ឯកឧត្តម អ៊ុក ប៊ុនឈឿន នាំយកទៀនព្រះវស្សា ទេយ្យវត្ថុ គ្រឿងឧបភោគ បរិភោគ ទៅវេរប្រគេនដល់ព្រះសង្ឃដែលគង់នៅវត្តចំនួន៣ នៅក្នុងស្រុកមេមត់
ភ្នំពេញ៖ ឯកឧត្តម អ៊ុក ប៊ុនឈឿន ប្រធានក្រុមសមាជិកព្រឹទ្ធសភាប្រចាំភូមិភាគទី២និងលោកជំទាវ នាថ្ងៃទី០១ ខែកក្កដា ឆ្នាំ២០២២ បានអញ្ជើញនាំយកទៀនព្រះវស្សា ទេយ្យវត្ថុ គ្រឿងឧបភោគ បរិភោគ ទៅវេរប្រគេនដល់ព្រះសង្ឃដែលគង់នៅវត្តចំនួន០៣ ស្ថិតនៅក្នុងស្រុកមេមត់ ខេត្តត្បូងឃ្មុំ។
វត្តទាំង៣រួមមាន៖ វត្តដារ វត្តបង្គៅ និងវត្តហតិ្ថវនារាម ក្តុល ដែលក្នុងមួយវត្តៗទទួលបាន ទៀនវស្សា១គូ ស្លាដក់១កញ្ចប់ កន្រ្តកភេសជ្ជៈ១កន្រ្តក អង្ករ១បាវ ទឹកសុទ្ធ២កេស ប្រេងឆា៥លីត្រ ១ដប ធូប១ដុំ មី១កេស បីចេង៣កញ្ចប់ អំបិល៣កញ្ចប់ ត្រីខ១យួរ ខ្ទឹម១ថង់ សៀងដប១យួរ ទឹកត្រី១យួរ ទឹកស៊ីអ៉ីវ១យួរ និងបច្ច័យក្នុងមួយវត្តៗចំនួន៣០០,០០០រៀល៕
