ហាណូយ៖ រដ្ឋធានីហាណូយបានបានជាប់ជារដ្ឋធានីដែលមានកម្រិតខ្យល់ពុលខ្លាំងបំផុតទីពីរនៅទូទាំងពិភពលោក បន្ទាប់ពីរដ្ឋធានីញូវដេលីរបស់ឥណ្ឌា។ នេះបើតាមក្រុមហ៊ុនស្វីស IQ Air។
នាយកដ្ឋានធនធានធម្មជាតិ និងបរិស្ថានរដ្ឋធានីហាណូយបានកំណត់សន្ទស្សន៍គុណភាពក្នុងខ្យល់ប៉ះពាល់់តិចតួច និងប៉ះពាល់ខ្លាំងពោលគឺកម្រិតសន្ទស្សន៍ចន្លោះពី១០០ ទៅ២០០។ ដោយឡែក យោងតាមក្រុមហ៊ុន AirVisual AQI មានចាប់ពី ០ ដល់ ៥០០ ទោះបីជាគុណភាពខ្យល់អាចត្រូវបានមានកម្រិតលើសពី ៥០០ នៅពេលដែលមានការបំពុលបរិយាកាសគ្រោះថ្នាក់ខ្ពស់ខ្លាំង។ គុណភាពខ្យល់ល្អមានចាប់ពី ០ ដល់ ៥០។ សន្ទស្សន៍នៅចន្លោះពី ២០១ និង ៣០០ ត្រូវបានចាត់ថ្នាក់ថា មានកម្រិតពុលខ្លាំង ដោយសាធារណជនទូទៅអាចនឹងរងផលប៉ះពាល់់គួរឱ្យកត់សម្គាល់ ជាពិសេសក្រុមងាយរងគ្រោះងាយប្រឈមនឹងហានិភ័យនៃការរលាកផ្លូវដង្ហើម។
កត្តារួមចំណែករួមមាន៖ ចរាចរណ៍មមាញឹកខ្លាំង សំណង់អគារ ការបំភាយឧស្ម័នឧស្សាហកម្ម និងសកម្មភាពកសិកម្ម ដែលខ្វះស្ដង់ដារបរិស្ថាន គួបផ្សំនឹងលក្ខខណ្ឌអាកាសធាតុ។ អាជ្ញាធរបរិស្ថានបានជំរុញឱ្យមូលដ្ឋានបង្កើនកិច្ចខិតខំប្រឹងប្រែងត្រួតពិនិត្យ និងចែករំលែកជាសាធារណៈនូវទិន្នន័យគុណភាពខ្យល់ ដោយផ្តល់ការណែនាំអំពីការការពារសុខភាព។ ជាចុងក្រោយ រដ្ឋបាលមូលដ្ឋានត្រូវបានណែនាំឱ្យពិនិត្យមើលប្រភពនៃការបំភាយឧស្ម័ន ដូចជា ឡដុតសំរាម ដើម្បីកាត់បន្ថយកម្រិតបំពុលដែលកំពុងកើនឡើងខ្លាំង។
