រដ្ឋាភិបាលអាមេរិកកាត់បន្ថយទិន្នន័យសំខាន់ក្នុងការព្យាករណ៍ព្យុះ ហើយអ្នកជំនាញថាមានហានិភ័យខ្លាំងចំពោះសុវត្ថិភាពសាធារណៈ
(បរទេស)÷ ថ្ងៃសៅរ៍ ទី២៨ ខែមិថុនា ឆ្នាំ២០២៥ រាជរដ្ឋាភិបាលសហរដ្ឋអាមេរិកបានសម្រេចកាត់បន្ថយការប្រើប្រាស់ទិន្នន័យពីផ្កាយរណបរបស់ក្រសួងការពារជាតិ ដែលជាទិន្នន័យសំខាន់សម្រាប់ការព្យាករណ៍អាកាសធាតុព្យុះ។ ទិន្នន័យនេះគឺជារូបភាពរលកម៉ាញេទិច (Microwave) ដែលអាចឃើញទៅក្នុងខ្លួនព្យុះ និងជួយសម្គាល់ការកើនឡើងស៊ាំយ៉ាងឆាប់រហ័សរបស់វា។ វាមានសារៈសំខាន់ពិសេសនៅពេលយប់ ដែលរូបភាពធម្មតាមិនអាចឃើញបាន។
អង្គភាពអាកាសធាតុជាតិនៃអាមេរិក (NOAA) បាននិយាយថាមានប្រភពទិន្នន័យផ្សេងទៀតអាចជំនួសបាន ប៉ុន្តែអ្នកវិទ្យាសាស្ត្រជាច្រើនគាំទ្រមិនឲ្យជឿនឹងការនេះ ហើយថាវាអាចធ្វើឲ្យការព្យាករណ៍ព្យុះកាន់តែអាក្រក់។ ការបាត់បង់ទិន្នន័យនេះកើតឡើងនៅពេលមានរដូវកាលព្យុះកំពុងសកម្ម និងនៅក្នុងបរិបទនៃការកាត់បន្ថយថវិកា និងបុគ្គលិកនៅក្នុងអង្គភាព NOAA ក្រោមរដ្ឋបាលប្រធានាធិបតី ដូណាល់ ត្រាំ។
អ្នកជំនាញជាច្រើនបានព្រមានថា ការបាត់បង់ទិន្នន័យនេះអាចធ្វើឲ្យការព្យាករណ៍ព្យុះខុសគ្នាខ្លាំង ទាំងក្នុងការប៉ាន់ប្រមាណកម្លាំង និងទីតាំងព្យុះ ដែលអាចប៉ះពាល់ដល់ជីវិតនិងទ្រព្យសម្បត្តិរបស់ប្រជាពលរដ្ឋរាប់សិបលាននាក់នៅតាមបណ្តោយឆ្នេរដែលងាយរងគ្រោះ។
អត្ថបទពីកញ្ញា ហេង គីមជូ
