មន្ទីរសង្គមកិច្ចរាជធានីភ្នំពេញ អនុវត្តវិធានការ ករណីជនពិការភាព ចំនួន០៣ក្រុម មានគ្នាចំនួន០៦នាក់ (ស្រី០២នាក់)ដាក់ធុងបាសច្រៀងសុំថវិកាពីប្រជាពលរដ្ឋធ្វើដំណើរតាមផ្លូវ
ភ្នំពេញ៖ នៅថ្ងៃអាទិត្យ ទី១៨ ខែឧសភា ឆ្នាំ២០២៥ ករណីជនងាយរងគ្រោះដែលមានពិការភាព ចំនួន០៣ក្រុម មានគ្នាចំនួន០៦នាក់(ស្រី០២នាក់) ធ្វើសកម្មភាពដាក់ធុងបាសច្រៀងសុំថវិកាពីប្រជាពលរដ្ឋធ្វើដំណើរតាមផ្លូវប្រឈមគ្រោះថ្នាក់ និងបញ្ហាសុខភាព ដែល ស្ថិតនៅក្នុងខណ្ឌកំបូល រាជធានីភ្នំពេញ ត្រូវបានលោក រិទ្ធីពង្ស ប្រធានស្តីទីនៃមន្ទីរសង្គមកិច្ច អតីតយុទ្ធជន និងយុវនីតិសម្បទារាជធានីភ្នំពេញ ចាត់មន្ត្រីជំនាញ ចំនួន០៣រូប ចុះពិនិត្យ អនុវត្តវិធានការ ផ្សព្វផ្សាយ និងណែនាំឱ្យពួកគាត់ធ្វើការបំលាស់ចេញទៅរកទីតាំងដែលមានសុវត្ថិភាព និងសិក្សាករណី ដើម្បីផ្តល់សេវាតាមនីតិវិធី។
ក្នុងថ្ងៃដដែលនេះមន្ទីរស.អ.យ រាជធានីភ្នំពេញបានធ្វើដោះស្រាយបញ្ហា ជនរងគ្រោះ ជនអនាថា ប្រើប្រាស់គ្រឿងញៀន ចំនួន ១០នាក់ ឱ្យទទួលបាននូវការផ្តល់សេវា បន្សាប ព្យាបាល និង ស្តារនីតិសម្បទាតាមកម្មវិធី និងកម្រិតវិជ្ជាជីវៈរបស់ពួកគាត់ម្នាក់ៗ។
ការអនុវត្តវិធានការខាងលើនេះ ក៏មានការអញ្ជើញចូលសហការពី អាជ្ញាធរមូលដ្ឋាន, ការិយាល័យសង្គមកិច្ច និងសុខុមាលភាពសង្គម នៃរដ្ឋបាលខណ្ឌ ផងដែរ។
