អាមេរិក DC United នៅ ក្របខណ្ឌ Major League Soccer ។

ជា កីឡាករ ដែល ស៊ុត បញ្ចូល ទី ច្រើន បំផុត ក្នុង ប្រវត្តិសាស្ត្រ បាល់ទាត់ ជំរើសជាតិ អង់គ្លេស Wayne Rooney បាន លាលែង ពី តំណែង ដឹកនាំ ក្លិប Derby County កាលពី ខែ មុន បន្ទាប់ពី ឆ្លងកាត់ ពេលវេលា លំបាក ជាច្រើន ជាមួយ Derby ។ ការដឹកនាំ Derby County គឺជា អាជីព ដំបូង នៃ ការដឹកនាំ ក្រុម សំរាប់ Wayne Rooney តែ ជា អកុសល Derby County មាន វិបត្តិ ហិរញ្ញវត្ថុ និង ប្រកាស ក្ស័យធន រហូត ធ្លាក់ ទៅកាន់ ក្របខណ្ឌ ទី៣ League One អង់គ្លេស ។ រំលឹកថា Wayne Rooney ក៏ ធ្លាប់ ចំណាយពេល ១៨ខែ ដែរ ជា កីឡាករ នៅ DC United នេះ មុនពេល ផ្លាស់ ទៅ Derby County ជាមួយនឹង តំណែង ជា កីឡាករ ផង និង គ្រូបង្វឹក ផង កាលពី ខែមករា ឆ្នាំ២០២០៕