ភ្នំពេញ៖ នៅព្រឹកថ្ងៃទី២៨ ខែសីហា ឆ្នាំ២០២៤ នេះ មានករណីគ្រោថ្នាក់ចរចរណ៍វរាងរថយន្តដឹកដី និងរថយន្តស៊ាំងយ៉ុងដឹកកម្មកររោងចក្របុកគ្នាពេញទំហឹង នៅចំណុចក្បែរវិទ្យាល័យកំពង់សិលា តាមបណ្ដោយផ្លូវជាតិលេខ៤ ក្នុងស្រុកកំពង់សិលា ខេត្តព្រះសីហនុ បណ្ដាលឱ្យមានមនុស្សស្លាប់២នាក់ និង ២៥នាក់ទៀតត្រូវបានបញ្ចូនទៅសង្គ្រោះនៅមន្ទីរពេទ្យ ។
ករណីគ្រោះថ្នាក់ចរាចរណ៍កើតឡើង រវាងរថយន្តតួររីសដឹកកម្មករ បុកជាមួយរថយន្តកុងតីន័រពណ៌សក្នុងទិសដៅបញ្ច្រាសគ្នា បណ្ដាលឱ្យអ្នកបើករថយន្តតួររីសស្លាប់នៅនឹងកន្លែងកើតហេតុ និងម្នាក់ទៀតស្លាប់នៅពេលដឹកមកដល់មន្ទីរពេទ្យ។
ដោយឡែក ជនរងគ្រោះដទៃទៀត ត្រូវបានរថយន្តសង្គ្រោះនៃមន្ទីរពេទ្យបង្អែកស្រុកកំពង់សិលា និងរថយន្តសង្គ្រោះរបស់អធិការរដ្ឋាននគរបាលស្រុកកំពង់សិលា ដឹកបញ្ចូនទៅសង្គ្រោះនៅមន្ទីរពេទ្យខេត្តកំពង់ស្ពឺ ៕
