អគ្គនាយកពន្ធនាគារ អញ្ញើញចុះត្រួតពិនិត្យហេដ្ឋារចនាសម្ព័ន និងបានជួបសំណេះសំណាលជាមួយថ្នាក់ដឹកនាំ និងមន្រ្តី ក្នុងមណ្ឌលអប់រំកែប្រែទី៣

ភ្នំពេញ៖ នាព្រឹកថ្ងៃទី១៧ ខែឧសភា ឆ្នាំ២០២៤ ឯកឧត្តម ឧត្តមអគ្គានុរក្សថ្នាក់លេខ១ ឈន សាណាត អគ្គនាយក នៃអគ្គនាយកដ្ឋានពន្ធនាគារ បានអញ្ញើញចុះត្រួតពិនិត្យហេដ្ឋារចនាសម្ព័ន និងបានជួបសំណេះសំណាលជាមួយថ្នាក់ដឹកនាំ និងមន្រ្តី ក្នុងមណ្ឌលអប់រំកែប្រែទី៣ (CC3)។

នាឱកាសនោះ ឯកឧត្តម អគ្គនាយក បានថ្លែងកោតសរសើរដល់ថ្នាក់ដឹកនាំ និងមន្រ្តីនៅCC3 ចំពោះការគ្រប់គ្រងមណ្ឌលបានល្អ ទាំងការងារសន្តិសុខ ការងារប្រតិបត្តិ និងកម្មវិធីបណ្តុះបណ្តាល។

ឯកឧត្តម អគ្គនាយក បានបន្តមានប្រសាសន៍ថា “ត្រូវបន្តអនុវត្តការងារឲ្យបានល្អបន្ថែមទៀត ក្នុងនោះត្រូវយកចិត្តទុកដាក់ខ្ពស់ ការពារធានាសន្តិសុខសុវត្ថិភាព នៅពេលដែលនាំជនជាប់ឃុំទៅធ្វើពលកម្មខាងក្រៅបរិវេណពន្ធនាគារ ជាពិសេសត្រូវអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តមអភិសន្តិបណ្ឌិត ពាក់ព័ន្ធនឹងប្រព័ន្ធសុវត្ថិភាពត្រូវតែមានបន្ទប់កាមេរ៉ាសុវត្ថិភាពសំរាប់មន្ត្រីត្រួតពិនិត្យជាប្រចាំ”។

លោក ឧត្តមអគ្គានុរក្ស.១ ភិន យ៉ាន និងមន្រ្តីក្រោមឱវាទបានសម្តែងនូវភាពសប្បាយរីករាយនិងកក់ក្តៅយ៉ាងក្រៃលែង និងបានថ្លែងអំណរគុណយ៉ាងជ្រាលជ្រៅ ចំពោះវត្តមានដ៏ថ្លៃថ្លារបស់ថ្នាក់ដឹកនាំនៃអគ្គនាយកដ្ឋានពន្ធនាគារ និងជាពិសេសប្រសាសន៍ដឹកនាំដ៏មានអត្ថន័យរបស់ឯកឧត្តម អគ្គនាយក នៃអគ្គនាយកដ្ឋានពន្ធនាគារ។ ៕