រដ្ឋបាលខេត្តបន្ទាយមានជ័យ ប្រជុំបូកសរុបលទ្ធផល នៃការចាត់តាំងអនុវត្តគោលនយោបាយភូមិ-ឃុំមានសុវត្ថិភាព ប្រចាំត្រីមាសទី១ ឆ្នាំ២០២៤
បន្ទាយមានជ័យ៖ រដ្ឋបាលខេត្តបន្ទាយមានជ័យ បានរៀបចំកិច្ចប្រជុំបូកសរុបលទ្ធផល នៃការចាត់តាំងអនុវត្តគោលនយោបាយភូមិ-ឃុំមានសុវត្ថិភាព ប្រចាំត្រីមាសទី១ ឆ្នាំ២០២៤ ធ្វើឡើងក្រោមអធិបតីភាព ឯកឧត្តម ផាន់ ចាន់ធុល រដ្ឋលេខាធិការក្រសួងមហាផ្ទៃ ដោយមានការអញ្ជើញចូលរួម ប្រតិភូអមដំណើរ ឯកឧត្តម ប្លែក វ៉ារី ប្រធានក្រុមប្រឹក្សាខេត្ត ឯកឧត្តម អ៊ុំ រាត្រី អភិបាល នៃគណៈអភិបាលខេត្ត អភិបាលរងខេត្ត មេបញ្ជាការកងកម្លាំងទាំង៣ប្រភេទ មេឃុំ-ចៅសង្កាត់ អធិការស្រុក-ក្រុង មេប៉ុស្តិ៍ឃុំ-សង្កាត់ ជិត៣០០នាក់បានចូលរួមប្រារព្ធធ្វើឡើងនៅសាលប្រជុំ ក សាលាខេត្តបន្ទាយមានជ័យ នៅថ្ងៃទី០២ ខែមេសា ឆ្នាំ២០២៤។
យោងតាមរបាយការណ៍លទ្ធផលការអនុវត្តលក្ខណៈសម្បត្តិទាំងប្រាំពីរនៃគោលនយោបាយភូមិ-ឃុំ មានសុវត្ថិភាព រដ្ឋបាលខេត្តបន្ទាយមានជ័យ ក្នុងត្រីមាសទី១ ឆ្នាំ២០២៤ បានបញ្ជាក់ឱ្យដឹងថា បទល្មើសព្រហ្មទណ្ឌ កើត១៧/១៨លើក ថយចុះ៦% បណ្តាលឱ្យ ស្លាប់០៣នាក់របួសធ្ងន់ ០៣នាក់ របួសស្រាល៦នាក់ស្រី អត់រងរបួស៧នាក់(ស្រី៣នាក់) បាត់ម៉ូតូ០៤ គ្រឿងរួមមាន -បទល្មើសឧក្រិដ្ឋ ០៧/០៥លើក កើនឡើង៤០% ឃាតកម្ម២លើក រំលោភសេពសន្ថវៈ៥លើក (ប៉ោយប៉ែត៣លើក,ម៉ាឡៃ១លើក,ស្វាយចេក១លើក,ថ្មពួក១លើក,អូរជ្រៅ១លើក)។ -បទល្មើសមជ្ឈិម ១០/១៣លើក ថយចុះ២៣% លួច៤លើក,ឆក់១លើក,ឆបោក១លើក, អំពើហិង្សាដោយចេតនា៤លើក។
-បង្ក្រាបបទល្មើសព្រហ្មទណ្ឌ បាន១៧/១៧លើក ស្មើ១០០% ឃាត់ខ្លួន២៣នាក់ ដកហូត ម៉ូតូ០៤គ្រឿង ក្នុងនោះជាប់សារធាតុញៀនចំនួន៤នាក់ (លួច២នាក់ ហង្សា១នាក់ ឃាតកម្ម១នាក់)។ -/សហការបង្ក្រាបបទល្មើសព្រហ្មទណ្ឌ ០១លើកឃាត់ខ្លួនជនជាតិចិន០២នាក់ ពាក់ព័ន្ធនឹង ឃាតកម្មកាលពីថ្ងៃទី១២-១០-២០២៣ នៅសង្កាត់បឹងកេងកង១ ខណ្ឌបឹងកេងកង រាជធានីភ្នំពេញប្រគល់ជូនកម្លាំងនាយកដ្ឋាននគរបាលព្រហ្មទណ្ឌបន្តនីតិវិធី។ -បង្ក្រាបល្បែងស៊ីសង៤៧លើក មនុស្ស៦៦នាក់/ស្រី៤០នាក់(អប់រំ) រួមនឹងវត្ថុតាងមួយចំនួន។ បង្ក្រាបក្មេងទំនើង ២លើក ឃាត់ខ្លួន២១នាក់ (បញ្ជូនទៅតុលាការ បទល្មើសព្រហ្មទណ្ឌ)។
ដោយឡែកពាក់ព័ន្ធបទល្មើសការបង្ក្រាបបទល្មើសគ្រឿងញៀនខុសច្បាប់ចំនួន៩០/៤៧លើក ឃាត់ខ្លួន២៣៧នាក់ ក្នុងនោះ ស្រី១៤នាក់ ក្នុងនោះករណីជួញដូរ ៦១លើក ជនសង្ស័យ១៨៩នាក់/ស្រី១៤នាក់,ករណីប្រើប្រាស់ ២៩លើក ជនសង្ស័យ៤៨នាក់។
ដកហូតថ្នាំប្រភេទមេតំហ្វេតាមីន(Ice) ទម្ងន់៦១០,៧១ក្រាម,ថ្នាំគ្រាប់ពណ៌ក្រហម (WY) ទម្ងន់៦៦,៦៨ក្រាម, ថ្នាំគ្រាប់ពណ៌ចម្រុះ ទម្ងន់៤៤២,២៩ក្រាម -ថ្នាំកញ្ចប់ចម្រុះពណ៌ទម្ងន់១.១០៤,៤២ក្រាម, ម្សៅម៉ត់ស ទម្ងន់៦១៨,៩៨ក្រាម, កញ្ញាក្រៀម០២ក្រាម, ថ្នាំដប០១ដប, ឡាន១គ្រឿង, ម៉ូតូ១១គ្រឿង,ទូរសព្ទ១០៨គ្រឿង, កុំព្យូទ័រ០១គ្រឿង,កាំបិត០៦ដើម,ដាវ០៤ដើម, ពូថៅ២,បង់កាំភ្លើង០១,គ្រាប់កាំភ្លើង១៩គ្រាប់ រួមនឹងវត្ថុតាងមួយចំនួនទៀត៕
