រដ្ឋាភិបាលអូស្ត្រាលី ជូនដំណឹងដល់ពលរដ្ឋខ្លួន កុំឱ្យធ្វើដំណើរទៅ តំបន់ ក្នុង ចម្ងាយ ៥០ គីឡូម៉ែត្រ ពី ព្រំដែន កម្ពុជា – ថៃ

កង់បេរ៉ា៖ នៅថ្ងៃទី៥ ខែកញ្ញានេះ រដ្ឋាភិបាលអូស្ត្រាលី បានជូនដំណឹងដល់ពលរដ្ឋខ្លួន កុំឱ្យធ្វើដំណើរទៅ តំបន់ ក្នុង ចម្ងាយ ៥០ គីឡូម៉ែត្រ ពី ព្រំដែន កម្ពុជា – ថៃ ហើយបានព្រមានពី ហានិភ័យនៃ អំពើ ភេរវកម្ម នៅទូទាំងប្រទេសថៃផងដែរ។

គេហទំព័រ Smartraveller របស់រដ្ឋាភិបាលអូស្ត្រាលី បានជូនដំណឹងនៅក្នុងការធ្វើបច្ចុប្បន្នភា (https://www.smartraveller.gov.au/destinations/asia/cambodia?fbclid=IwY2xjawMnYQFleHRuA2FlbQIxMABicmlkETFNdUhHNHJDU2ZzUEZmSUphAR5QPn5VTEbD5wY9GqRjwdQgclSANQQX_U4cwcEZQ8_DbKj-K4fvv9HlHp63tg_aem_bcGd-WVD-sDZe48Lz6XEEQ)ព (https://www.smartraveller.gov.au/destinations/asia/cambodia?fbclid=IwY2xjawMnYQFleHRuA2FlbQIxMABicmlkETFNdUhHNHJDU2ZzUEZmSUphAR5QPn5VTEbD5wY9GqRjwdQgclSANQQX_U4cwcEZQ8_DbKj-K4fvv9HlHp63tg_aem_bcGd-WVD-sDZe48Lz6XEEQ) នៅថ្ងៃទី៥កញ្ញានេះថា យើង បាន ពិនិត្យ មើល ដំបូន្មាន សម្រាប់ ប្រទេស កម្ពុជា និង បាន បន្ទាប កម្រិត ព្រមាន របស់ យើង សម្រាប់ ផ្នែក មួយ ចំនួន។ ឥឡូវនេះ យើងសូមណែនាំឱ្យពិចារណាឡើងវិញនូវតម្រូវការរបស់អ្នក ក្នុងការធ្វើដំណើរទៅកាន់តំបន់ក្នុងចម្ងាយ៥០គីឡូម៉ែត្រនៃព្រំដែនកម្ពុជា-ថៃ ក្នុងខេត្តបាត់ដំបង ប៉ៃលិន ពោធិ៍សាត់ និងកោះកុង ដោយសារជម្លោះប្រដាប់អាវុធថ្មីៗនេះ។ យើង បន្ត ណែនាំ កុំ ធ្វើ ដំណើរ ទៅ តំបន់ ក្នុង ចម្ងាយ ៥០ គីឡូម៉ែត្រ ពី ព្រំដែន កម្ពុជា – ថៃ ក្នុង ខេត្ត បន្ទាយមានជ័យ ឧត្តរមានជ័យ និង ព្រះវិហារ ដោយសារ ជម្លោះ ប្រដាប់ អាវុធ រវាង កង កម្លាំង ថៃ និង កម្ពុជា។ សូមអនុវត្តតាមការណែនាំរបស់អាជ្ញាធរមូលដ្ឋាន តាមដានប្រព័ន្ធផ្សព្វផ្សាយក្នុងស្រុកសម្រាប់ការធ្វើបច្ចុប្បន្នភាព និងយកចិត្តទុកដាក់លើសុវត្ថិភាពផ្ទាល់ខ្លួនរបស់អ្នក។

