ប្រធានក្រុមការងារគណបក្សចុះមូលដ្ឋានខេត្តកំពង់ឆ្នាំង ស្នើដល់សមាជិកសមាជិកាគណបក្សប្រជាជនកម្ពុជាមកពីតាមបណ្ដាក្រុង-ស្រុកទាំង៨ ជាសមាជិកថ្មី រក្សាគោលជំហរ និងភាពស្មោះត្រង់ចំពោះគណបក្សប្រជាជនកម្ពុជា
កំពង់ឆ្នាំង៖ ឯកឧត្ដមបណ្ឌិតសភាចារ្យ អ៊ុក រ៉ាប៊ុន សមាជិកគណៈអចិន្រ្តៃយ៍គណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សប្រជាជនកម្ពុជាចុះមូលដ្ឋានខេត្តកំពង់ឆ្នាំង បានស្នើដល់សមាជិកសមាជិកាគណបក្សប្រជាជនកម្ពុជាមកពីតាមបណ្ដាក្រុង-ស្រុកទាំង៨ ចំនួន៥០៩នាក់ ជាសមាជិកថ្មី រក្សាគោលជំហរ និងភាពស្មោះត្រង់ចំពោះគណបក្សប្រជាជនកម្ពុជា ដើម្បីគណបក្សមានលទ្ធភាពក្នុងការដឹកនាំ និងអភិវឌ្ឍន៍ប្រទេសជាតិទៅអនាគត។
ឯកឧត្ដមបណ្ឌិតសភាចារ្យស្នើបែបនេះនៅក្នុងពិធីសំណេះសំណាល និងប្រកាសបញ្ចូលសមាជិកសមាជិកាគណបក្សប្រជាជនកម្ពុជាថ្មីមកពីក្រុង-ស្រុកទាំង៨ ចំនួន៥០៩នាក់ នាព្រឹកថ្ងៃទី២៩ ខែវិច្ឆិកា ឆ្នាំ២០២៥ នៅមន្ទីរគណបក្សប្រជាជនកម្ពុជាខេត្តកំពង់ឆ្នាំង ដោយមានការចូលរួមពីឯកឧត្ដម ស៊ុន សុវណ្ណារិទ្ធិ ប្រធានគណៈកម្មាធិការគណបក្សប្រជាជនកម្ពុជាខេត្តកំពង់ឆ្នាំង, អស់លោក លោកស្រី ក្រុមការងារថ្នាក់កណ្តាល, ថ្នាក់ខេត្ត-ក្រុង-ស្រុ ក-ឃុំ-សង្កាត់ជាច្រើននាក់ផងដែរ។
នៅក្នុងឱកាសនោះ ឯកឧត្ដមបណ្ឌិតសភាចារ្យ បានសម្ដែងការស្វាគមន៍យ៉ាងកក់ក្តៅប្រកបដោយក្ដីសោមនស្សរីករាយ និងស្និទ្ធស្នាលបំផុតចំពោះបងប្អូនដែលមានស្មារតី និងឆន្ទៈចូលរួមគាំទ្រនិងចូលរួមជីវភាព ជាមួយគណបក្សប្រជាជនកម្ពុជា។ទាំងនេះគឺដោយសារការមើលឃើញពីការដឹកនាំដ៏ត្រឹមត្រូវ និងភាពរីកចម្រើនលើគ្រប់វិស័យរបស់ប្រទេសជាតិ ក្រោមការដឹកនាំដ៏ឈ្លាសវៃ ប្រកបដោយគតិបណ្ឌិតរបស់ប្រមុខថ្នាក់ដឹកនាំគណបក្ស ប្រជាជនកម្ពុជា ដែលមានសម្ដេចតេជោ ហ៊ុន សែន ជាប្រធានគណបក្ស និងជាប្រធានព្រឹទ្ធសភា នៃព្រះរាជាណាចក្រកម្ពុជា និងសម្តេចមហាបវរធិបតី ហ៊ុន ម៉ាណែត អនុប្រធានគណបក្ស និងជានាយករដ្ឋមន្ត្រី នៃកម្ពុជា។
ឯកឧត្ដមបណ្ឌិតសភាចារ្យ បានបន្តទៀតថា គណបក្សប្រជាជនកម្ពុជា គឺជាគណបក្សដែលមានប្រវត្តិយូរជាងគេ និងបានអភិវឌ្ឍន៍សមិទ្ធផលរីកចម្រើនយ៉ាង ច្រើនឥតគណនា ចំពោះប្រទេសជាតិ ប្រឆាំងអាណានិ គម និងការឈ្លាពានរបស់បរទេសគ្រប់ជំនាន់ រំដោះប្រទេសពីរបបប្រល័យពូជសាសន៍ ការបញ្ចប់សង្គ្រាមនិងបង្រួបបង្រួមជាតិ នាំមកនូវលទ្ធិប្រជាធិបតេយ្យសេរីពហុបក្សនិងធ្វើឲ្យប្រទេសជាតិមានសុខ សន្តិភាព និងការអភិវឌ្ឍរហូតបច្ចុប្បន្ន៕
