**ឃាតកររបស់មេបញ្ជាការ Donbass ត្រូវបានកាត់ទោសនៅប្រទេសរុស្ស៊ី**ហ្វីលីពីន​ចោទ​ចិន​ពីបទ​លួច​ចម្លង​បន្ទាប់ពី​ឆ្មាំ​ឆ្នេរសមុទ្រ​ឡើង​លើ​នាវា​ទ័ពជើងទឹក​នៅ​សមុទ្រ​ចិន​ខាងត្បូង**ទីភ្នាក់ងារឥណ្ឌូណេស៊ីបិទគណនីធនាគារចំនួន៥ពាន់គណនី ពាក់ព័ន្ធទៅនឹងការលេងល្បែងអនឡាញ**ក្រសួងសេដ្ឋកិច្ច បើកយុទ្ធនាការបណ្តុះបណ្តាល និងវិក្រឹតការលើ «វិធាន និងបទប្បញ្ញត្តិស្តីពីលទ្ធកម្មសាធារណៈ» ជូនមន្ត្រីជំនាញទទួលបន្ទុកកិច្ចលទ្ធកម្មសាធារណៈ**អង្គភាពអ្នកនាំពាក្សរាជរដ្ឋាភិបាល បង្ហាញលទ្ធផលជោគជ័យនៃដំណើរបំពេញទស្សនកិច្ចផ្លូវការនៅសិង្ហបុរី របស់សម្តេចធិបតី ហ៊ុន ម៉ាណែត**គណៈកម្មការទី៨នៃរដ្ឋសភា​ ជំរុញឱ្យភាគីពាក់ព័ន្ធទាំងអស់ក្នុងខេត្តព្រះសីហនុ យកចិត្តទុកដាក់សម្រេចឱ្យបានជោគជ័យនូវគោលនយោបាយបណ្តុះបណ្តាលវិជ្ជាជីវៈរបស់រដ្ឋ ១,៥លាននាក់ដោយឥតគិតថ្លៃ**ឯកឧត្ដមបណ្ឌិត​ លី ធុជ៖​ ផែនការសកម្មភាពសៀមរាប-អង្គរ និងសេចក្តីថ្លែងការណ៍នយោបាយ នឹងក្លាយជាប្លង់មេនៃកិច្ចខិតខំប្រឹងប្រែងនាពេលអនាគត ក្នុងការបង្កើតផ្លូវឆ្ពោះទៅមុខប្រកបដោយមហិច្ឆតា និងអាចសម្រេចបាន**ឯកឧត្តមរដ្ឋមន្រ្តី ហួត ហាក់ ដឹកនាំកិច្ចប្រជុំថ្នាក់ដឹកនាំក្រសួងប្រចាំសប្តាហ៍ ដើម្បីតាមដានត្រួតពិនិត្យ និងវាយតម្លៃវឌ្ឍនភាពការងាររបស់ក្រសួងអធិការកិច្ច**ឯកឧត្តមរដ្ឋមន្ត្រី ថោ ជេដ្ឋា អញ្ជើញចូលរួមកម្មវិធីសប្តាហ៍ទឹកអន្តរជាតិសិង្ហបុរីលើកទី១០ ឆ្នាំ២០២៤ នៅប្រទេសសិង្ហបុរី**ឯកឧត្តម ហ្សង់ ហ្វ្រង់ស័រ តាន់៖ កម្ពុជាស្នើដល់សិង្ហបុរី បើកជើងហោះហើរត្រង់ពីសិង្ហបុរី ទៅខេត្តព្រះសីហនុ និងបន្ថែមចំនួនដែលមានស្រាប់ ពីសិង្ហបុរី មកភ្នំពេញ និងពីសិង្ហបុរី មកខេត្តសៀមរាប**ឯកឧត្តម ហ្សង់ ហ្វ្រង់ស្វ័រ តាន់៖ សម្ដីរបស់ឯកឧត្តមទេសរដ្ឋមន្ត្រី លី ស៊ានឡុង កាលពីឆ្នាំ២០១៩ ដែលថា «វៀតណាមឈ្លានពានកម្ពុជា» មិនបានធ្វើឱ្យប៉ះពាល់ដល់ទំនាក់ទំនងប្រទេសទាំងពីរនោះទេ**ឯកឧត្តម ហ្សង់ ហ្វ្រង់ស្វ័រ តាន់៖ កម្ពុជា-សិង្ហបុរី ឯកភាពបន្តកិច្ចពិគ្រោះយោបល់នយោបាយជាទៀងទាត់ ដើម្បីពង្រីកកិច្ចសហប្រតិបត្តិការឱ្យបានទូលំទូលាយ លើវិស័យចំនួន៤**ឯកឧត្តម ហ្សង់ ហ្វ្រង់ស្វ័រ តាន់៖ កម្ពុជាគង់តែស្គាល់ភាពរុងរឿងដូចសិង្ហបុរី បើរក្សាបានសន្តិភាព ស្ថិរភាព និងប្រឹងប្រែងអភិវឌ្ឍសេដ្ឋកិច្ច**ឯកឧត្តម ហ្សង់ ហ្វ្រង់ស្វ័រ តាន់ បង្ហាញពីលទ្ធផល នៃដំណើរបំពេញទស្សនកិច្ចរបស់សម្តេចធិបតី ទៅកាន់សិង្ហបុរី**ឯកឧត្តម ហ្សង់ ហ្វ្រង់ស្វ័រ តាន់៖ កម្ពុជា គ្រាន់តែសិក្សាពីគំរូខ្លាំងរបស់សិង្ហបុរី ប៉ុន្តែមិនយកតម្រាប់តាម១០០ភាគរយនោះទេ**ឯកឧត្តមបណ្ឌិត ជិន ម៉ាលីន ដឹកនាំកិច្ចប្រជុំក្រុមច្ចេកទេសស្នូល ពិនិត្យលើការរៀបចំគម្រោងដោះស្រាយវិវាទជូនប្រជាពលរដ្ឋរស់នៅតំបន់ដាច់ស្រយាល និងតំបន់ជនជាតិដើមភាគតិច**ឧបនាយករដ្ឋមន្ត្រីប្រចាំការ វង្សី វិស្សុត បន្តដឹកនាំកិច្ចប្រជុំគណៈកម្មការរៀបចំព្រះរាជពិធីបុណ្យទីឃាយុវឌ្ឍនមង្គលថ្វាយសម្ដេច ព្រះមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែត ក្នុងព្រះជន្ម១០០ យាងចូល ១០១ព្រះវស្សា**ក្រសួងការបរទេស ប្រកាសលទ្ធផលប្រកបដោយផ្លែផ្កា នៃដំណើរទស្សនកិច្ច​ផ្លូវការ​របស់​ សម្តេចធិបតី​ ហ៊ុន ម៉ាណែត ​​នៅ​ប្រទេសសិង្ហបុរី​**សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចនៅវិទ្យាស្ថានពហុបច្ចេកទេសណានយ៉ាង**សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចនៅអគារហេដ្ឋារចនាសម្ព័ន្ធ របស់ក្រុមហ៊ុន Keppel

