បាងកក៖ លោក សុចិន្តា ក្រាប្រៈយូរ អតីតនាយករដ្ឋមន្ត្រី និងជាបុរសខ្លាំងខាងយោធារបស់ប្រទេសថៃ បានទទួលមរណភាពនៅវេលាម៉ោង១៥៧នាទីព្រឹកថ្ងៃអង្គារទី១០ ខែមិថុនា ឆ្នាំ២០២៥ ដោយជរាពាធ។
លោក សុចិន្តា គឺជាមេដឹកនាំថៃដែលអង្គុយកៅអីនាយករដ្ឋមន្ត្រីបានត្រឹមតែប៉ុន្មានសប្តាហ៍ប៉ុណ្ណោះ ដោយសារតែប្រជាជនបះបោរប្រឆាំងនឹងលោកនៅខែឧសភា ឆ្នាំ១៩៩២ នាំឱ្យមានការប៉ះទង្គិចគ្នាយ៉ាងបង្ហូរឈាម។
សម័យកាលនោះ គឺជាដានប្រវត្តិសាស្ត្រដ៏ខ្មៅងងឹតបំផុតមួយក្នុងប្រវត្តិសាស្ត្រនយោបាយថៃទំនើប។ ការបះបោរដ៏បង្ហូរឈាមនោះទៀតសោត បាននាំឱ្យមនុស្សស្លាប់ និងបាត់ខ្លួនជាច្រើននាក់ក្រោយមកបុរសខ្លាំងផ្នែកយោធារូបនេះ បានលាលែងពីតំណែង។
គួរបញ្ជាក់ថា លោក សុចិន្តា គឺជានាយករដ្ឋមន្ត្រីទី៣០របស់ប្រទេសថៃ មកពីគណបក្សឯករាជ្យ និងបានកាន់តំណែងចាប់ពីថ្ងៃទី៧ ខែមេសា ឆ្នាំ១៩៩២ ដល់ថ្ងៃទី២៥ ខែឧសភា ឆ្នាំ១៩៩២ ពោលគឺកាន់តំណែងជានាយករដ្ឋមន្ត្រីបានត្រឹមរយៈពេល៤៧ថ្ងៃប៉ុណ្ណោះ៕
