ប៉ូលីសថៃ ឆ្មក់ចូលពិធីជប់លៀងស្រឡាញ់ភេទដូចគ្នា ក្នុងសង្កាត់ Watthana នៃទីក្រុងបាងកក រកឃើញអ្នកចូលរួម ១២៤នាក់ តេស្តវិជ្ជមាន គ្រឿងញៀន
បរទេស៖ ការវាយឆ្មក់របស់ប៉ូលីសនាពេលថ្មីៗ នេះលើពិធីជប់លៀងស្រឡាញ់ភេទដូចគ្នាកាលពីថ្ងៃទី៨ ខែធ្នូនៅក្នុងសង្កាត់ Watthana នៃទីក្រុងបាងកក ដែលក្នុងនោះជាង ពាក់កណ្តាល នៃអ្នកចូលរួមពិធីជប់លៀងចំនួន ១២៤ នាក់បានធ្វើតេស្តវិជ្ជមាន គ្រឿងញៀន ហើយត្រូវបានបញ្ជូន ទៅព្យាបាល ដែលការបញ្ជូននេះ បានចោទជាសំណួរកាន់ តែទូលំទូលាយ អំពីឯកជនភាព និងគោលនយោបាយគ្រឿងញៀន។
យោងតាមសារព័ត៌មាន បាងកក ប៉ុស្តិ៍ ចេញផ្សាយ នៅថ្ងៃទី៣ ខែមករា ឆ្នាំ២០២៥ បានឱ្យដឹងថា សេចក្តីរាយការណ៍ ព័ត៌មានថា ពិធីជប់លៀងនេះ ត្រូវបានចូលរួម ដោយបុរសមានរាង កាយមាំមួនទាំង ១២៤នាក់ ដែលភាគច្រើនមាន អាជីពគួរឱ្យគោរព។
ខណៈពេលដែលបណ្តាញសង្គមស៊ីវិលមួយបានត្អូញត្អែរថា ប្រព័ន្ធផ្សព្វផ្សាយបានរំលោភលើភាពឯកជនរបស់អ្នកចូល Party ដោយការបង្ហាញមុខរបស់ពួកគេ និងការមាក់ងាយ អ្នកស្រឡាញ់ភេទដូចគ្នានោះ ក្រុមអ្នកតស៊ូមតិគ្រឿងញៀន បានសម្តែងការព្រួយបារម្ភអំពីការ អនុវត្តជាក់ស្តែង នៃគោលនយោបាយជាតិគ្រឿងញៀន ។
យោងតាមមាត្រា ១១៣ និង ១១៤ នៃក្រមគ្រឿងញៀន ជនណាម្នាក់ដែលត្រូវបានចាប់ខ្លួនពីបទប្រើប្រាស់គ្រឿងញៀន ត្រូវទទួលការព្យាបាលនៅមណ្ឌលកែប្រែ រហូតដល់ពួកគេត្រូវបានបញ្ជាក់ថា បានបញ្ចប់ការព្យាបាល។
សកម្មជនជាច្រើនអះអាងថា ច្បាប់បែបនេះ ផ្ទុយនឹងគោលការណ៍កាត់បន្ថយគ្រោះថ្នាក់ ពីព្រោះមិនមែនអ្នកប្រើប្រាស់ គ្រឿងញៀន ទាំងអស់មានឆន្ទៈក្នុងការស្តារ នីតិសម្បទានោះទេ ជាពិសេសអ្នក ដែលត្រូវបានចាត់ទុកថា ជាអ្នកញៀនមានមុខងារ។
ច្បាប់នេះក៏ធ្វើឲ្យសេរីភាពនៃអ្នកញៀន ទាក់ទងនឹងការចុះឈ្មោះ ក្នុងការស្តារនីតិសម្បទារបស់ពួកគេ។
