**នាយឧត្តមសេនីយ៍ ស ថេត ណែនាំប្រធាននាយកដ្ឋានចំនួន០២រូប ដែលទើបចូលកាន់តំណែងថ្មី ត្រូវពង្រឹងប្រសិទ្ធភាពការងារ សំដៅចូលរួមទប់ស្កាត់បទល្មើស**ព្រះមហាក្សត្រ ត្រាស់បង្គាប់តែងតាំងអ្នកឧកញ៉ា ចេន ហ្ស៊ី ជាទីប្រឹក្សាសម្តេចតេជោ ហ៊ុន សែន ដោយពុំទទួលប្រាក់បំណាច់មុខងារ**គណ:កម្មការចម្រុះរៀបចំការបោះឆ្នោត បើកកិច្ចប្រជុំពិនិត្យវឌ្ឍនភាពនៃដំណេីរការរៀបចំការបោះឆ្នោតជ្រើសរើសប្រធានសមាគមសិល្បករខ្មែរ ដែលនឹងប្រព្រឹត្តទៅនៅថ្ងៃទី២ ខែឧសភា ខាងមុខនេះ**សម្តេចធិបតី ហ៊ុន ម៉ាណែត អញ្ជើញសម្ពោធដាក់ឱ្យប្រើប្រាស់ «អគារមណ្ឌលផ្តល់សេវាផ្នែកវះកាត់» នៅក្នុងមន្ទីរពេទ្យបង្អែកខេត្តសៀមរាប តម្លៃជិត២០លានដុល្លារ ជាជំនួយរបស់ជប៉ុន នៅព្រឹកស្អែកនេះ**ជីវប្រវត្តិរបស់ប្រធានរដ្ឋឡាវ ដែលនឹងអញ្ជើញមកបំពេញទស្សនកិច្ចជាផ្លូវរដ្ឋនៅកម្ពុជា រយៈពេល២ថ្ងៃ ចាប់ពីថ្ងៃទី២៣-២៤ ខែមេសាខាងមុខនេះ**ឧត្តមសេនីយ៍ឯក ព្រុំ សន្ធរ នាំយកថវិកា ៣លានរៀល និងសារលិខិតរំលែកមរណទុក្ខរបស់ នាយឧត្តមសេនីយ៍ អគ្គស្នងការនគរបាលជាតិ ជូនក្រុមគ្រួសារសពឧបាសិកា ពិន ប៉ាវ**វឌ្ឍនភាពគម្រោងស្ថាបនាស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) សម្រេចបាន ៧,៥% កើនជាងផែនការគ្រោងទុក ប្រមាណ ០,៦%**រដ្ឋមន្រ្តីក្រសួងសុខាភិបាល អញ្ជើញចុះពិនិត្យទីតាំង និងការរៀបចំហេដ្ឋារចនាសម្ព័ន្ធ មណ្ឌលផ្តល់សេវាផ្នែកវះកាត់នៃមន្ទីរពេទ្យបង្អែកខេត្តសៀមរាប**តៃវ៉ាន់ ថាផ្លូវអាកាសថ្មីរបស់ចិនគំរាមកំហែងដល់សុវត្ថិភាពហោះហើររបស់កោះតៃវ៉ាន់**ឯកឧត្ដមបណ្ឌិត កៅ គឹមហួន ផ្ញើសារអបអរសាទរជូនប្រធានព្រឹទ្ធសភាកម្ពុជា ក្នុងឱកាសខួប២៥ឆ្នាំ ដែលកម្ពុជាចូលជាសមាជិកអាស៊ាន**Micron គ្រោងនឹងទទួលបាន ៦.១ពាន់លានក្នុងការផ្តល់ជំនួយឈីបពីសហរដ្ឋអាមេរិក**រដ្ឋមន្ត្រីក្រសួងព័ត៌មាន លើកទឹកចិត្តដល់អ្នកសារព័ត៌មានទាំងអស់ឱ្យបន្តគោរពឱ្យបានហ្មត់ចត់នូវក្រមសីលធម៌វិជ្ជាជីវៈ និងទប់ស្កាត់ព័ត៌មានក្លែងក្លាយ**ក្រសួងរៀបចំដែនដី និងរដ្ឋបាលខេត្តកំពង់ធំ ប្រគល់ប័ណ្ណកម្មសិទ្ធិដីធ្លីជូនប្រជាពលរដ្ឋ ជាង១ពាន់គ្រួសារ នៅឃុំសណ្តាន់ **ឃាតកចាក់សម្លាប់ស្រ្តីម្នាក់យ៉ាងព្រៃផ្សៃ នៅខណ្ឌពោធិ៍សែនជ័យ ព្រោះខឹងជនរងគ្រោះមានប្តី និងមានកូន មិនប្រាប់ឲ្យរូបគេបានដឹង ក្បត់ទំនុកចិត្តដែលខំស្រលាញ់**មន្ទីរសុខាភិបាលខេត្តក្រចេះ ចេញសេចក្ដីប្រកាសព័ត៌មានបង្ហាញពីករណីពុលនំបញ្ចុក បណ្តាលឱ្យពុលមនុស្ស ចំនួន ១៦នាក់**ឧបនាយករដ្ឋមន្ត្រី ស សុខា នឹងដឹកនាំគណៈប្រតិភូ អញ្ជើញបំពេញទស្សនកិច្ចនៅសហព័ន្ធស្វីស និងសាធារណរដ្ឋសហព័ន្ធអាល្លឺម៉ង់ ចាប់ពីថ្ងៃទី២០-២៧ ខែមេសា**អគ្គនាយកដ្ឋានពន្ធដារ ចេញសេចក្តីណែនាំស្តីពី ការលើកលែងពន្ធអប្បបរមា ដល់សហគ្រាសជាគម្រោងវិនិយោគមានលក្ខណសម្បត្តិគ្រប់គ្រាន់**ឯកឧត្តម ហេង សួរ៖ កូរ៉េគឺជាទីផ្សារការងារដ៏ល្អមួយសម្រាប់ពលករកម្ពុជា អាចទៅធ្វើការងារលើវិស័យសំខាន់ៗជាច្រើននៅទីនោះ**មន្ត្រីជាន់ខ្ពស់ គ.ជ.ប បានបញ្ជាក់ថា ពាក្យបណ្ដឹងអនាមិកពុំត្រូវបានចាត់ទុកជាពាក្យបណ្តឹងស្របច្បាប់ និងមិនត្រូវលើកយកមកដោះស្រាយនោះទេ**ក្រសួងផែនការ បើកវគ្គបណ្ដុះបណ្តាលមន្ត្រីប្រចាំតំបន់ មន្ត្រីជំនួយការតំបន់ និងមន្ត្រីត្រួតពិនិត្យ សម្រាប់អង្កេតចន្លោះជំរឿនប្រជាជននៅកម្ពុជាឆ្នាំ២០២៤

