ភ្នំពេញ៖ កិច្ចប្រជុំគណៈកម្មការចម្រុះខណ្ឌសីមា និងបោះបង្គោលព្រំដែនគោក (JBC) កម្ពុជា-ថៃ ដែលបានដំណើរការរយៈពេល២ថ្ងៃ ត្រូវបានបិទបញ្ចប់ហើយ នៅរសៀលថ្ងៃទី១៥ ខែមិថុនា ឆ្នាំ២០២៥នេះ។
កិច្ចប្រជុំនេះ ភាគីកម្ពុជា ដឹកនាំដោយ ឯកឧត្ដម ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន ចំណែកភាគីរដ្ឋាភិបាលថៃ តំណាងដោយលោក ប្រាសាស ប្រាសាសវិនិច្ឆ័យ (Prasas Prasasvinitchai) ទីប្រឹក្សាក្រសួងការបរទេស ទទួលបន្ទុកកិច្ចការព្រំដែន។
ចុងក្រោយនៃការបិទបញ្ចប់កិច្ចប្រជុំនេះ ភាគីកម្ពុជា-ថៃ បានចុះហត្ថលេខាលើកំណត់ហេតុរួមគ្នាមួយផងដែរ តែមិនទាន់ត្រូវបានគេបង្ហាញជាផ្លូវការណាមួយអំពីលទ្ធផល នៃកិច្ចប្រជុំរយៈពេលពីរថ្ងៃនេះឡើយទេ៕
