ឯកឧត្តមរដ្ឋមន្ត្រី ហួត ហាក់ ដឹកនាំគណៈប្រតិភូក្រសួងអធិការកិច្ច នាំយកអំណោយសប្បុរសធម៌ប្រគល់ជូនកាកបាទក្រហមកម្ពុជា ក្នុងឱកាសអបអរសាទរខួបទី១៦១
ភ្នំពេញ៖ ឯកឧត្តម ហួត ហាក់ រដ្ឋមន្ត្រីក្រសួងអធិការកិច្ច បានអញ្ជើញដឹកនាំគណៈប្រតិភូក្រសួងអធិការកិច្ច នាំយកអំណោយសប្បុរសធម៌ប្រគល់ជូនកាកបាទក្រហមកម្ពុជា ដែលទទួលស្វាគមន៍ដោយ លោកជំទាវបណ្ឌិត អ៊ុក ម៉ាលី អគ្គហិរញ្ញឹកកាកបាទក្រហមកម្ពុជា និងជាសមាជិកព្រឹទ្ធសភា និងលោកជំទាវអគ្គលេខាធិការកាកបាទក្រហម ឯកឧត្តមនាយកពិធីការ ក្នុងឱកាសអបអរសាទរខួបទី ១៦១ (៨ ឧសភា ឆ្នាំ២០២៤) ទិវាពិភពលោកកាកបាទក្រហម និងអឌ្ឍចន្ទក្រម ៨ ឧសភា ២០២៤ ក្រោមប្រធានបទ «រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ» ពិធីប្រគល់-ទទួលអំណោយនេះ ធ្វើឡើងនាព្រឹកថ្ងៃអង្គារ ១៤រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី៧ ខែឧសភា ឆ្នាំ២០២៤ នៅទីស្នាក់ការកណ្តាលកាកបាទក្រហមកម្ពុជា។
ដើម្បីចូលរួមអបអរសាទរខួបទី១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៤ ឯកឧត្តមរដ្ឋមន្ត្រី បានពាំនាំយកអំណោយសប្បុរសធម៌ និងសម្ភារៈ រួមមាន៖ អង្ករសែនក្រអូប (ស្រង៉ែ) ៨តោន, ទឹកបរិសុទ្ធវីតាល់ ១០០កេស, មីជាតិ ១០០កេស, និងទឹកស៊ីអ៊ីវ ១០០យួរ ប្រគល់ជូនកាកបាទក្រហមកម្ពុជា ដើម្បីយកទៅប្រើប្រាស់បន្តក្នុងការជួយសង្គ្រោះដល់ប្រជាពលរដ្ឋដែលជួបទុក្ខលំបាកដោយគ្រោះធម្មជាតិ និងគ្រោះមហន្តរាយផ្សេងៗ ៕
