ការសិក្សាបង្ហាញថា ការបំពុលបរិយាកាសធ្វើឱ្យមនុស្ស ១៣៥ លាននាក់ស្លាប់មុនអាយុ នៅទូទាំងពិភពលោក

សិង្ហបុរី៖ សាកលវិទ្យាល័យសិង្ហបុរីបានរកឃើញថា ការបំពុលពីការបំភាយឧស្ម័នដែលបង្កើតដោយមនុស្ស និងប្រភពផ្សេងទៀត ដូចជាភ្លើងឆេះព្រៃត្រូវបានផ្សារភ្ជាប់ទៅនឹងការស្លាប់មុនអាយុប្រហែល១៣៥លាននាក់ នៅទូទាំងពិភពលោកចន្លោះឆ្នាំ១៩៨០ និង២០២០។

ការសិក្សានេះដឹកនាំដោយអ្នកស្រាវជ្រាវនៅសាកលវិទ្យាល័យ Nanyang Technological (NTU) បានបង្ហាញថា បាតុភូតអាកាសធាតុដូចជា El Nino និងបាតុភូត Dipole (គំរូអាកាសធាតុប៉ះពាល់ដល់មហាសមុទ្ទឥណ្ឌា) បានបង្កើនឥទ្ធិពលនៃការបំពុលកាន់តែអាក្រក់ទៅៗ។ សារធាតុភាគល្អិត PM 2,5 មានគ្រោះថ្នាក់ដល់សុខភាពមនុស្សនៅពេលស្រូបចូលទៅក្នុងរាងកាយ ដោយសារទំហំតូចៗរបស់វា។ សារធាតុនេះ មានប្រភពមកពីការបំភាយយានយន្ត និងឧស្សាហកម្ម ក៏ដូចជាប្រភពធម្មជាតិដូចជាភ្លើងឆេះព្រៃ និងព្យុះធូលីផងដែរ។

សាកលវិទ្យាល័យបានបញ្ជាក់នៅក្នុងសេចក្តីថ្លែងការណ៍ស្តីពីការសិក្សា ដែលបានចេញផ្សាយនៅក្នុងទស្សនាវដ្តី Environment International ថា បញ្ហាភាគល្អិត PM 2.5 ត្រូវបានផ្សារភ្ជាប់ជាមួយនឹងការស្លាប់មុនអាយុប្រហែល១៣៥លាននាក់នៅទូទាំងពិភពលោកពីឆ្នាំ១៩៨០ ដល់ឆ្នាំ២០២០។

ការសិក្សា បាន រក ឃើញ ថា មនុស្សបានស្លាប់តិចជាងអាយុជាមធ្យមនៃអាយុរំពឹងទុកពីជំងឺ ឬលក្ខខណ្ឌដែលអាចព្យាបាល ឬការពារបាន រួមទាំងជំងឺ Heatstroke ជំងឺបេះដូង និងសួត និងជំងឺមហារីក។ ការ សិក្សា នេះ ក៏បាន រក ឃើញ ថា លំនាំ អាកាសធាតុ បាន បណ្តាល ឱ្យ អត្រានៃការស្លាប់បាត់បង់ជីវិតកើន ឡើង១៤ភាគរយ។ យោង

តាមការសិក្សា ចំនួនអ្នកស្លាប់មុនអាយុដោយសារសារធាតុពុល PM 2.5 នៅអាស៊ី ស្ថិតនៅកំពូលតារាង ដោយមានមនុស្សស្លាប់ជាង៩៨លាននាក់ ភាគច្រើននៅក្នុងប្រទេសចិន និងឥណ្ឌា។ ប្រទេសប៉ាគីស្ថាន បង់ក្លាដែស ឥណ្ឌូណេស៊ី និងជប៉ុន ក៏មានចំនួននៃការស្លាប់មុនអាយុខ្ពស់ ដែលមានចាប់ពី២ទៅ៥លាននាក់។ ការសិក្សាបានប្រើប្រាស់ទិន្នន័យរយៈពេល៤០ឆ្នាំ ដើម្បីផ្តល់នូវទិដ្ឋភាពនៃផលប៉ះពាល់នៃភាគល្អិតលើសុខភាព។

ការរកឃើញនេះ បានគូសបញ្ជាក់ពីតម្រូវការក្នុងការយល់ដឹង និងកំណត់អំពីគំរូអាកាសធាតុ នៅពេលដោះស្រាយការបំពុលបរិយាកាស ដើម្បីការពារសុខភាពរបស់ប្រជាជនពិភពលោក។ អ្នកស្រាវជ្រាវមកពីហុងកុង អង់គ្លេស និងចិន ក៏បានចូលរួមនៅក្នុងការសិក្សានេះផងដែរ៕