មីយ៉ាន់ម៉ា ឃាត់ខ្លួនជនបរទេស ២០០នាក់ ដែលប្រព្រឹត្តិល្បែងស៊ីសងតាមប្រព័ន្ធអ៊ីនធឺណេត និងការក្លែងបន្លំតាមអ៊ីនធឺណិត

នៃពិដោរ៖ ប្រទេសមីយ៉ាន់ម៉ា បានឃាត់ខ្លួនជនបរទេសចំនួន២០០នាក់ ដែលបានប្រព្រឹត្តិល្បែងស៊ីសងតាមប្រព័ន្ធអ៊ីនធឺណេត និងការក្លែងបន្លំតាមអ៊ីនធឺណិត នៅក្នុងតំបន់ម្យ៉ាវ៉ាឌី-ស្វេ កុកកូ (Myawady-Shwe Kokko) តំបន់ម៉ែតាវ ថាល័យ (Mae Htaw Tha Lay) និងKK Park កាលពីថ្ងៃទី២៨ ខែកុម្ភៈ។

មន្ត្រីរដ្ឋាភិបាលកំពុងធ្វើការជាមួយសហគមន៍អន្តរជាតិ ដើម្បីកំណត់ និងបង្រ្កាបឧក្រិដ្ឋកម្ម រួមទាំងការលេងល្បែងស៊ីសងខុសច្បាប់ និងការក្លែងបន្លំតាមអ៊ីនធឺណិត។ កាលពីថ្ងៃទី២៨កុម្ភៈ ជនបរទេសចំនួន២០០នាក់ផ្សេងទៀត ដែលបានចូលប្រទេសមីយ៉ាន់ម៉ាដោយខុសច្បាប់ តាមច្រកព្រំដែនឆ្លងកាត់ប្រទេសជិតខាងរួមទាំងប្រទេសថៃ ហើយបានប្រព្រឹត្តិល្បែងស៊ីសងខុសច្បាប់ និងការក្លែងបន្លំតាមអ៊ីនធឺណិតនៅតំបន់ម្យ៉ាវ៉ាឌី-ស្វេ កុកកូ, តំបន់ម៉ែតាវ ថាល័យ និងKK Park នៃរដ្ឋកាយីន ត្រូវបានកំណត់អត្តសញ្ញាណ និងឃាត់ខ្លួន។ ព័ត៌មានផ្ទាល់ខ្លួន និងកំណត់ត្រាចាំបាច់របស់ជនបរទេសត្រូវបានឃុំខ្លួន កំពុងត្រូវបានប្រមូលដោយក្រុមនាយកដ្ឋានក្នុងថ្ងៃតែមួយ ដើម្បីធានាការធ្វើមាតុភូមិនិវត្តន៍ភ្លាមៗទៅកាន់ប្រទេសរៀងៗខ្លួន។

គួរបញ្ជាក់ថា ចាប់ពីថ្ងៃទី៣០ ខែមករា ដល់ថ្ងៃទី២៨ ខែកុម្ភៈ ជនបរទេសសរុបចំនួន ៣១២៥នាក់ បានចូលប្រទេសមីយ៉ាន់ម៉ាដោយខុសច្បាប់ ត្រូវបានកំណត់អត្តសញ្ញាណ និងឃាត់ខ្លួន ក្នុងនោះ៧៥៧នាក់ ត្រូវបានផ្ទេរទៅកាន់ប្រទេសរៀងៗខ្លួនតាមរយៈប្រទេសថៃតាមនីតិវិធីច្បាប់ ហើយជនបរទេសនៅសេសសល់ចំនួន២៣៦៨នាក់ទៀតត្រៀមបញ្ជូនទៅប្រទេសរៀងៗខ្លួនផងដែរ។ ជនបរទេសចំនួន៣១២៥នាក់ ត្រូវបានឃាត់ខ្លួនមានសញ្ជាតិចិន ឥណ្ឌូណេស៊ី វៀតណាម ម៉ាឡេស៊ី ប៉ាគីស្ថាន ឥណ្ឌា អ៊ូហ្គង់ដា អេត្យូពី នេប៉ាល់ ថៃ រ្វាន់ដា កេនយ៉ា កាហ្សាក់ស្ថាន កម្ពុជា ហ្គាណា និងចិន ក្នុងនោះភាគច្រើនជាជនជាតិចិន។