តំណាងក្រសួងបរិស្ថាន តំណាងរដ្ឋាភិបាលឥណ្ឌា និងអង្គការសម្ព័ន្ធមិត្តសត្វព្រៃ ធ្វើសន្និសីទសារព័ត៌មានរួមគ្នា ពីការគ្រប់គ្រងសត្វព្រៃ និងយុទ្ធសាស្ត្រស្តារសត្វខ្លាធំនៅកម្ពុជា

ភ្នំពេញ៖ នៅរសៀលថ្ងៃទី២៣ ខែឧសភា ឆ្នាំ២០២៤ តំណាងក្រសួងបរិស្ថានកម្ពុជា តំណាងរដ្ឋាភិបាលឥណ្ឌា និងអង្គការសម្ព័ន្ធមិត្តសត្វព្រៃ បានធ្វើសន្និសីទសារព័ត៌មានរួមគ្នា ពីការគ្រប់គ្រងសត្វព្រៃ និងយុទ្ធសាស្ត្រស្តារសត្វខ្លាធំនៅកម្ពុជា។

ពិធីនេះបានធ្វើឡើងក្រោមអធិបតីភាពឯកឧត្ដម ជា សំអាង រដ្ឋលេខាធិការក្រសួងបរិស្ថាន តំណាងឯកឧត្ដមបណ្ឌិត អ៊ាង សុផល្លែត, លោកជំទាវបណ្ឌិត Devyani Khobragade ឯកអគ្គរដ្ឋទូតសាធារណរដ្ឋឥណ្ឌា ប្រចាំកម្ពុជា, ឯកឧត្ដម ខ្វៃ អាទិត្យា អនុរដ្ឋលេខាធិការក្រសួងបរិស្ថាន, កញ្ញាបណ្ឌិត ស៊ូវណ្ណា ហ្គោនឡែត (Suwanna Gauntlett) នាយិកាប្រតិបត្តិអង្គការសម្ព័ន្ធមិត្តសត្វព្រៃ ហៅកាត់ WA (Wildlife Alliance) ព្រមទាំងអ្នកជំនាញមួយចំនួនទៀត។

នាឱកាសនោះកញ្ញាបណ្ឌិត ស៊ូវណ្ណា ហ្គោនឡែត បានបង្ហាញក្តីសង្ឃឹមយ៉ាងមុតមាំថា សត្វខ្លាំធំ ឬខ្លាដំបងចំនួន៤ក្បាល ដែលនាំចូលពីប្រទេសឥណ្ឌា នឹងដឹកជញ្ជូនឱ្យមករស់នៅក្នុងព្រៃជួរភ្នំក្រវាញ របស់កម្ពុជា នៅឆ្នាំ២០២៤នេះ។

បើតាមកញ្ញាបណ្ឌិត ស៊ូវណ្ណា បានបញ្ជាក់ថា សត្វខ្លាធំ ដែលគ្រោងនាំមកកាន់កម្ពុជានៅឆ្នាំក្រោយនេះ គឺមានឈ្មោលចំនួន១ក្បាល និងញីចំនួន៣ក្បាល។

