ឆ្លើយតបនឹងសំណួរសម្តេចធិបតី ហ៊ុន ម៉ាណែត, កម្មការិនី បានថ្លែងថា ការប្រើប្រាស់ បណ្ណ ប.ស.ស មានភាពងាយស្រួល
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញសម្ពោធដាក់ឱ្យប្រើប្រាស់ទារកដ្ឋានរោងចក្រកាត់ដេរម៉ាវ៉ល ស្ថិតនៅតំបន់សេដ្ឋកិច្ចពិសេសរ៉ូយ៉ាល់គ្រុបភ្នំពេញ នាព្រឹកថ្ងៃទី១០ ខែមីនា ឆ្នាំ២០២៥នេះ។
ក្នុងឳកាសនោះសម្តេចមហាបវរធិបតី ហ៊ុន ម៉ាណែត បានសួរសំណួរទៅដល់កម្មករថាតើការប្រើបណ្ណ ប.ស.ស ងាយស្រួលដែរទេ, ឆ្លើយតបនឹងសំណួរសម្តេចធិបតី ហ៊ុន ម៉ាណែត, កម្មការិនី បានថ្លែងថា ការប្រើប្រាស់ បណ្ណ ប.ស.ស មានភាពងាយស្រួល និងសេវាសុខាភិបាល នៅតាមបណ្តាមណ្ឌលសុខភាព មានភាពល្អប្រសើរ បើទោះបីកាន់បណ្ណ បសស ក៏ដោយ គ្រូពេទ្យមានភាពរួសរ៉ាយរាក់ទាក់។
ក្នុងឳកាសអញ្ជើញសម្ពោធដាក់ឱ្យប្រើប្រាស់ទារកដ្ឋានរោងចក្រកាត់ដេរម៉ាវ៉ល សម្តេចធិបតី ហ៊ុន ម៉ាណែត បានស្នើឲ្យក្រសួងការងារ និងក្រសួងសុខាភិបាល បន្តពិនិត្យតាមដានការងារដែលបានដាក់ចេញទាំង បសស និងសេវាកម្មសុខាភិបាល នៅតាមមូលដ្ឋានមណ្ឌលសុខភាព។
សម្ដេធិបតីបានបន្ថែមថា ប.ស.ស ជាគោលនយោបាយរបស់អតីតនាយករដ្ឋមន្ត្រីសម្ដេចតេជោ ហ៊ុន សែន ហើយរាជរដ្ឋាភិបាលនីតិកាលទី៧ នៃរដ្ឋសភា នឹងបន្តអនុវត្តគោលនយោបាយនេះ។ ប ស ស មិនត្រឹមតែជួយដល់សេវាសុខភាពនោះទេ ប ស ស អាចជួយដល់គ្រោះថ្នាក់ការងារផងដែរ៕
