ស្ថាបនិកវេទិកាសន្ដិភាពកម្ពុជា៖កិច្ចព្រមព្រៀងទីក្រុងប៉ារីស២៣តុលា កម្ពុជាមិនទាន់មានសន្ដិភាពពេញលេនៅឡើយ

ស្ថាបនិក វេទិកាសន្ដិភាពកម្ពុជា ឯកឧត្ដម សួន សេរីរដ្ឋា បានលើកឡើងថា កិច្ចព្រមព្រៀងទីក្រុងប៉ារីថ្ងៃទី២៣ខែតុលាឆ្នាំ១៩៩១ ប្រទេសកម្ពុជាមិនទាន់មានសន្ដិភាពគ្រប់គ្រាន់នៅឡើយទេ បើទោះបីកិច្ចព្រមព្រៀងនោះ មានការទទួលស្គាល់ពីអន្ដរជាតិក៍ដោយ ដោយសារភាគីខ្មែរក្រហមមិនបានចូលរួមបោះឆ្នោតឆ្នាំ១៩៩៣ ដែលប្រជាជនកម្ពុជាកំពុងស្ថិតនៅក្នុងសង្គ្រាមនៅឡើយ ប៉ុន្ដែកម្ពុជាមានសន្ដិភាពពេញលេញគឺចាប់ពីថ្ងៃទី២៩ខែធ្នូឆ្នាំ១៩៩៨។

ការលើកលើកឡើងបែបនេះ បានធ្វើឡើងក្នុងពិធីបើកមហាសន្នតិបាតលើកទី១ របស់វេទិកាសន្តិភាពកម្ពុជា នាថ្ងៃទី០៧ខែកក្កដា ឆ្នាំ២០២២នេះ នៅខេត្តសៀមរាប។ឯកឧត្ដម សួន សេរីរដ្ឋា ប្រធានក្រុមប្រឹក្សាភិបាលវេទិកាសន្ដិភាពកម្ពុជា មានប្រសាសន៍ថា រយៈពេល២៣ឆ្នាំមកនេះ ប្រទេសកម្ពុជាមានសន្តិភាពពេញលេញ មានរាជរដ្ឋាភិបាលតែមួយ មានព្រះមហាក្សត្រ តែមួយអង្គ រដ្ឋធម្មនុញ្ញាតែមួយ មានកងកម្លាំងប្រដាប់អាវុធតែមួយក្រុម ហើយប្រជាពលរដ្ឋខ្មែរជាង១៦លាននាក់ បានរស់នៅក្រោមដំបូលនៃសុខសន្តិភាព ប្រជាពលរដ្ឋអាចធ្វើដំណើរមានសុខសុវត្ថិភាពពេញលេញទាំងអស់ទាំងនេះ ក៏ទទួលបានដោយសារតែគុណតម្លៃសន្តិភាព ដែលបានកើតឡើលងចាប់ពីឆ្នាំ១៩៩៨មក។ឯកឧត្ដម បានបញ្ជាក់ថា ស្តែងតាមរយៈគោលនយោបាយឈ្នះឈ្នះ ប្រទេសកម្ពុជា បាននឹងកំពុងតែទទួលស្គាល់នូវការអភិវឌ្ឍ មានតែអប់រំបណ្តុះបណ្តាលឱ្យប្រជាពលរដ្ឋបានចូលរួមចំណែកលើវិស័យផ្សេងៗ ដើម្បីធ្វើយ៉ាងណាឱ្យសេដ្ឋកិច្ចជាតិ និងជីវភាពរបស់ប្រជាពលរដ្ឋមានការរីកចម្រើន ដែលផ្ទុយស្រឡះពីអតីតកាលប្រទេសកម្ពុជា បានជួបប្រទះតែងតែប្រយុទ្ធគ្នាគ្មានពេលស្រាកស្រាន្តជាដើម។ ជាមួយគ្នានោះ សន្តិភាព គឺជាគ្រឹះតែមួយគត់ សម្រាប់ធានាឱ្យមានបរិយាកាសរៀបចំការបោះឆ្នោតដោយសេរី និងយុត្តិធម៌ ហើយសន្តិភាពក៏ជាផ្លូវតែមួយគត់ ដើម្បីឱ្យដំណើរនៃលទ្ធិប្រជាធិបតេយ្យកើតមានឡើងជាមួយនឹងការគោរពសិទ្ធិមនុស្ស។ឯកឧត្ដមប្រាប់ដល់សមាជិកសមាជិការនៃវេទិកាសន្ដិភាព ត្រូវប្ដេជ្ញាធ្វើជាសេនាការពារសន្ដិភាពជូនប្រទេសជាតិ ដោយមិនឱ្យក្រុមណាមួយ ឬអ្នកនយោបាយណាមកបំផ្លាញសន្ដិភាព ដែលបានកើតឡើងដោយសារការលះបង់អាយុជីវិត្ដរបស់សម្ដេចតេជោ នាយករដ្ឋមន្ដ្រីបាននោះឡើយ។ ឯកឧត្ដមបន្ដថា នយោបាយឈ្នះឈ្នះ របស់សម្តេចតេជោ ហ៊ុន សែន ដែលបានដាក់ចេញសម្រាប់កម្រាប់កម្ពុជា បានក្លាយទៅជាគ្រាប់ពូជសកលមួយសម្រាប់ប្រទេសដែលកំពុងមានសង្គ្រាម គឺត្រូវការគ្រាប់ពូជសន្តិភាព គ្រាប់ពូជនយោបាយឈ្នះឈ្នះពីកម្ពុជា។ នយោបាយឈ្នះឈ្នះ របស់សម្តេចតេជោ ហ៊ុន សែន ដែលដាក់ចេញសម្រាប់កម្រាប់កម្ពុជា បានក្លាយទៅជាគ្រាប់ពូជសកលមួយ ដែលពេលនេះប្រទេសដែលកំពុងតែមានសង្គ្រាម កំពុងតែមានវិបត្តិឈ្លោះប្រកែកគ្នា គឺត្រូវការគ្រាប់ពូជសន្តិភាព ត្រូវការគ្រាប់ពូជនយោបាយឈ្នះឈ្នះ ពីកម្ពុជា៕