បញ្ជាការយោធភូមិភាគទី៥ អញ្ជើញជាអធិបតី ក្នុងកិច្ចប្រជុំបូកសរុបការងារយោធាសន្តិសុខសប្ដាហ៍ ចុងខែមិថុនា
ភ្នំពេញ៖ ឯកឧត្តម ឧត្តមសេនីយ៍ឯក ឯក សំអូន មេបញ្ជាការរងកងទ័ពជើងគោក មេបញ្ជាការ យោធភូមិភាគទី៥ នៅព្រឹកថ្ងៃទី៤ ខែកក្កដា ឆ្នាំ២០២២បានអញ្ជើញជាអធិបតីក្នុងកិច្ចប្រជុំបូកសរុបការងារយោធាសន្តិសុខ សប្ដាហ៍ចុងខែមិថុនា ឆ្នាំ២០២២។
ពិធីខាងលើនេះមានការអញ្ជើញចូលរួមពី មេបញ្ជាការរង នាយសេនាធិការ នាយសេនាធិការរង នាយ នាយរងការិយាល័យចំណុះទាំង១៩ នាយកសាលាពលទាហានទី៥ នាយករងមន្ទីរពេទ្យយោធភូមិភាគទី៥ មេបញ្ជាការរងតំបន់ប្រតិបត្តិការសឹករងបាត់ដំបង មេបញ្ជាការវរសេនាតូច និងមេបញ្ជាការកងអនុសេនាធំចំណុះយោធភូមិភាគទី៥។
មេបញ្ជាការ យោធភូមិភាគទី៥ មានប្រសាសន៍បូកសរុបវាយតម្លៃ និងកោតសរសើរដល់ការខិតខំប្រឹងប្រែងរបស់បណ្តាជំនាញ និងអង្គភាពចំណុះ ដែលសម្រេចបានការងារល្អប្រសើរ ដោយរលូនក្នុងសប្តាហ៍កន្លងមកនេះ។
ឧត្តមសេនីយឯក ក៏បានបញ្ជាក់ថា ត្រូវបន្តយកចិត្តទុកដាក់អនុវត្តភារកិច្ចដើម្បីទទួលបានលទ្ធផលល្អ បន្តជំរុញការងារសាងសង់តាមបណ្តាអង្គភាព បន្តការអបរំចិត្តសាស្រ្តដល់នាយទាហាន នាយទាហានរង ពលទាហាន បន្តតាមដានវគ្គហ្វឹកហ្វឺននៅសាលាពលទាហានទី៥ និងយោធភូមិភាគទី៥ ត្រៀមបិទវគ្គហ្វឹកហ្វឺន បើកវគ្គហ្វឹកហ្វឺននៅកងពលតូចថ្មើរជើងលេខ៥៣ និងបន្តប្រុងប្រយ័ត្នចំពោះជំងឺកូវីដ-១៩ ដោយបន្តអនុវត្តវិធានការ ៣កុំ ៣ការពារ អោយបានខ្ជាប់ខ្ជួន៕