លោកជំទាវ កិត្តិសង្គហបណ្ឌិត ឃួន សុដារី អនុញ្ញាតឱ្យគណៈប្រតិភូសហព័ន្ធសន្តិភាពសកលចូលជួបសម្តែងការគួរសម និងពិភាក្សាការងារ

ភ្នំពេញ៖ លោកជំទាវ កិត្តិសង្គហបណ្ឌិត ឃួន សុដារី អនុប្រធានទី២ រដ្ឋសភា និងជាប្រធានក្រុមប្រឹក្សាវប្បធម៌អាស៊ី (ACC) នៅព្រឹកថ្ងៃទី៥ ខែកក្កដា ឆ្នាំ២០២២ បានអនុញ្ញាតឱ្យគណៈប្រតិភូសហព័ន្ធសន្តិភាពសកល(Universal Peace Federation-UPF) ដឹកនាំដោយ ឯកឧត្តម Ek Nath Dhakal ចូលជួបសម្តែងការគួរសម និងពិភាក្សាការងារអំឡុងពេលនៃការបំពេញទស្សនកិច្ចការងារនៅព្រះរាជាណាចក្រកម្ពុជា។

នៅក្នុងជំនួបនេះ លោកជំទាវ កិត្តិសង្គហបណ្ឌិត បានមានប្រសាសន៍អំពីទំនាក់ទំនងដ៏ល្អរវាងអង្គការ UPF ជាមួយសភា និងរាជរដ្ឋាភិបាលកម្ពុជា ដែលមានជាយូរមកហើយ និងបានថ្លែងអំណរគុណយ៉ាងជ្រាលជ្រៅចំពោះជំនឿជាក់របស់អង្គការនេះមកលើប្រទេសកម្ពុជាក្នុងការចូលរួមកសាង និងពង្រឹងសុខសន្តិភាព។

