អតីតនាយករដ្ឋមន្ត្រីថៃ ថាក់ស៊ីន ស៊ីណាវ៉ាត្រា ប្រឈមមុខនឹងការកាត់ទោស ប្រមាថព្រះមហាក្សត្រ
បរទេស៖ បើតាមទីភ្នាក់ងារព័ត៌មាន បារាំង AFP បានឲ្យដឹងថា ការិយាល័យអគ្គមេធាវី បានបញ្ជាក់ថា អតីតនាយករដ្ឋមន្ត្រីថៃថាក់ស៊ីន ស៊ីណាវ៉ាត្រា ប្រឈមមុខនឹងការកាត់ទោសពីបទប្រមាថព្រះមហាក្សត្រ។ លោក ថាក់ស៊ីន ក៏នឹងត្រូវកោះហៅទៅតុលាការ នៅថ្ងៃទី១៨ ខែមិថុនា ដើម្បីឆ្លើយតបការចោទប្រកាន់ក្រោមច្បាប់ស្តីពីការប្រមាថព្រះមហាក្សត្រដ៏តឹងរ៉ឹង របស់ថៃ។
លោក Prayuth Pecharakun អ្នកនាំពាក្យអគ្គមេធាវី បានថ្លែងថា ការសម្រេចចិត្តនេះ កើតឡើងចំពោះលោកថាក់ស៊ីន ដែលជានាយករដ្ឋមន្ត្រីពីរសម័យកាល ដែលត្រូវបានបណ្តេញចេញពីរដ្ឋប្រហារឆ្នាំ២០០៧ ដែលបានវិលត្រឡប់ទៅកាន់ប្រទេសថៃកាលពីឆ្នាំមុន បន្ទាប់ពីរស់នៅក្រៅប្រទេសអស់រយៈពេល ១៥ឆ្នាំ ខណៈដែលគណបក្សភឿថៃរបស់លោកបានឡើងកាន់អំណាចជាប្រមុខរដ្ឋាភិបាលចម្រុះ។
លោក ប្រាយុទ្ធ បានប្រាប់អ្នកសារព័ត៌មានថា “អគ្គមេធាវីបានសម្រេចចោទប្រកាន់ថាក់ស៊ីន ពីបទប្រមាថរាជានិយម”។
“អគ្គមេធាវីមិនអាចនាំគាត់ទៅតុលាការនៅថ្ងៃនេះបានទេ ដូចដែលមេធាវីរបស់គាត់ (ថាក់ស៊ីន) បាននិយាយថាគាត់មាន Covid”។
លោក Winyat Chatmontree មេធាវីរបស់លោក Thaksin បាននិយាយថា លោកនឹងប្រឆាំងនឹងការចោទប្រកាន់នេះ។
លោក Winyat បានប្រាប់អ្នកយកព័ត៌មានថា “គាត់ត្រៀមខ្លួនជាស្រេចដើម្បីបង្ហាញភាពគ្មានកំហុសរបស់គាត់នៅក្នុងប្រព័ន្ធយុត្តិធម៌” ។
ប្រទេសថៃមានច្បាប់បរិហារកេរ្តិ៍ព្រះមហាក្សត្រដ៏តឹងរ៉ឹងបំផុតមួយចំនួនក្នុងពិភពលោកដែលការពារព្រះមហាក្សត្រ Maha Vajiralongkorn និងគ្រួសារស្និទ្ធស្នាលរបស់ព្រះអង្គ ដោយការចោទប្រកាន់នីមួយៗ នាំមកនូវការផ្តន្ទាទោសដាក់ពន្ធនាគារ ១៥ ឆ្នាំ។
ករណីប្រឆាំងនឹងលោកថាក់ស៊ីន ទាក់ទងនឹងការអត្ថាធិប្បាយដែលគាត់បានធ្វើនៅក្នុងឆ្នាំ ២០១៥ ទៅកាន់ប្រព័ន្ធផ្សព្វផ្សាយកូរ៉េខាងត្បូង ហើយជាករណីចុងក្រោយបំផុត នៅក្នុងជម្លោះផ្លូវច្បាប់ដែលគាត់បានប្រយុទ្ធ។
នៅពេលដែលគាត់ត្រលប់មកប្រទេសថៃវិញ កាលពីខែសីហា ឆ្នាំមុន មហាសេដ្ឋីអតីតម្ចាស់ក្លឹប Manchester City ត្រូវបានជាប់ពន្ធនាគារពីបទពុករលួយ និងបំពានអំណាចតាំងពីសម័យគាត់កាន់តំណែង។
មិនយូរប៉ុន្មាន ព្រះមហាក្សត្របានកាត់ទោស លោក ថាក់ស៊ីន ពីប្រាំបីឆ្នាំមកមួយឆ្នាំ ហើយគាត់ត្រូវបានដោះលែង ឱ្យនៅក្រៅឃុំកាលពីដើមឆ្នាំនេះ ដោយបានបង្ហាញខ្លួនជាសាធារណៈជាច្រើន ចាប់តាំងពីពេលនោះមក៕
