បទល្មើសគ្រឿងញៀនឆ្លងដែននៅក្នុងខេត្តស្ទឹងត្រែងមានការថយចុះ

ស្ទឹងត្រែង៖ បទល្មើសគ្រឿងញៀនឆ្លងដែនពីប្រទេជិតខាងចូលមកកម្ពុជា ដោយកន្លងមកយកភូមិសាស្ត្រខេត្តស្ទឹងត្រែងជាតំបន់ឆ្លងកាត់ គឺមានការថយចុះ ដោយសារតែមានការចូលរួមសហការពីកងកម្លាំងការពារព្រំដែននិងមានការសហការល្អពីសមត្ថកិច្ចខាងភាគីឡាវ ក្នុងការរឹតបន្តឹងទប់ស្កាត់រាល់សកម្មភាពបទល្មើសការជួញដូរនៅសារធាតុញៀញ ឆ្លងដែនខុសច្បាប់ពីប្រទេសជិតខាង

លោក វរសេនីយ៏ទោ ម៉ាន់ សៀប ប្រធានការិយាល័យទំនាក់ទំនងព្រំដែនអន្តរជាតិកម្ពុជា ឡាវ(BLO)នៅចំណុចច្រកទ្វារ ត្រពាំងក្រៀលនៃភូមិសាស្រ្តខេត្តស្ទឹងត្រែង បានឲ្យដឹងថា សកម្មភាពពួកឧក្រឹដ្ឋជន ក្នុងការធ្វើជំនួញគ្រឿងញៀនឆ្លងដែន ដោយយកខេត្តស្ទឹងត្រែងជាតំបន់ឆ្លងកាត់កន្លងនោះ ពេលនេះមានការថយចុះ ជាក់ស្ដែងក្នុងរយៈពេល៦ខែនៅដើមឆ្នាំ២០២២នេះ មានតែមួយករណីប៉ុណ្ណោះ បើប្រៀបធៀបឆ្នាំ២០២១ និងឆ្នាំ២០២២ រយៈពេល៦ខែដូចគា្ន សម្រាប់ឆ្នាំ២០២២នេះសកម្មភាពបទល្មើសគ្រឿងញៀនមានតែមួយករណី ខណៈដែលនៅឆ្នាំ២០២១ មានការបង្ក្រាបបានច្រើនករណីណាស់ ហើយបង្ក្រាបបានរាប់រយគីឡូក្រាមទៀតផងដែរ៕