ស្នងការដ្ឋាននគរបាលរាជធានីភ្នំពេញ បង្ហាញលទ្ធផលប្រតិបត្តិការដែលសមត្ថកិច្ចជំនាញ បានធ្វើការបង្ក្រាបក្រុមក្មេងទំនើង ចំនួន៥ករណី និងឃាត់ខ្លួនក្មេងទំនើង ចំនួន២០នាក់
ភ្នំពេញ៖ ដោយអនុវត្តតាមបទបញ្ជាដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងបញ្ជាដឹកនាំផ្ទាល់របស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅរសៀលថ្ងៃទី២៥ ខែឧសភា ឆ្នាំ២០២៤ លោកឧត្តមសេនីយ៍ត្រី ប៊ុន សត្យា ស្នងការរង ទទួលផែនការងារនគរបាលព្រហ្មទណ្ឌ លោកឧត្តមសេនីយ៍ទោ លី ប៊ុនអេង ស្នងការរង ទទួលដឹកនាំការិយាល័យ និងលោកវរសេនីយ៍ឯក សំ វិច្ឋិកា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានធ្វើសន្និសិទសារព័ត៌មានស្តីពីកិច្ចប្រតិបត្តិការបង្ការទប់ស្តាត់ និងលទ្ធផលប្រតិបត្តិការដែលសមត្ថកិច្ចបានធ្វើការបង្ក្រាបក្រុមក្មេងទំនើង ចំនួន០២ថ្ងៃ គឺថ្ងៃ២៣-២៤ ខែឧសភា ឆ្នាំ២០២៤ ដែលកម្លាំងជំនាញបានធ្វើការបង្ក្រាបចំនួន០៥ករណី ក្នុងនោះខណ្ឌពោធិ៍សែនជ័យ ចំនួន០១នាក់, ខណ្ឌសែនសុខ ចំនួន០២នាក់, ខណ្ឌដង្កោ ចំនួន០៧នាក់, ខណ្ឌចំការមន ចំនួន០១នាក់ និងការិយាល័យនគរបាលព្រហ្មទណ្ឌកម្រិតស្រាល ចំនួន០៨នាក់។
កិច្ចការងារចាត់វិធានការលើក្រុមក្មេងទំ;នើ.ង ដោយអនុវត្តតាមបទបញ្ជាផ្ទាល់របស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ដើម្បីធានាសន្តិសុខ សណ្តាប់ធ្នាប់ សុវត្ថិភាពសង្គម ជាពិសេសបង្រ្កាបក្មេងទំនើងប្រើប្រាស់ដា,.វ កាំ.បិត ដែលបង្កហិង្សា៕
