ការគំរាមកំហែងពន្ធរបស់លោក ត្រាំ អាចនាំឱ្យមានការឡើងថ្លៃទំនិញ និងធ្វើឱ្យពាណិជ្ជកម្មពិភពលោក មានភាពស្មុគស្មាញ

ប៉េកាំង៖ ប្រធានាធិបតីជាប់ឆ្នោត របស់សហរដ្ឋអាមេរិក លោក ដូណាល់ ត្រាំ បានឲ្យដឹងថា លោកនឹងដាក់ពន្ធ ២៥ ភាគរយលើការនាំចូលពីប្រទេសកាណាដា និងម៉ិកស៊ិក រហូតដល់ពួកគេ ទប់ស្កាត់គ្រឿងញៀន និងជនចំណាកស្រុកឆ្លង កាត់ព្រំដែន ។ អ្នករិះគន់អះអាងថា ពន្ធគយនឹងធ្វើឱ្យប៉ះពាល់ ដល់កិច្ចសហប្រតិបត្តិការសេដ្ឋកិច្ច និងធ្វើឱ្យទំនាក់ទំនងរវាង សហរដ្ឋអាមេរិក និងដៃគូពាណិជ្ជកម្មជិតស្និទ្ធបំផុតរបស់ខ្លួន។

សេដ្ឋវិទូបានឲ្យដឹងថា អាជីវកម្មនឹងមានជម្រើសតិចតួច និងគ្មានអ្វីក្រៅតែពីផ្ទេរការចំណាយបន្ថែមដល់អ្នកប្រើប្រាស់ ដែលនាំឱ្យមានការឡើងថ្លៃយ៉ាងសំខាន់ សម្រាប់វត្ថុសំខាន់ៗ វិសមភាពខ្ពស់ និងជម្រើសអ្នកប្រើប្រាស់តិច។ លោក James Knightley ប្រធានសេដ្ឋវិទូអន្តរជាតិនៅ ING ដែលជាស្ថាប័នហិរញ្ញវត្ថុបានឲ្យដឹងថា ពន្ធដែលបានស្នើឡើងដោយលោក ត្រាំ នៅដើមសប្តាហ៍នេះ អាចធ្វើឱ្យអ្នកប្រើប្រាស់អាមេរិក គ្រប់រូបខាតបង់រហូតដល់ ៨១០ ដុល្លារអាមេរិកក្នុងមួយឆ្នាំ។
អ្នកទិញរថយន្តទំនងជាប្រឈមមុខនឹងការឡើងថ្លៃកាន់តែខ្លាំង ដែលធ្វើឲ្យទីផ្សារប្រកួតប្រជែងរួចទៅហើយ ដែលការចំណាយបានកើនឡើង លើសពីលទ្ធភាព សម្រាប់មនុស្សជាច្រើន។ ជាមួយនឹងតម្លៃជាមធ្យម នៃយានជំនិះថ្មីនាពេលបច្ចុប្បន្នប្រហែល ៤៨,០០០ ដុល្លារ ការចំណាយបន្ថែមពីពន្ធគយ អាចជំរុញឱ្យម្ចាស់ រថយន្តកាន់តែឆ្ងាយទៅៗ សម្រាប់មនុស្សជាច្រើន។

អ្នកវិភាគ Bernstein លោក Daniel Roeska បានឲ្យដឹងថា ក្រុមហ៊ុនរថយន្ដដូចជា Volkswagen, Stellantis, General Motors និង Ford ត្រូវបានគេរំពឹងថា នឹងរងការវាយប្រហារខ្លាំងបំផុតដោយពន្ធដែលបានស្នើឡើង។ លោកថា “ពន្ធ ២៥ ភាគរយលើម៉ិកស៊ិក និងកាណាដា នឹងធ្វើឱ្យឧស្សាហកម្មរថយន្តរបស់សហរដ្ឋអាមេរិក មានផលប៉ះពាល់យ៉ាងធ្ងន់ធ្ងរ” ។

ខណៈពេលដែលផលប៉ះពាល់សេដ្ឋកិច្ច នៅក្នុងសហរដ្ឋអាមេរិកមានសារសំខាន់ ផលប៉ះពាល់នៃពន្ធគយបែបនេះ នឹងបន្តរីករាលដាលពាសពេញពិភពលោក។ ក្រុមហ៊ុនផលិតកាណាដា ជាពិសេសនៅក្នុងឧស្សាហកម្មរថយន្ត និងដែកថែប បារម្ភថា ការចំណាយបន្ថែមនឹងធ្វើឱ្យផលិតផល របស់ពួកគេមានការប្រកួត ប្រជែងតិចនៅក្នុងទីផ្សារសហរដ្ឋអាមេរិក ដែលមានចំណែក សម្រាប់ការនាំចេញភាគច្រើន របស់ប្រទេសកាណាដា ៕