បទវិភាគ៖សេដ្ឋកិច្ចអំឡុងថ្ងៃបុណ្យចូលឆ្នាំថ្មីចិនមានភាពសកម្មខ្លាំង ជាទីចាប់ផ្តើមដ៏ល្អប្រសើរសម្រាប់ឱ្យសេដ្ឋកិច្ចចិនក្នុងឆ្នាំនេះមានភាពល្អប្រសើរ

ឆ្នាំ២០២៥ ជាឆ្នាំបញ្ចប់នៃការអនុវត្តផែនការអភិវឌ្ឍន៍ជាតិ ៥ ឆ្នាំទី ១៤ ដូច្នេះ ស្ថានការណ៍សេដ្ឋកិច្ចចិនទទួលបានចំណាប់អារម្មណ៍កម្រិតកាន់តែខ្ពស់ពីបណ្តាភាគីនានា ។ ក្នុងបរិបទដែលបម្រែបម្រួលនិម្មាបនកម្មរបស់សកលលោកដែលពុំធ្លាប់មានក្នុងរយៈពេល១រយឆ្នាំមានភាពកាន់តែខ្លាំងឡើងៗ ជម្លោះពាណិជ្ជកម្មនៅលើពិភពលោកទាំងមូលបានឡើងកម្តៅពីមួយថ្ងៃទៅមួយថ្ងៃ ឧត្តមភាពរបស់សេដ្ឋកិច្ចចិនដែលមានភាពធន់យ៉ាងខ្លាំងនិងសក្តានុពលដ៏ធំធេងក៏មានភាពកាន់តែលេចធ្លោ ។ ជាពិសេសគឺអំឡុងថ្ងៃបុណ្យចូលឆ្នាំថ្មីចិនឆ្នាំម្សាញ់ដែលទើបកន្លងផុតទៅ ទីផ្សារប្រើប្រាស់ដែលមានភាពសកម្មបានឆ្លុះបញ្ចាំងពីកម្លាំងរស់រវើកថ្មីឥតឈប់ឈររបស់សេដ្ឋកិច្ចចិន ហើយបានក្លាយជាក្បាលម៉ាស៊ីនដ៏ខ្លាំងក្លាសម្រាប់ជំរុញការអភិវឌ្ឍសេដ្ឋកិច្ចក្នុងឆ្នាំថ្មី ។
ទន្ទឹមនឹងទ្វារបើកទូលាយរបស់ចិនកាន់តែបើកកាន់តែធំ កម្រិតពន្ធគយសរុបក៏កាត់បន្ថយជាបន្តបន្ទាប់ដែរ ផ្លែគីវីរបស់ប្រទេសនូវែលសេឡង់ ផ្លែឈែរីប្រទេសស៊ីលី និងបង្កង ប្រទេសអូស្ត្រាលីជាដើម ត្រូវបានដាក់បញ្ចូលក្នុងបញ្ជីមុខទំនិញចូលឆ្នាំថ្មីរបស់ប្រជាជនចិន ដែលបានបង្ហាញឱ្យឃើញនូវតម្រូវការការប្រើប្រាស់ដ៏សម្បូរបែបនិងកម្លាំងរស់រវើកនៃការប្រើប្រាស់របស់ប្រទេសចិន ។ នៅឆ្នាំ២០២៤ ទំហំនាំចូលរបស់ប្រទេសចិនបានបង្កើតកម្រិតខ្ពស់ថ្មីក្នុងប្រវត្តិសាស្ត្រ ដែលបានកាន់លំដាប់ថ្នាក់ទីពីរនៃទីផ្សារនាំចូលនៅទូទាំងពិភពលោកក្នុងរយៈពេល១៦ឆ្នាំជាប់ៗគ្នា ។
ក្នុងអំឡុងថ្ងៃបុណ្យចូលឆ្នាំថ្មីចិនឆ្នាំម្សាញ់ ការធ្វើដំណើររបស់ប្រជាជនចិនបានបំបែកកំណត់ត្រាថ្មីម្តងទៀត ។ ទិន្នន័យរបស់ក្រសួងគមនាគមន៍និងដឹកជញ្ជូននៃប្រទេសចិនបានបង្ហាញថា តាមការប៉ាន់ប្រមាណ ក្នុងអំឡុងថ្ងៃបុណ្យចូលឆ្នាំថ្មីរយៈពេល៨ថ្ងៃ លំហូរអ្នកដំណើរឆ្លងតំបន់ក្នុងប្រទេសចិនទាំងមូលមានចំនួនសរុបលើសពី២ពាន់៣រយលាននាក់ ទេសចរណ៍ក្នុងបុណ្យចូលឆ្នាំថ្មីចិនមានសន្ទុះកាន់តែខ្លាំងឡើង ការធ្វើទេសចរបានក្លាយជាទំនៀមទំលាប់ថ្មីក្នុងបុណ្យចូលឆ្នាំថ្មីចិន ។ ដោយឡែក នៅឆ្នាំនេះ ក្រសួងវប្បធម៌និងទេសចរណ៍ចិនបានប្រកាសផែនទីទេសចរណ៍នៅតំបន់ព្រិលទឹកកកល្អៗចំនួន១២កន្លែង ព្រិលទឹកកកបូកជាមួយទំនៀមទំលាប់ប្រពៃណី កីឡាបូកជាមួយទេសចរណ៍ ធ្វើឱ្យប្រជាជនកាន់តែច្រើនចូលចិត្តធ្វើទេសចរណ៍នៅតំបន់ព្រិលទឹកកក ក្នុងអំឡុងថ្ងៃបុណ្យចូលឆ្នាំថ្មីចិន ។ ទេសចរណ៍នៅតំបន់ព្រិលទឹកកកក៏បានជំរុញការអភិវឌ្ឍសណ្ឋាគារនិងភោជនីយដ្ឋាននៅតំបន់ជុំវិញ ដែលបានលើកកម្ពស់ទីផ្សារប្រើប្រាស់ក្នុងវិស័យទេសចរណ៍យ៉ាងលេចធ្លោ ។
