ឧទ្ធម្ភាគចក្រមួយគ្រឿង បើកបរដោយជនជាតិអាល្លឺម៉ង់ម្នាក់ ចុះចតនៅមាត់ទន្លេដោយសារអាកាសធាតុ មិនអំណោយផល

ចេញផ្សាយ ថ្ងៃទី 8 ខែ កក្កដា ឆ្នាំ 2022

ភ្នំពេញ៖ ឧទ្ធម្ភាគចក្រ មួយគ្រឿងបានបង្ខំចុះចតនៅមាត់ទន្លេ ដើម្បីសុវត្ថិភាពព្រោះតែធាតុអាកាសមិនអំណោយផល ។ ហេតុការណ៍នេះបានកើតឡើងនៅវេលាម៉ោង ៧,១៥នាទី ល្ងាចថ្ងៃទី៧ ខែកក្កដា ឆ្នាំ២០២២ នៅចំណុចទន្លេក្នុងភូមិព្រែករាំង ឃុំទឹកហូត ស្រុករលាប្អៀរ ។

តាមរបាយការណ៍របស់លោក សេង សាលី ប្រធានមន្ទីរទេសចរណ៍ខេត្តកំពង់ឆ្នាំងបានបញ្ជាក់អោយដឹងថាៈ ក្រោយពេលកើតហេតុ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំងបានឱ្យក្រុមសមត្ថកិច្ចទៅអន្តរាគមន៍និងដឹកយកអ្នកបើកបរឧទ្ធម្ភាគចក្រ ជនជាតិអាល្លឺម៉ង់ម្នាក់ឈ្មោះ អេន ឌី មកសម្រាកនៅស ណ្ឋាគារសុវណ្ណភូមិ ក្នុងក្រុងកំពង់ ឆ្នាំង ។ ចំណែកឧទ្ធម្ភាគចក្រនោះត្រូវបានក្រុមសមត្ថកិច្ចនៅមូលដ្ឋានដាក់កម្លាំងការពារយ៉ាងយកចិត្តទុកដាក់នៅទីតាំងដែលឧទ្ធម្ភា គចក្របានចុះចត ។