កញ្ញាបណ្ឌិត ស៊ូវណ្ណា ហ្គោនឡែត បានឱ្យដឹងថា អង្គការសម្ព័ន្ធមិត្តសត្វព្រៃ និងក្រសួងបរិស្ថាន បានរៀបចំតម្លើងកាំមេរ៉ាចំនួន៤១០គ្រឿង នៅទូទាំងតំបន់ទេសភាពជួរភ្នំក្រវាញ ដើម្បីសិក្សាឱ្យបានច្បាស់នូវរបាយចំនួនសត្វព្រៃ ដែលជាចំណីសត្វខ្លាឱ្យបានជាក់លាក់។ សត្វខ្លាធំទាំង៤ក្បាលនេះ នឹងលែងក្នុងតំបន់ស្នូលនៃជួរភ្នំក្រវាញ ដែលត្រូវបានការពារ និងចាត់ទុកថា មានសុវត្ថិភាពបំផុត ក្នុងការស្តារសត្វខ្លាធំនៅកម្ពុជាឡើងវិញ។

ស្ថាបនិក និងជានាយិកាប្រតិបត្តិនៃអង្គការសម្ព័ន្ធមិត្តសត្វព្រៃ បានថ្លែងថា៖ «អង្គការយើងចុះការពារផ្ទាល់នូវតំបន់ទេសភាពព្រៃរងទឹកភ្លៀងជួរភ្នំក្រវាញទំហំ ១,៧លានហិកតា។ យើងមានគោលបំណងការពារ និងអភិរក្សព្រៃ រងទឹកភ្លៀងដែលពុំទាន់រងផលប៉ះពាល់ចុង ក្រោយបង្អស់នៅតំបន់អាស៊ីអាគ្នេយ៍។ ព្រៃឈើ សត្វព្រៃ និងមនុស្សអាចរួមរស់ជាមួយគ្នាប្រកបដោយភាព សុខដុមរមនា។ យើងត្រូវប្រឹងប្រែងដើម្បីសម្រេចគោលបំណងនេះ»។

សូមបញ្ជាក់ថា កាលពីថ្ងៃទី១២ ខែវិច្ឆិកា ឆ្នាំ២០២២ កន្លងទៅ កម្ពុជា និងឥណ្ឌា បានចុះអនុស្សរណៈនៃការយោគយល់គ្នាស្តីពី កិច្ចសហប្រតិបត្តិការ ក្នុងការអភិរក្សជីវៈចម្រុះ ការគ្រប់គ្រងសត្វព្រៃដោយនិរន្តរភាព និងយុទ្ធសាស្រ្តស្តារសត្វខ្លាធំ និងទីជម្រករបស់វានៅប្រទេសកម្ពុជា។

ក្រសួងបរិស្ថាន និងអង្គការសម្ព័ន្ធមិត្តសត្វព្រៃ WA បានរៀបចំដីព្រៃទំហំ៩០ហិកតា ស្ថិតក្នុងដែន ជម្រកសត្វព្រៃតាតៃនៃតំបន់ជួរភ្នំក្រវាញ ដោយមានរបងដែក ទ្រុងដែក អាងទឹក និងសត្វព្រៃសម្រាប់ជាចំណីសម្រាប់បន្ស៊ាំសត្វខ្លាធំ ដែលគ្រោងទទួលពីរដ្ឋាភិបាលប្រទេសឥណ្ឌា មុនលែងចូលតំបន់ស្នូលនៃតំបន់ការពារធម្មជាតិ។

គម្រោងស្តារសត្វខ្លាធំឡើងវិញនេះ បានបង្កើតឡើង បន្ទាប់ពីបាត់វត្តមានពីទឹកដីកម្ពុជា កាលពីអំឡុងឆ្នាំ២០០៧ ខណៈនៅទូទាំងពិភពលោក គេប៉ាន់ប្រមាណថាសត្វខ្លាធំនៅមានចំនួន ប្រហែល ៣,២០០ក្បាល នៅឆ្នាំ២០១០។ ចំនួននេះ មានការថយចុះ ៩៥% បើធៀបនឹងចំនួនរបស់វា ធ្លាប់មានវត្តមានក្នុងដើមទសវត្សរ៍ទី២០ ដែលមានប្រហែល ១០ម៉ឺនក្បាល នៅក្នុងពិភពលោក។

សម្រាប់គម្រោងស្តារសត្វខ្លាធំឡើងវិញនេះ បន្ទាប់ពីបាត់វត្តមានពីទឹកដីកម្ពុជា កាលពីអំឡុងឆ្នាំ២០០៧ ដោយការបរបាញ់ ដើម្បីពាណិជ្ជកម្មឆ្អឹង និងស្បែក។ វត្តមានរបស់វា ធ្លាប់បានរកឃើញ នៅតាមតំបន់មួយចំនួនដូចជាភូមិភាគឦសាន និរតី និងខាងជើងប្រទេសកម្ពុជា៕

អត្ថបទដែលជាប់ទាក់ទង