ក្រៅពីធ្វើទេសចរណ៍ក្នុងស្រុក ក្នុងអំឡុងបុណ្យចូលឆ្នាំថ្មីចិនឆ្នាំនេះ ការធ្វើទេសចរណ៍នៅបរទេសរបស់ប្រជាជនចិនក៏មានប្រជាប្រិយភាពកាន់តែខ្លាំងឡើងៗ ។ ការពន្យារពេលថ្ងៃបុណ្យចូលឆ្នាំថ្មីចិន ប្រទេសដែលលើកលែងទិដ្ឋាការមានចំនួនកាន់តែច្រើន និងជើងយន្តហោះអន្តរជាតិបានរៀបចំឡើងវិញ កត្តាទាំងនេះសុទ្ធតែធ្វើឱ្យអ្នកទេសចរចិនកាន់តែចូលចិត្តធ្វើទេសចរទៅក្រៅប្រទេស ។ ទិន្នន័យដែលវេទិកាទេសចរណ៍តាមអនឡាញបានបង្ហាញថា ក្នុងអំឡុងបុណ្យចូលឆ្នាំថ្មីចិនឆ្នាំ២០២៥ ការកក់សំបុត្រទេសចរណ៍ឆ្លងដែនបានកើនឡើង៣០ភាគរយបើប្រៀបធៀបនឹងរយៈពេលដូចគ្នានៃឆ្នាំ២០២៤ ។ គោលដៅទេសចរណ៍ឆ្លងដែនដែលពេញនិយម រួមមានប្រទេសជប៉ុន ចិនហុងកុង ថៃ ម៉ាឡេស៊ី សិង្ហបុរី អូស្រាលីនិងកូរ៉េខាងត្បូងជាដើម ។ ប្រទេសអាមេរិក អេស្ប៉ាញ អ៊ីតាលីនិងបារាំងជាដើម ដែលជាគោលដៅទេសចរណ៍មានចម្ងាយឆ្ងាយ ក៏ទទួលបានការស្វាគមន៍ពីភ្ញៀវទេសចរចិនដែរ ដែលបានកើនឡើង៥៣ភាគរយ ៨២ភាគរយ ៥៦ភាគរយ និង៥០ភាគរយដោយឡែកពីគ្នា ។
ដោយទទួលបានប្រសិទ្ធភាពដ៏ល្អប្រសើរជាច្រើន ដូចជាវិសាលភាពលើកលែងទិដ្ឋការបានពង្រីកធំ ការផ្តល់ភាពងាយស្រួលសម្រាប់ធ្វើទិដ្ឋការចូលដែន និងបុណ្យចូលឆ្នាំថ្មីចិនឆ្នាំនេះ ជាបុណ្យចូលឆ្នាំថ្មីចិនទីមួយបន្ទាប់ពីបុណ្យចូលឆ្នាំថ្មីប្រពៃណីចិនត្រូវបានកំណត់ជាថ្ងៃឈប់សម្រាករបស់អង្គការសហប្រជាជាតិ ធ្វើឱ្យទីផ្សារទេសចរណ៍ចូលដែនរបស់ចិនមានការកើនឡើងគួរឱ្យកត់សម្គាល់ ជើងហោះហើរចំនួនលើសពី៥៥០០លើកបានដឹកភ្ញៀវទេសចរនៅទូទាំងពិភពលោកទៅកាន់ប្រទសចិនសម្រាប់ឆ្លងបុណ្យចូលឆ្នាំថ្មីចិន ។ «របាយការណ៍បូកសរុបទេសចរណ៍ក្នុងអំឡុងបុណ្យចូលឆ្នាំថ្មីចិនឆ្នាំ២០២៥»បានបង្ហាញថា ក្នុងអំឡុងបុណ្យចូលឆ្នាំថ្មីចិនឆ្នាំ២០២៥ ប្រទេសជាប្រភពភ្ញៀវទេសចរណ៍ធំៗទាំង១០ តាមលំដាប់រួមមានកូរ៉េខាងត្បូង អាមេរិក ម៉ាឡេស៊ី សិង្ហបុរី ជប៉ុន អង់គ្លេស ថៃ រុស្ស៊ី អូស្រ្តាលី និងបារាំង ។ តាមស្ថិតិ ក្នុងវេទិកាកម្មវិធីវីដេអូខ្លីនៅបរទេស វីដេអូដែលដាក់ស្លាកថា “ដំណើរនៅចិន”មានចំនួនជិត៩ម៉ឺន បរិមាណចាក់ផ្សាយវីដេអូមានចំនួនជិត១ពាន់លាន ។ ក្នុងបណ្តាញអ៊ីនធឺណែត វីដេអូខ្លីដែលមានប្រធានបទ “ឆ្នាំថ្មីចិន” បានផ្ទុះល្បីជាបន្តបន្ទាប់ ។