មេបញ្ជាការកងពលតូចថ្មើរជើងលេខ២១ អញ្ជើញគោរពវិញ្ញាណក្ខន្ធ សពលោកនាយរងសេនាធិការកងពល
ភ្នំពេញ៖ ឧត្តមសេនីយ៍ទោ អ៊ិន ស៊ីដារ៉ា មេបញ្ជាការកងពលតូចថ្មើរជើងលេខ២១ បានដឹកនាំនាយ-ពលទាហាន កងពល ចូលរួមក្នុងពិធីបុណ្យសពលោកវរសេនីយ៍ឯក ប៉ែន រ៉ី នាយរងសេនាធិការកងពល បានទទួលមរណៈភាព កាលពីនៅថ្ងៃទី៥ ខែកក្កដា ឆ្នាំ២០២២ ក្នុងជន្មាយុ ៦៧ឆ្នាំដោយរោគាពាធ ។
នៅក្នុងពិធីកាន់ទុក្ខយ៉ាងក្រៀមក្រំជាមួយគ្រួសារនៃសព ឧត្តមសេនីយ៍ អ៊ិន ស៊ីដារ៉ា និង នាយទាហាន នាយទាហានរង និងពលទាហាន សូមចូលរួមរំលែកទុក្ខដ៏ក្រៀមក្រំនេះ ព្រមទាំងបានសម្តែងនូវការសោកស្តាយជាពន់ពេកចំពោះការបាត់បង់ នាយទាហានមួយរូប នៃកងពលតូចថ្មើរជើងលេខ២១ កន្លងមកបានលះបង់កម្លាំងកាយចិត្ត បំពេញភារកិច្ចជូនជាតិមាតុភូមិ និងប្រជាជន ។
ឧត្តមសេនីយ៍ទោ អ៊ិន ស៊ីដារ៉ា បានអញ្ជើញបំពាក់ឋានន្តរសក្តិថ្នាក់វរសេនីយ៏ឯក ជាកិច្ចមច្ឆាមរណៈជូនសពវរសេនីយ៍ឯក ប៉ែន រ៉ី បានឧទ្ទិសដួងវិញ្ញាណក្ខន្ធសពលោកវរសេនីយ៍ឯក ប៉ែន រ៉ី សូមទៅកាន់សុគតិភព និងឋានបរមសុខកុំបីឃ្លៀងឃ្លាតឡើយ ។
នៅក្នុងឱកាសនោះដែរលោកមេបញ្ជាការ បានយកថវិកាចំនួនមួយលានរៀល ដែលជាថវិការផ្ទាល់ខ្លួនរបស់ឯកឧត្តម ដើម្បីចូលរួមជាមួយគ្រួសារនៃសព ៕
