ទស្សនាវដ្ដី« Qiushi» ចុះផ្សាយអត្ថបទសំខាន់របស់លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិនក្រោមចំណងជើងថា « ឆ្ពោះទៅកាន់គោលដៅដ៏មហាស្ចារ្យដោយអង់អាចក្លាហាន ដើម្បីកសាងប្រទេសខ្លាំងខាងបច្ចេកវិទ្យា »
ទស្សនាវដ្ដី « Qiushi» បោះពុម្ភផ្សាយនៅថ្ងៃទី ១ ខែមេសា ចុះផ្សាយអត្ថបទសំខាន់របស់លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន ប្រធានរដ្ឋចិន និងជាប្រធានគណៈកម្មាធិការយោធាមជ្ឈិមចិន ក្រោមចំណងជើងថា « ឆ្ពោះទៅកាន់គោលដៅដ៏មហាស្ចារ្យដោយអង់អាចក្លាហាន ដើម្បីកសាងប្រទេសខ្លាំងខាងបច្ចេកវិទ្យា »។
អត្ថបទបានគូសបញ្ជាក់ថា បច្ចេកវិទ្យារីកចម្រើន ប្រជាជាតិក៏ខ្លាំង បច្ចេកវិទ្យាខ្លាំង ប្រទេសក៏ខ្លាំង។ ចាប់ពីសមាជបក្សលើកទី១៨ មក មជ្ឈិមបក្សបានជំរុញនិងអនុវត្តយ៉ាងស៊ីជម្រៅនូវយុទ្ធសាស្ត្រដែលការច្នៃប្រឌិតថ្មីជំរុញការអភិវឌ្ឍ បានលើកឡើងភារកិច្ចយុទ្ធសាស្ត្រអំពីការពន្លឿនកសាងប្រទេសបែបផែនច្នៃប្រឌិតថ្មី និងបានកំណត់គោលដៅតស៊ូដែលកសាងប្រទេសបច្ចេកវិទ្យាខ្លាំងនៅឆ្នាំ២០៣៥។
អត្ថបទបានសរសេរថា ក្នុងការអនុវត្តអភិវឌ្ឍបុព្វហេតុបច្ចេកវិទ្យាក្នុងយុគសម័យថ្មី យើងត្រូវ ៖ ប្រកាន់ខ្ជាប់នូវការដឹកនាំដោយគ្រប់ជ្រុងជ្រោយនៃបក្ស ប្រកាន់ខ្ជាប់នូវមាគ៌ាច្នៃប្រឌិតថ្មីដោយម្ចាស់ការដែលមានលក្ខណៈពិសេសចិន ប្រកាន់ខ្ជាប់នូវការច្នៃប្រឌិតថ្មីដឹកនាំការអភិវឌ្ឍ ប្រកាន់ខ្ជាប់លក្ខណៈតម្រង់ទិសយុទ្ធសាស្ត្រ «ចំពោះវិស័យ៤ » ធ្វើកំណែទម្រង់ស៊ីជម្រៅ ដើម្បីបង្កើនកម្លាំងចលករនៃការច្នៃប្រឌិតថ្មី ប្រកាន់ខ្ជាប់នូវការជំរុញវដ្ដវិលជុំដោយវិជ្ជមាននៃធនធានមនុស្សខាងការអប់រំនិងបច្ចេកវិទ្យា ប្រកាន់ខ្ជាប់ការបណ្តុះបណ្តាលវប្បធម៌ច្នៃប្រឌិតថ្មី និងប្រកាន់ខ្ជាប់ការបើកទូលាយនិងធ្វើកិច្ចសហប្រតិបត្តិការខាងបច្ចេកវិទ្យា ដើម្បីផ្តល់ផលប្រយោជន៍ដល់មនុស្សជាតិ៕
