ឧត្តមសេនីយ៍ទោ សុខ រីនណា បើកវគ្គហ្វឹកហ្វឺន ពង្រឹងវរសេនាតូច៤២២ បំប៉នអាវុធគាំទ្រ ក្បាច់គុណយុទ្ធក្រំកងយោធពលខេមរភូមិន្ទ នៅទីលានហ្វឹកហ្វឺន កងពលតូចថ្មើរជើងលេខ៤២
ភ្នំពេញ៖ នាថ្ងៃទី២៥ ខែមិថុនា ឆ្នាំ២០២៤ កងពលតូចថ្មើរជើងលេខ៤២បានបើកវគ្គហ្វឹកហ្វឺនពង្រឹងវរសេនាតូច៤២២ ក្រោមអធិបតីភាព ដ៏ខ្ពង់ខ្ពស់ ឯកឧត្តមឧត្តម សេនីយ៍ ទោ សុខ រីនណា មេបញ្ជាការរងជានាយសេនាធិការ យោធភូមិភាគទី៤ នៅទីលានហ្វឹកហ្វឺនកងពលតូចថ្មើរជើងលេខ៤២ ដែលមានការអញ្ជើញចូលរួមពី មេបញ្ជាការរង កងរាជអាវុធហាត្ថ ស្នងការរងខេត្តមេបញ្ជាការកងការពារព្រុំដែននាយទាហាន នាយទាហានរង និងពលទាហាន ក្នុងអង្គភាពកងពលតូចថ្មើរជើងលេខ៤២។
ក្នុងឱកាសនោះ លោកមេបញ្ជាការរងនាយសេនាធិការយោធភូមិភាគទី៤ បានមានប្រសាសន៍ថា វគ្គហ្វឹកហ្វឺនពង្រឹងបំប៉ន ពិតជាមានសារៈសំខាន់ណាស់ចំពោះយោធិនគ្រុបរូប និងបានឆ្លុះបញ្ចាំងឱ្យឃើញពីការកសាងសមត្ថភាព ចំណេះដឹង ចំណេះធ្វើមួយពិតប្រាកដ និងជាក់លាក់លើការងារជំនាញបច្ចេកទេស និងបណ្តុះបណ្តាលធនធានមនុស្ស នៃកងយោធពលខេមរភូមិន្ទ ក្នុងវិស័យពង្រឹងប្រៀបការពារជាតិ និងជាឱកាសសម្រាប់កងទ័ពមានពេលវេលាហ្វឹកហ្វឺនរៀនសូត្រនៅពេលដែលប្រទេសជាតិកំពុងមានសុខសន្តិភាពពេញលេញក្រោមការដឹកនាំប្រកបដោយគតិបណ្ឌិត ឈ្លាសវៃ ត្រឹមត្រូវ របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។
ជាចុងក្រោយ លោកមេបញ្ជាការ បានផ្តាំផ្ញើដល់សិក្ខាកាមទាំងអស់ ត្រូវខិតខំរៀនសូត្រទាំងទ្រឹស្តី និងការអនុវត្តន៍ផ្ទាល់ ខិតខំប្រឹងប្រែង គោរពវិន័យ គោរពពេលវេលារៀនសូត្រ មានសាមគ្គីឯកភាពផ្ទៃក្នុងវគ្គ ត្រូវត្រងត្រាប់ស្តាប់គ្រូឧទ្ទេសនាម ទាំងទ្រឹស្តី និងការអនុវត្តន៍ជាក់ស្តែង សង្ឃឹមថាពេលបញ្ចប់វគ្គទទួលបានលទ្ធផលល្អ៕
