ពលរដ្ឋរងគ្រោះដោយគ្រោះទឹកជំនន់ កើនឡើងដល់ជាង ៣.០០០នាក់ គិតត្រឹមថ្ងៃអាទិត្យនេះ

បរទេស៖ ចំនួនប្រជាជនដែលរងផលប៉ះពាល់ដោយសារគ្រោះទឹកជំនន់នៅ Johor បានកើនឡើងដល់ជាង ៣.០០០នាក់ គិតត្រឹមព្រឹកថ្ងៃអាទិត្យកើនឡើងពី ២.៥២៤នាក់កាលពីយប់មុន។

ទីភ្នាក់ងារគ្រប់គ្រងគ្រោះមហន្តរាយជាតិរបស់ប្រទេសហៅកាត់ (NADMA) នៅក្នុងរបាយការណ៍មួយបានដាក់ថា ពលរដ្ឋចំនួន៣.២៩៥នាក់ដែលរងផលប៉ះពាល់មាន ៩៦០គ្រួសារមកពីស្រុក Kota Tinggi, Kulai, Johor Bahru, Kluang និង Pontian។

ពួកគេទាំងនោះត្រូវបានបញ្ជូនទៅមជ្ឈមណ្ឌលជម្លៀសបណ្តោះអាសន្នចំនួន ៣៤កន្លែង។

លោក Kota Tinggi បានឲ្យដឹងថា មានចំនួនអ្នករងគ្រោះដោយសារគ្រោះទឹកជំនន់ច្រើនជាងគេគឺ មានចំនួន១.១៦០នាក់ បន្ទាប់មក គឺស្រុក Kulai ចំនួន៧៤៨នាក់ ស្រុក Johor Bahru ចំកនួន៥០២នាក់ ស្រុក Kluang ចំនួន៤៥៥នាក់ និងស្រុក Pontian ចំនួន ៤៣០នាក់។

កាសែត The New Straits Times បានរាយការណ៍ថា នាយកដ្ឋានឧតុនិយមម៉ាឡេស៊ីព្យាករណ៍ថា នឹងមានភ្លៀងធ្លាក់ចុះខ្លាំងបន្តទៀត ជាមួយនឹងលទ្ធភាពនៃទឹកជំនន់នៅក្នុងស្រុកផ្សេងទៀត រួមទាំងនៅ Batu Pahat និង Mersing ផងដែរ។

នៅមុននេះ សារព័ត៌មាន The Star បានរាយការណ៍ឲ្យដឹងថា បុរសម្នាក់ត្រូវបានជួយសង្គ្រោះ បន្ទាប់ពីរថយន្តរបស់គាត់ត្រូវបានទឹកហូរកាត់នាំយកតាមចរន្តទឹកនៅស្រុក Jalan Liku Cina នៅជិត Taman Aman។

លោក Yusof Othman មេប៉ូលិសប្រចាំស្រុក Kota Tinggi បានរាយការណ៍មកថា “ឧបទ្ទវហេតុនេះបានកើតឡើងនៅម៉ោង១១និង៣០នាទីយប់ ថ្ងៃទី១០ ខែមករា នៅគ្រាដែលសមាជិកក្រុមមួយចំនួនកំពុងជម្លៀសជនរងគ្រោះដោយសារគ្រោះទឹកជំនន់។