លោកជំទាវបានរំលឹកឡើងវិញនូវដំណើរទស្សនកិច្ចនៅសាធារណរដ្ឋកូរ៉េ របស់ សម្តេចតេជោ ហ៊ុន សែន នាយករដ្ឋមន្រ្តី ក្នុងនាមជាសហប្រធានកិច្ចប្រជុំកំពូលសន្តិភាពពិភពលោកឆ្នាំ ២០២២ កាលពីខែកុម្ភៈ ឆ្នាំ២០២២ ដែលទទួលបានលទ្ធផលផ្លែផ្កាដ៏ត្រចះត្រង់ ដែលនៅពេលនោះ
សម្តេចតេជោ ហ៊ុន សែន នាយករដ្ឋមន្រ្តី បានផ្តល់អនុសាសន៍លើសំណើគោលនយោបាយជាក់ស្តែងពាក់ព័ន្ធមួយចំនួនឆ្ពោះទៅរកសន្តិភាព និងការបង្រួបបង្រួមនៅឧបទ្វីបកូរ៉េ ហើយសំណើទាំងនោះត្រូវបានឆ្លុះបញ្ចាំងនៅក្នុងសេចក្តីថ្លែងការណ៍ទីក្រុងសេអ៊ូលឆ្នាំ2022។ លោកជំទាវបានគូសបញ្ជាក់នូវគំនិតផ្តួចផ្តើមរបស់ សម្តេចតេជោ ហ៊ុន សែន នាយករដ្ឋមន្រ្តី ស្តីពី “រដ្ឋពីរឆ្ពោះទៅប្រទេសតែមួយ៖ ឧបទ្វីបតែមួយ វប្បធម៌តែមួយ ប្រជាជនតែមួយ” ដោយផ្តោតលើការផ្លាស់ប្តូរសង្គម-វប្បធម៌រវាងកូរ៉េទាំងពីរ ដែលជាមធ្យោបាយឆ្ពោះទៅរកសន្តិភាព និងការបង្រួបបង្រួមជាតិនៅឧបទ្វីបកូរ៉េ។

លោកជំទាវ បានសង្កត់ធ្ងន់អំពីតំលៃនៃសន្តិភាព ដែលជាតម្រូវការដំបូងបំផុត សម្រាប់ការអភិវឌ្ឍន៍ និងលទ្ធិប្រជាធិបតេយ្យ។ ការលើកកម្ពស់លទ្ធិប្រជាធិបតេយ្យ សិទ្ធិមនុស្ស និងវិបុលភាព មិនអាចប្រព្រឹត្តទៅបានទេលុះត្រាតែសន្តិភាពត្រូវបានធានា។

លោកជំទាវក៏បានជម្រាបជូនប្រតិភូនាពេលនេះដែរថា នៅកម្ពុជា សន្តិភាព គឺជាអាទិភាពចម្បងនៃដំណើរការកសាងប្រទេសជាតិ រហូតឃ្លាថា “អរគុណសន្តិភាព” បានក្លាយជាឃ្លាដែលប្រជាពលរដ្ឋកម្ពុជាប្រើប្រាស់យ៉ាងទូលំទូលាយ ដើម្បីរំលឹកអំពីតម្លៃនៃសន្តិភាព និងសារៈសំខាន់នៃការចូលរួមរបស់ប្រជាជនដើម្បីការពារថែរក្សាសន្តិភាព។

ជាមួយគ្នានេះដែរ លោកជំទាវ បានបង្ហាញពីក្តីប៉ងប្រាថ្នារបស់ប្រជាជនកម្ពុជា គឺការរស់នៅប្រកបដោយសន្តិភាព វិបុលភាព និងសេរីភាព។ នូវចក្ខុវិស័យនេះ យើងត្រូវរក្សាសន្តិភាព និងស្ថិរភាព អភិវឌ្ឍសមត្ថភាពធនធានមនុស្ស បន្តធ្វើកំណែទម្រង់អភិបាលកិច្ចឱ្យកាន់តែរឹងមាំ និងតរភ្ជាប់ ព្រមទាំងធ្វើសមាហរណកម្មកម្ពុជាទៅក្នុងប្រព័ន្ធអន្តរជាតិ ស្របតាមបាវចនា “កែទម្រង់ខាងក្នុង បង្កើនមិត្តខាងក្រៅ ក្នុងស្មារតីឯករាជ្យ” ដែលផ្តួចផ្តើមនិងបង្កើតឡើងផ្ទាល់ដោយ សម្តេចតេជោ ហ៊ុន សែន។

លោកជំទាវក៏បានលើកឡើងអំពីអតីតកាលដ៏ឈឺចាប់ វិនាសព្រាត់ប្រាសរបស់ប្រជាជនកម្ពុជាអំឡុងពេលរបបប្រល័យពូជសាសន៍ ប៉ុល ពត ដែលសូម្បីលោកជំទាវផ្ទាល់ក៏បានបាត់បង់នូវសមាជិកគ្រួសារផងដែរ។ ការរងទុក្ខវេទនាកាលពី ៤៧ឆ្នាំមុននេះ គឺដូចគ្នាទៅនឹងសង្រ្គាមកូរ៉េ ដែលបានធ្វើឱ្យកូរ៉េបែងចែកជាពីរមកទល់បច្ចុប្បន្ន បណ្តាលឱ្យគ្រួសារកូរ៉េជាច្រើនលាននាក់ត្រូវព្រាត់ប្រាស។ ដូចនេះ បទពិសោធន៍ពីដំណើរការសន្តិភាពរបស់កម្ពុជាបង្ហាញថា យើងទាំងអស់គ្នាត្រូវតែយកចិត្តទុកដាក់ខ្ពស់ទៅលើសន្តិភាព ដោយយើងត្រូវតែបន្តថែរក្សា និងកសាងមូលដ្ឋានគ្រឹះនៃសន្តិភាព។

