ឯកឧត្តមបណ្ឌិត ជ្រុន ថេរ៉ាវ៉ាត អញ្ជើញដឹកនាំកិច្ចប្រជុំបូកសរុបលទ្ធផលការងារ គណបក្សឃុំក្រាំងស្តារ ប្រចាំឆមាសទី១ ឆ្នាំ២០២៥
ភ្នំពេញ៖ នៅព្រឹកថ្ងៃសៅរ៍ ទី២៤ ខែឧសភា ឆ្នាំ២០២៥ ឯកឧត្តមបណ្ឌិត ជ្រុន ថេរ៉ាវ៉ាត សមាជិកគណៈកម្មាធិការកណ្តាល អនុប្រធានក្រុមការងារ គណបក្សចុះមូលដ្ឋានខេត្តកំពង់ឆ្នាំង អនុប្រធានក្រុមការងារគណបក្សចុះមូលដ្ឋានស្រុកទឹកផុស និងជាប្រធានក្រុមការគណបក្សចុះមូលដ្ឋានឃុំក្រាំងស្តារ បានអញ្ជេីញជា អធិបតី ដឹកនាំកិច្ចប្រជុំបូកសរុបលទ្ធផលការងារគណបក្សឃុំក្រាំងស្គារ ឆមាសទី១ ឆ្នាំ២០២៥ ដោយមាន ការចូលរួមពី ឯកឧត្តម លោកជំទាវ លោក លោកស្រី និងសមាជិក សមាជិកា សរុប២៥០នាក់។
បន្ទាប់ពីបានស្តាប់របាយការណ៍បូកសរុបលទ្ធផលការងារ ឯកឧត្តមបណ្ឌិត បានដាក់ចេញនូវទិសដៅមួយចំនួនដូចខាងក្រោម:
១.បង្កើនការចុះមូលដ្ឋានអោយបានញឹកញាប់ដូចភ្លៀងរលឹម ពីសំណាក់ក្រុមការងារ តាមប្រសាសន៍របស់ឯឧប្រធាន
២.ខិតខំកៀរគរ អូសទាញប្រជាជន និងជាពិសេសយុវជន អោយគាំទ្រគណបក្ស និងគាំទ្ររាជរដ្ឋាភិបាល ស្រមតាមអភិក្រមរបស់គណបក្ស ” រក្សាចាស់ បង្កើនថ្មី ” ។
៣.បំពាក់បំប៉ននយោបាយ សតិអារម្មណ៍ ដល់សមាជិក សមាជិកាបក្ស អោយជឿជាក់លើការដឹកនាំរបស់គណបក្ស និងរាជរដ្ឋាភិបាល ទៅចុះឈ្មោះបោះឆ្នោត ទៅបោះឆ្នោត និងបោះឆ្នោតជូនបក្ស ស្របតាមអភិក្រមរបស់គណបក្ស “សមាជិកបក្សម្នាក់ សន្លឹកឆ្នោត១សន្លឹក” ។
៤.តាមដាន និងធ្វើបច្ចុប្បន្នភាពជាប់ជាប្រចាំសមាជិក សមាជិកាបក្សនៅតាមភូមិនីមួយៗ ជាពិសេសការធ្វើចំណាកស្រុក រួមទាំងសកម្មភាពបក្សនយោបាយដទៃ នៅតាមភូមិនីមួយៗ ។
៥.ត្រៀមលក្ខណ:សម្បត្តិទុកជាមុន ក្នុងការចុះជួយប្រជាពលរដ្ឋដែលរងគ្រោះ ដោយគ្រោះធម្មជាតិ ជាយថាហេតុ ។
៦.ខិតខំធ្វើអំពើល្អ និងបម្រើប្រជាពលរដ្ឋឲ្យបានល្អ ស្រមតាមប្រសាសន៍របស់សម្តេចតេជោ ” មន្រ្តីរាជការមិនមែនជាចៅហ្វាយនាយរបស់ប្រជាជនទេ ពោលគឺជាអ្នកបម្រើប្រជាជនប្រកបដោយភាពស្មោះត្រង់ ” ។
៧.ក្រុមការងារយុវជនឃុំ ត្រូវខិតខំអូសទាញយុវជន នៅមូលដ្ឋានអោយចូលរួមជាមួយគណបក្ដ និងចូលរួមទប់ស្កាត់ព័ត៌មានក្លែងក្លាយ និងបង្កើននូវការផ្សព្វផ្សាយនូវព័ត៌មានពិត និងផ្សព្វផ្សាយពីសមិទ្ធផលរបស់រាជរដ្ឋាភិបាល ដែលដឹកនាំដោយគណបក្សប្រជាជនកម្ពុជា និងចូលរួមថែរក្សាសន្តិភាពឲ្យនៅស្ថិតស្ថេរជាអមត: ។
៨.យុវជនគណបក្សឃុំ ត្រូវបង្កើតក្រុមការងារបណ្តាញសង្គម ដើម្បីភ្ជាប់ព័ត៌មានជាមួយយុវជនស្រុក យុវជនខេត្ត ក៏ដូចយុវជនថ្នាក់កណ្តាល ដើម្បីទទួល និងចែកចាយព័ត៌មាន ។
៩.ពង្រឹងសាមគ្គី និងឯកភាពផ្ទៃក្នុងជួរយុវជននៅគ្រប់បណ្តាថ្នាក់ ដើម្បីធានាប្រៀបខ្លាំង និងប្រៀបឈ្នះរបស់គណបក្ស នៅគ្រប់ដំណាក់កាលបោះឆ្នោត ។
