សម្ដេចធិបតី៖ កម្ពុជា មិនមានតម្រូវការវិនិយោគសាងសង់រថភ្លើងល្បឿនលឿន ចំណាយថវិការាប់ពាន់លានដុល្លារទេ គ្រាន់តែកែសម្រួលអ្វីដែលមានស្រាប់
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានគូសបញ្ជាក់ថា កម្ពុជាមិនមានតម្រូវការវិនិយោគសាងសង់រថភ្លើងល្បឿនលឿន ដែលចំណាយថវិការាប់ពាន់លានដុល្លារនោះទេ ពោលគ្រាន់តែកែសម្រួលអ្វីដែលមានស្រាប់។
ក្នុងឱកាសអញ្ជើញ បិទសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់ក្រសួងសាធារណការ និងដឹកជញ្ជូន នៅថ្ងៃទី២៣ ខែមករា ឆ្នាំ២០២៥ សម្តេចបវរធិបតី ហ៊ុន ម៉ាណែត បានបញ្ជាក់ថា «ប៉ុន្ដែអ្វីទាំងនេះ ខ្ញុំគិតថា ជាកិច្ចការដែលយើង មិនចាំបាច់ ទៅដល់រាប់លានវិនិយោគទៅលើរទះភ្លើងល្បឿនលឿននោះទេ អ្វីដែរយើងមានស្រាប់ អារទះភ្លើងយើងមានរាប់ថ្ងៃអាចធ្វើទំនើបកម្ម អាចថា ធ្វើឱ្យប្រសើឡើង»
នាឱកាសនោះដែរ សម្ដេច នាយករដ្ឋមន្ដ្រី ក៏បានបង្ហាញក្ដីបារម្ភពីគ្រោះថ្នាក់នៅតំបន់ផ្លូវដែក ក្នុងន័យនេះ សម្ដេច បានណែនាំឱ្យពង្រឹងសុវត្ថិភាពតាមផ្លូវដែកផងដែរ ៕