លោកជំទាវបានសង្កត់ធ្ងន់ថា សន្តិភាពមិនមែនត្រឹមតែគ្មានសង្គ្រាមប៉ុណ្ណោះទេ ប៉ុន្តែក៏ជាការលើកកម្ពស់ជីវភាពរស់នៅរបស់ប្រជាជន ការថែរក្សាបេតិកភណ្ឌវប្បធម៌ និងការការពារបរិស្ថានផងដែរ។

លោកជំទាវបានធ្វើការកត់សម្គាល់ផងដែរអំពីសភាពការណ៍បោះឆ្នោះឃុំ-សង្កាត់ កាលពីពេលថ្មីៗនេះ ដែលប្រទេសកម្ពុជាទើបតែបញ្ចប់ ប្រកបដោយដោយសន្តិភាព បរិយាប័ន្ន សេរី និងយុត្តិធម៌។

ឆ្លៀតក្នុងឱកាសនេះ លោកជំទាវបានថ្លែងអំណរគុណជូនចំពោះមិត្តអន្តរជាតិដែលបានចំណាយពេលវេលា និងការយកចិត្តទុកដាក់ខ្ពស់ ចូលរួមសង្កេតការបោះឆ្នោត ក្នុងនោះរួមទាំងប្រតិភូមកពីសហព័ន្ធសន្តិភាពសកលផងដែរ។

ជាមួយគ្នានេះផងដែរ ឯកឧត្តម Ek Nath Dhakal បានថ្លែងអំណរគុណ លោកជំទាវ កិត្តិសង្គហបណ្ឌិត ឃួន សុដារី ដែលបានចែករំលែកនូវបទពិសោធន៍ដ៏ក្បោះក្បាយស្តីពីបទពិសោធន៍ក្នុងការទទួលបានសន្តិភាពពេញលេញនៅកម្ពុជា ក៏ដូចជាការរួមចំណែករបស់សភា និងរាជរដ្ឋាភិបាលកម្ពុជាទៅលើសន្តិភាពក្នុងតំបន់ ជាក់ស្តែងកិច្ចសន្ទនារកសន្តិភាពនៅឧបទ្វីបកូរ៉េ និងសកលលោកទាំងមូល។

ឯកឧត្តម បានបន្ថែមថា បើទោះបីបញ្ហានៅឧបទ្វីបកូរ៉េស្មុគស្មាញអំពីមនោគមនវិជ្ជានយោបាយ ការដឹកនាំ ពិតមែនក្តី តែក្នុងនាមមនុស្សជាតិនិយម ប្រជាជាតិទាំងអស់ប្រាថ្នាទទួលបានសុខសន្តិភាព បង្រួបបង្រួមគ្នា ដើម្បីបន្តបង្កើនការអភិវឌ្ឍលើគ្រប់វិស័យប្រកបដោយសុខសន្តិភាព សុវត្ថិភាពទាំងក្នុងតំបន់ និងជាការរួមចំណែកដល់សុខសន្តិភាពទូទាំងសកលលោក។

ជាចុងក្រោយ លោកជំទាវ កិត្តិសង្គហបណ្ឌិត ឃួន សុដារី បានផ្តាំផ្ញើនូវការអរគុណយ៉ាងជ្រាលជ្រៅជូនចំពោះថា្នក់ដឹកនាំនៃសាធារណរដ្ឋកូរ៉េ សភា សហព័ន្ធសន្តិភាពសកល ក៏ដូចជាដៃគូពាក់ព័ន្ធទាំងអស់ ដែលតែងតែបន្តគាំទ្រជួយកម្ពុជា និងជំរុញវិនិយោគិនឱ្យមកបណ្តាក់ទុនធ្វើពាណិជ្ជកម្ម និងការអភិវឌ្ឍធនធានមនុស្សនៅកម្ពុជាលើគ្រប់វិស័យ ដែលនេះបញ្ជាក់ឱ្យឃើញពីកិច្ចសហប្រតិបត្តិដ៏ល្អរវាងប្រទេសទាំងពីរក្នុងការអភិវឌ្ឍសេដ្ឋកិច្ចសង្គម៕

អត្ថបទដែលជាប់ទាក់ទង