អគ្គីភ័យ ឆេះរោង ជួសជុល រថយន្ត មួយកន្លែង នៅសង្កាត់ទួលសង្កែទី២ បណ្ដាលឲ្យខូចខាតរថយន្ត ៣គ្រឿង
ភ្នំពេញ ៖ នៅព្រឹកថ្ងៃទី៥ ខែកក្កដា ឆ្នាំ២០២២ មានករណីអគ្គីភ័យ ឆេះរោង ជួសជុល រថយន្ត មួយកន្លែង ដែលស្ថិតនៅផ្លូវ៥៩៨ ភូមិទួលថ្ងាន់ សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ ម្ចាស់ទីតាំងមានឈ្មោះ ញ៉ាន់ ដារ៉ា ភេទ ប្រុស អាយុ ៣២ ឆ្នាំ មុខរបរ លក់រថយន្ត។
មូលហេតុបណ្តាល មក ពី ឆ្លងចរន្តអគ្គីសនី ចេញពីរថយន្តបង្កជាអគ្គិភ័យតែ ម្តង ។ ប្រភេទសំណង់ ដែកប្រក់ស័ង្កសី ទំហំ ២០x៣០ ម៉ែត្រ ។
ខូចខាតសម្ភារៈ ឆេះខូចខាតរថយន្តអស់ចំនួន ៣ គ្រឿង, រថយន្ត មួយគ្រឿង ម៉ាក CRV មួយគ្រឿង ពណ៌ទឹកប៊ិច, រថយន្តម៉ាក NX200T ពណ៌ប្រផេះ, រថយន្តម៉ាក Tundra ពណ៌ទឹកប្រាក់ និងពុំបណ្តាលអោយរាលដាលដល់ផ្ទះអ្នកជិតខាងឡើយ។
ក្នុងប្រតិបត្តិការនេះ កងកម្លាំង អន្តរាគមន៍ បង្ការ ពន្លត់ អគ្គិភ័យ និងសង្គ្រោះ បានប្រើប្រាស់ រថយន្តការិយា ល័យ អគ្គិភ័យ ចំនួន ២២ គ្រឿង ប្រើប្រាស់ទឹកអស់ ២២ រថយន្ត ស្មើរនឹង ៨៨ម៉ែត្រគូប ៕
