អភិបាលស្តីទីខេត្តស្ទឹងត្រែង លើកទឹកចិត្តដល់អាជ្ញាធរ និងកងកម្លាំងសមត្ថកិច្ចគ្រប់លំដាប់ថ្នាក់ ត្រូវបង្កើនការយកចិត្តទុកដាក់ លើការរក្សាសន្តិសុខ សណ្តាប់ធ្នាប់
ភ្នំពេញ៖ ឯកឧត្តម ជា ថាវរិទ្ធ អភិបាលស្តីទីនៃគណៈអភិបាលខេត្តស្ទឹងត្រែង បានជំរុញលើកទឹកចិត្តបន្ថែមទៀត ដល់អាជ្ញាធរ និងកង កម្លាំងសមត្ថកិច្ចគ្រប់លំដាប់ ថ្នាក់ទាំងអស់ ត្រូវបង្កើនការខិតខំយកចិត្តទុកដាក់បន្តទៀត លើការរក្សាសន្តិសុខ សណ្តាប់ធ្នាប់។
កាលពីថ្ងៃទី៣០ ខែមិថុនា ឆ្នាំ២០២២ឯកឧត្តម ជា ថាវរិទ្ធ អភិបាលស្តីទីនៃគណៈអភិបាលខេត្តស្ទឹងត្រែង បានដឹកនំាកិច្ចប្រជុំត្រួតពិនិត្យវឌ្ឍនភាពការងាររដ្ឋបាលខេត្តប្រចាំខែមិថុនា និង ឆមាសទី១ ឆ្នាំ២០២២។
កិច្ចប្រជុំនេះមានការអញ្ជើញចូលរួមពី ឯកឧត្តអភិបាលរងខេត្ត តំណាងលេខាធិការដ្ឋានសាលាដំបូងខេត្ត លោកនាយករដ្ឋបាលសាលាខេត្ត លោក លោកស្រី គណៈអភិបាលក្រុង/ស្រុក កម្លាំងប្រដាប់ អាវុធទាំងបីប្រភេទ លោកប្រធាន អនុប្រធានមន្ទីរ ជំនាញជុំវិញខេត្ត ទីចាត់ការ អង្គភាពចំណុះសាលាខេត្ត និងមន្រ្តីពាក់ព័ន្ធមួយចំនួនទៀត។
មានប្រសាសន៍ក្នុងកិច្ចប្រជុំ ឯកឧត្តម ជា ថាវរិទ្ធ ក៏បានជំរុញលើកទឹកចិត្តបន្ថែមទៀត ដល់អាជ្ញាធរ និងកង កម្លាំងសមត្ថកិច្ចគ្រប់លំដាប់ ថ្នាក់ទាំងអស់ ត្រូវបង្កើនការខិតខំយកចិត្តទុកដាក់បន្តទៀត លើការរក្សាសន្តិសុខ សណ្តាប់ធ្នាប់និង ពង្រឹងការ អនុវត្តគោល នយោ បាយ “ភូមិ ឃុំ សង្កាត់ មានសុវត្ថិភាព” នៅតាមក្រុង/ស្រុក នានាក្នុងខេត្តស្ទឹងត្រែង ពិសេសកិច្ចការចំពោះ មុខ ឯកឧត្តម ជំរុញបន្ថែមដល់ អាជ្ញាធរគ្រប់លំដាប់ថ្នាក់ត្រូវ បន្តសកម្មភាពរបស់ខ្លួន ក្នុងការធ្វើយ៉ាងឲ្យមានអនុវត្តន៍តាមផែនការ សកម្មភាព ដែលដាក់ចេញឲ្យអនុវត្តន៍តាមខែនីមួយៗផងដែរ។
ជាមួយគ្នានេះឯកឧត្តមអភិបាលខេត្តស្តីទី បានក្រើនរំលឹកដល់ បណ្តាមន្ទីរអង្គភាពទាំងអស់ត្រូវយកចិត្តទុកដាក់ក្នុងការ អភិវឌ្ឍហេដ្ឋា រចនាម្ព័ន្ធនៅតាមមូលដ្ឋាន និងបម្រើសេវាសាធារណៈជូនប្រជាពលរដ្ឋទូទាំងខេត្ត និងបានដាក់ ចេញនូវ ផែនការសំខាន់ៗមួយចំនួន ជាការឆ្លើយតប ទៅនឹងតម្រូវការ និងសំណូមពរចាំបាច់របស់ប្រជា ពលរដ្ឋ នៅតាមបណ្តាមូលដ្ឋាន៕
