ពោធិ៍សាត់៖ សិស្សស្រីម្នាក់គិតខ្លីបានសម្រេចចិត្តយកខ្សែនីឡុងចងកសម្លាប់ខ្លួនឯងក្នុងបន្ទប់នៅក្នុងផ្ទះរបស់ខ្លួនកាលពីវេលាម៉ោង១៥:០០នាទីថ្ងៃទី ១ ខែ កក្កដា ឆ្នាំ ២០២២ ស្ថិតនៅក្នុងភូមិទួលត្បែង ឃុំឈើតុំ ស្រុកក្រគរ ខេត្តពោធិ៍សាត់។
បើតាមរបាយការណ៍របស់អធិការដ្ឋាននគរបាលស្រុកក្រគរបានឲ្យដឹងថា នារីរងគ្រោះដែលបានស្លាប់មានឈ្មោះសារុន អុីនកក្កដា ភេទស្រីអាយុ ១៤ ឆ្នាំមុខរបរជាសិស្ស រស់នៅជាមួយឪពុកម្តាយក្នុងភូមិទួលត្បែង ឃុំឈើតុំ ស្រុកក្រគរ ខេត្តពោធិ៍សាត់។
បើតាមម្តាយជនរងគ្រោះបានរៀបរាប់ប្រាប់សមត្ថកិច្ចនគរបាលថា កូនស្រីរបស់គាត់តែងតែពោលពាក្យថា រូបគេគ្មានសំភារ:និយមល្អៗប្រើប្រាស់ដូចកូនគេ ហើយកន្លងមកកូនស្រីរបស់គាត់បានព្យាយាមធ្វើអត្តឃាតចំនួនពីដងមកហើយតែមិនបានសម្រេច។
ក្រោយសមត្ថកិច្ចជំនាញចុះពិនិត្យកោសល្យវិច័យនៅកន្លែងកើតហេតុ បញ្ជាក់ថាជនរងគ្រោះពិតជាស្លាប់ដោយសារចងកសម្លាប់ខ្លួនឯងពិតប្រាកដមែន។
សពនារីរងគ្រោះត្រូវបានសមត្ថកិច្ចធ្វើកំណត់ហេតុប្រគល់ឲ្យក្រុមគ្រួសារដើម្បីយកទៅធ្វើបុណ្យតាមប្រពៃណី៕