ចំណែកប្រទេសថៃឯណេះវិញ គេហទំព័រ Smartraveller របស់រដ្ឋាភិបាលអូស្ត្រាលី ក៏បានជូនដំណឹង (https://www.smartraveller.gov.au/destinations/asia/thailand)ផងដែរថា (https://www.smartraveller.gov.au/destinations/asia/thailand) យើង ត្រូវ បាន ពិនិត្យ មើល ការណែនាំ អំពី ការ ធ្វើ ដំណើរ របស់ យើង ហើយ បន្ត ណែនាំ ឱ្យ អនុវត្ត ការ ប្រុង ប្រយ័ត្ន ខ្ពស់ ក្នុង ប្រទេស ថៃ ជារួម។ យើង បាន ទម្លាក់ កម្រិត សម្រាប់ តំបន់ មួយ ចំនួន ហើយ ឥឡូវ នេះ សូម ណែនាំ ឱ្យ ពិចារណា ឡើង វិញ នូវ តម្រូវការ របស់ អ្នក ក្នុង ការ ធ្វើ ដំណើរ ទៅ តំបន់ ក្នុង ចម្ងាយ៥០គីឡូម៉ែត្រ ពី ព្រំដែន ថៃ-កម្ពុជា ក្នុង ខេត្ត ចន្ទបុរី និង ខេត្តត្រាច។ យើងសូម បន្ត ណែនាំ កុំ ធ្វើ ដំណើរ ទៅ តំបន់ ក្នុង ចម្ងាយ៥០គីឡូម៉ែត្រ នៃ ព្រំដែន គោក ថៃ-កម្ពុជា ក្នុង ខេត្ត ស្រះកែវ បុរីរម្យ ស៊ីសាកេត សុរិន្ទ និង ឧប្បលរាជធានី ដោយសារ ជម្លោះ ប្រដាប់ អាវុធ ថ្មីៗ រវាង កង កម្លាំង ថៃ និង កម្ពុជា។

សេចក្តីជូនដំណឹងបន្តថា៖«មាន ហានិភ័យ នៃ អំពើ ភេរវកម្ម បន្ត នៅ ក្នុង ប្រទេស ថៃ។ តំបន់ទេសចរណ៍ពេញនិយមអាចជាគោលដៅនៃការវាយប្រហារភេរវកម្មគ្រប់ទីកន្លែងនៅទូទាំងប្រទេសថៃ រួមទាំងរាជធានីបាងកក និងកោះភូកេត»។

ការចេញសេចក្តីណែនាំនេះ ទំនងជារដ្ឋាភិបាលអូស្ត្រាលីបានពិនិត្យមើលឃើញសកម្មភាពឈ្លានពានរបស់ប្រទេសថៃមកលើកម្ពុជាថ្មីៗនេះ បើទោះបីបទឈប់បាញ់បានជាធរមានហើយក៏ដោយ។ សកម្មភាពបង្កហេតុរបស់យោធាថៃម្ដងហើយម្ដងទៀតមកលើអធិបតេយ្យភាពកម្ពុជា ត្រូវបានអន្តរជាតិតាមដានយ៉ាងយកចិត្តទុកដាក់។ ជាពិសេសភាពចលាចលនយោបាយនៅក្នុងប្រទេសថៃ និងតាមបណ្តាខេត្តមួយចំនួន ដែលមានអំពើភេរវកម្មផ្ទុះឡើងជាបន្តបន្ទាប់ ក៏ជាចំណុចក្ដៅដ៏គួរឱ្យចាប់អារម្មណ៍របស់រដ្ឋាភិបាលអូស្ត្រាលីផងដែរ ទៅលើសុវត្ថិភាពអ្នកទេសចររបស់ខ្លួន ក្នុងការធ្វើដំណើរកម្សាន្តទៅកាន់ប្រទេសថៃ ឬធ្វើដំណើរមកកាន់ប្រទេសកម្ពុជា ដែលស្ថិតក្នុងតំបន់មានជម្លោះ៕