កម្លាំងអាវុធហត្ថខេត្តកំពង់ស្ពឺ បង្រ្កាបនិងឃាត់ខ្លួនជនសង្ស័យ ២នាក់ បញ្ជូនទៅតុលាការ ពាក់ព័ន្ធករណីគ្រឿងញៀន

ភ្នំពេញ៖ ដោយអនុវត្តតាមបទបញ្ជារបស់ លោក ឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ កាលពីថ្ងៃទី០១ ខែមីនា ឆ្នាំ២០២៥ នាវេលាម៉ោង ១៧:១០នាទី កម្លាំងមន្ទីរស្រាវជ្រាវ និងបង្ក្រាបបទល្មើសនៃកងរាជអាវុធហត្ថខេត្តកំពង់ស្ពឺ បានសហការជាមួយ កម្លាំងកងរាជអាវុធហត្ថក្រុងឧដុង្គម៉ែជ័យ បានធ្វើការបង្រា្កប និងឃាត់ខ្លួនជនសង្ស័យចំនួន០២នាក់(ពាក់ព័ន្ធករណី រក្សាទុក ជួញដូរ ចែកចាយ) ដោយខុសច្បាប់នៅសារធាតុស្ថិតនៅ ចំណុចភូមិក្នុងវាំង សង្កាត់វាំងចាស់ ក្រុងឧដុង្គម៉ែជ័យ។

ដោយជនសង្ស័យទី១ឈ្មោះ ចេង សុទី ភេទប្រុស អាយុ៣២ឆ្នាំ មុខរបរ សន្តិសុខ ទីលំនៅបច្ចុប្បន្ន ភូមិក្នុងវាំង សង្កាត់វាំងចាស់ ក្រុងឧដុង្គម៉ែជ័យ និងទី២ឈ្មោះ ចេង សុីទិត្យ ភេទប្រុស អាយុ៣០ឆ្នាំ មុខរបរកម្មកររោងចក្រ ទីលំនៅបច្ចុប្បន្ន ភូមិក្នុងវាំង សង្កាត់វាំងចាស់ ក្រុងឧដុង្គម៉ែជ័យ។

ចាប់យកវត្ថុតាងបានរួមមាន៖ ក្រាមពណ៌សថ្លាសង្ស័យជាសារធាតុញៀនចំនួន ០៣កញ្ចប់ទម្ងន់ ០.៨២ក្រាម,ម្សៅពណ៍ស សារធាតុមិនច្បាស់ចំនួន ០១កញ្ចប់ ទម្ងន់១៥០.៣៤ក្រាម,ខ្សៀចំនួន០២,ឧបករណ៍ប្រើប្រាស់គ្រឿងញៀនមួយចំនួន,ទូរស័ព្ទ ចំនួន ០២គ្រឿង (ម៉ាក Huawei និងOppo),ម៉ូតូ ចំនួន ០២គ្រឿង (ម៉ាក Honda dream សេរីឆ្នាំ២០១២ ពណ៍ខៀវ ផ្លាកលេខ ពោធិសាត់ 1D-0068 និងម៉ាក Honda supper cup ពណ៍ខៀ-ស ផ្លាកលេខ ភ្នំពេញ 1BS-6422) និងឧបករណ៍ជក់បារីអេឡិចត្រូនិច (Yooz) ចំនួន០១ដើម។

បច្ចុប្បន្នជនសង្ស័យ រួមនឹងវត្ថុតាងត្រូវបានកម្លាំងជំនាញមន្ទីរស្រាវជ្រាវនិងបង្រ្កាបបទល្មើស នៃបញ្ជាការការដ្ឋានកងរាជអាវុធហត្ថខេត្តកំពង់ស្ពឺ កសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធី៕