លោកជំទាវ ជូ ប៊ុនអេង អញ្ជើញក្នុងពិធីផ្សព្វផ្សាយសេចក្តីណែនាំស្តីពី“ការប្រមូលទិន្នន័យពលរដ្ឋធ្វើទេសន្តប្រវេសន៍ និងកុមារក្នុងគ្រួសារទេសន្តប្រវេសន៍”
បន្ទាយមានជ័យ៖លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ គ.ជ.ប.ជ អញ្ជើញ ជាអធិបតី ភាព ក្នុងពិធីផ្សព្វផ្សាយសេចក្តីណែនាំស្តីពី“ការប្រមូលទិន្នន័យពលរដ្ឋធ្វើទេសន្តរប្រវេសន៍ និងកុមារក្នុងគ្រួសារទេសន្តប្រវេសន៍”
ពិធីនេះប្រារព្ធធ្វេីឡេីងដោយខេត្តបន្ទាយមានជ័យធ្វេីជាម្ចាស់ រយៈ ពេល មួយថ្ងៃពេញ នាថ្ងៃទី០៩ ខែកញ្ញា ឆ្នាំ ២០២៥ ដោយមានការចូលរួមពី អ្នកពាក់ ព័ន្ធ អង្គការ ដៃគូរ ក្រុមការងារប្រធានលេខាធិការដ្ឋាននៃគណៈកម្មាធិការប្រយុទ្ធប្រឆាំងអំពើជួញដូរមនុស្សខេត្តបន្ទាយមានជ័យ ខេត្តបាត់ដំបង ខេត្តសៀមរាប ខេត្តឧត្តរមានជ័យ ខេត្តប៉ៃលិន ព្រមទាំងមានការចូលរួមពីលោក-លោកស្រីអភិបាលរងក្រុង/ស្រុកទាំង៩ ក្នុងខេត្តបន្ទាយមានជ័យ ទទួលបន្ទុកការងារប្រឆាំងអំពើជួញដូរមនុស្ស។ កម្មវិធីនេះគ្រាំទ្រដោយអង្គការ UNICEF និង UN តាមរយៈគម្រោង PROTECT-ការពារសិទ្ធិស្រ្តីនិងកុមារ ក្នុងសន្តប្រវេសន៍ការងារ ធ្វេីឡើង នៅសាល ធំ សាលាខេត្តបន្ទាយមានជ័យ។
មានរបាយការណ៍ សង្ខេបជូនអង្គពិធីលោកស្រី រស់ សុផានី អភិបាលរង នៃគណៈអភិបាលខេត្ត និងជាប្រធានលេខាធិការដ្ឋាននៃគណៈកម្មាធិការប្រយុទ្ធប្រឆាំងអំពើជួញដូរមនុស្សខេត្តបន្ទាយមានជ័យ បានបញ្ជាក់ថា ចាប់ពីក្រោយព្រឹត្តិការណ៍ថ្ងៃទី ២៨ខែឧសភា ឆ្នាំ២០២៥ មកសភាពការណ៍សន្តិសុខនៅតាមខ្សែបន្ទាត់ព្រំដែនមានការប្រែប្រួល ដោយភាគីនៃប្រទេសជិតខាងជាប់ព្រំដែន បានធ្វើការបិទច្រកទ្វារព្រំដែនទាំងអស់ជាឯកតោភាគីតាមអំពើចិត្ត។
រដ្ឋបាលខេត្ត បានសហការជាមួយកងកម្លាំងមានសមត្ថកិច្ច មន្ទីរ/អង្គភាព ក្រសួង/ស្ថាប័ន និងរដ្ឋបាលខេត្តពាក់ព័ន្ធ បានធ្វើការសម្របសម្រួលដឹកជញ្ជូនទាំងយប់ទាំងថ្ងៃចំពោះបងប្អូន ដោយគិតមកទល់ពេលនេះ ប្រជាពលរដ្ឋដែល បានចូលមកក្នុងប្រទេសវិញតាមច្រកទ្វារព្រំដែនអន្តរជាតិប៉ោយប៉ែត មានចំនួន១២០.៧១០នាក់/ស្រី៥៦.៣៦៩ នាក់ ដោយឡែក ពលករចូលមកសរុបចំនួន៥០.៣៧០នាក់/ស្រី២៣.០៩៤នាក់ និងកុមារចំនួន១.៤៨៨នាក់ ដោយប្រើប្រាស់រថយន្តរបស់រដ្ឋបាលខេត្តចំនួន៤៩គ្រឿង។
នាឱកាសនោះលោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ គ.ជ.ប.ជ បានថ្លែងអំណគុណដល់ក្រុមការងារទាំងអស់ គ្រប់ជាន់ថ្នាក់ ក្នុងកាលៈ ទេសៈ ដែលថៃបេីកការឈ្លានពាន វាយប្រហារមកលេីកម្ពុជា នៅខេត្តព្រះវិហារ និងឧត្តមានជ័យ អាជ្ញាធរខេត្តបានបំពេញការងារយ៉ាងសកម្ម ទាំងការរៀបចំទីតាំងសុវត្ថិភាព ជូនដល់បងប្អូនជនភៀសសឹកមកស្នាក់ ដោយការយកចិត្តទុកដាក់យ៉ាងខ្លាំង ក៏ដូចជាការពារសុវត្ថិភាពជូនបងប្អូនជនភៀសសឹកដោយមិនខ្លាចនឿយហត់ទាំងយប់ ទាំងថ្ងៃ និងនៅជាមួយប្រជាជនគ្រប់ពេលវេលា។
ក្នុងនោះលោកជំទាវ ជូ ប៊ុនអេង បានណែនាំដល់ក្រុមការងារពាក់ព័ន្ធ ទាំងអស់ បន្តយកចិត្តទុក្ខដាក់ណែនាំដល់បងប្អូនប្រជាពលរដ្ឋកុំឱ្យបានការចាញ់បោក ជនខិលខូចជាមេខ្យល់ អូសទាញបោកបញ្ឆោត នាំយកបងប្អូនពលករចំណាកស្រុក ចេញ-ចូលទៅប្រទេសថៃតាមច្រករបៀងដោយខុសច្បាប់ ខណៈ ដែលបញ្ហាព្រំដែនមិនទាន់មានភាពល្អប្រសេីរ។
មួយវិញទៀតលោកជំទាវ ណែនាំបន្ថែមដល់ក្រុមការងារ បន្តចូលរួមផ្សព្វផ្សាយអំពីឱកាសការងារដែលប្រមុខរាជរដ្ឋាភិបាល បានផ្តល់ជូនដល់បងប្អូនពលករដែលវិលត្រឡប់មកពីប្រទេសថៃ មកកម្ពុជាវិញឱ្យពួកគាត់បានដឹង និងមានការងារធ្វើនៅក្នុងប្រទេសបង្កេីនចំណូល សេដ្ឋកិច្ចគ្រួសារ ដោយមិនចាំបាច់ចំណាក់ទៅប្រទេសដ៏ទៃ៕
