ភ្នំពេញ៖ នាថ្ងៃទី២ ខែមករា ឆ្នាំ២០២៥ តំណាងអគ្គនាយកដ្ឋានគាំពារបរិស្ថាន ក្រសួងបរិស្ថាន បានចូលរួមយុទ្ធនាការ «ផ្លូវជាតិគ្មានសំរាមប្លាស្ទិក» នៅស្រុកកំពង់លែង ខេត្តកំពង់ឆ្នាំង ដោយបានដឹកនាំធ្វើសកម្មភាពសម្អាតផ្ទះសម្បែង ភូមិឋាន តាមដងផ្លូវ ឱ្យស្អាតគ្មានសំរាមសំណល់រឹង ប្លាស្ទិករាយប៉ាយ ចេះញែក ទុកដាក់សំរាមឱ្យបានត្រឹមត្រូវ ដើម្បីលើកកម្ពស់ភាពស្អាតរបស់ស្រុកកំពង់លែង ឱ្យការរស់នៅស្អាត ស្អាតលើដី ស្អាតក្នុងទឹក ស្អាតក្នុងខ្យល់ មានសណ្តាប់ធ្នាប់ មានអនាម័យ មានសោភ័ណភាពល្អ និងមានបរិស្ថានល្អ ព្រមទាំងបង្កើនគុណតម្លៃនៃការរស់នៅរបស់ប្រជាពលរដ្ឋផងដែរ។
យុទ្ធនាការខាងលើ ដោយមានចលនាចូលរួមពីថ្នាក់ដឹកនាំ អាជ្ញាធរមូលដ្ឋានគ្រប់លំដាប់ថ្នាក់ មន្រ្តីរាជការ លោកគ្រូអ្នកគ្រូ សិស្សានុសិស្ស និងប្រជាពលរដ្ឋ សរុប ចំនួន ២,៦១៩នាក់ នៅឃុំកំពង់ហៅ ឃុំស្វាយរុំពារ ឃុំសំរោងសែន ឃុំពោធិ៍ ស្រុកកំពង់លែង ខេត្តកំពង់ឆ្នាំង៕
