អាល្លឺម៉ង់ វ៉ាដាច់ជប៉ុនជាប្រទេសមានសេដ្ឋកិច្ចធំទីបី ខណៈប្រាក់យ៉េនធ្លាក់ថ្លៃធៀបនឹងប្រាក់ដុល្លារ
បរទេស៖ ទិន្នន័យផ្លូវការបានបង្ហាញកាលពីថ្ងៃព្រហស្បតិ៍ថា នៅពេលដែលគេព្យាករណ៍ថានឹងក្លាយជាប្រទេសដែលមានសេដ្ឋកិច្ចធំបំផុតរបស់ពិភពលោក ប្រទេសជប៉ុនបានធ្លាក់ចុះក្រោមប្រទេសអាល្លឺម៉ង់កាលពីឆ្នាំមុនមកនៅចំណាត់ថ្នាក់ទី៤ នេះបើទោះជាឥណ្ឌាត្រូវបានគេព្យាករណ៍ថានឹងលោតផ្លោះនៅចុងទសវត្សរ៍នេះក៏ដោយ។
ទោះបីជាមានការកើនឡើង ១.៩ ភាគរយក៏ដោយ ផលិតផលក្នុងស្រុកសរុបបន្ទាប់បន្សំរបស់ប្រទេសជប៉ុនក្នុងឆ្នាំ២០២៣ គិតជាប្រាក់ដុល្លារគឺ ៤.២ ពាន់ពាន់លានដុល្លារ ទិន្នន័យរបស់រដ្ឋាភិបាលបានបង្ហាញថា ធៀបនឹង ៤.៥ ពាន់ពាន់លានដុល្លារសម្រាប់ប្រទេសអាឡឺម៉ង់ នេះបើយោងតាមតួលេខដែលបានចេញផ្សាយកាលពីខែមុន។
អ្នកសេដ្ឋកិច្ចបានឲ្យដឹងថា ការផ្លាស់ប្តូរមុខតំណែងជាចម្បងឆ្លុះបញ្ចាំងពីការធ្លាក់ចុះយ៉ាងខ្លាំងនៃប្រាក់យ៉េនធៀបនឹងប្រាក់ដុល្លារ ជាជាងសេដ្ឋកិច្ចអាល្លឺម៉ង់ ដែលបានធ្លាក់ចុះ ០.៣ ភាគរយក្នុងឆ្នាំ២០២៣ ពោលគឺប្រសើរជាងប្រទេសជប៉ុន។
រូបិយប័ណ្ណជប៉ុនបានធ្លាក់ចុះជិតមួយភាគប្រាំក្នុងឆ្នាំ២០២២ និង ២០២៣ ធៀបនឹងរូបិយប័ណ្ណអាមេរិក រួមទាំងប្រហែល ៧ ភាគរយកាលពីឆ្នាំមុន។
នេះជាផ្នែកមួយដោយសារតែក្នុងកិច្ចខិតខំប្រឹងប្រែងដើម្បីលើកកម្ពស់តម្លៃ ធនាគារកណ្តាលជប៉ុនបានរក្សាអត្រាការប្រាក់អវិជ្ជមានមិនដូចធនាគារកណ្តាលធំៗផ្សេងទៀតដែលបានដំឡើងថ្លៃខ្ចីដើម្បីទប់ទល់នឹងអតិផរណាដែលកំពុងកើនឡើង។
លោក Brian Coulton សេដ្ឋវិទូរបស់ Fitch Ratings បានឲ្យដឹងថា ការកើនឡើងលើសក្នុងទំហំជាប្រាក់ដុល្លារជំពាក់ប្រាក់យ៉េននាពេលថ្មីៗនេះ។
ក្រុមហ៊ុនផលិតដែលពឹងផ្អែកខ្លាំងលើការនាំចេញរបស់ប្រទេសអាឡឺម៉ង់ បានទទួលរងផលប៉ះពាល់យ៉ាងធ្ងន់ធ្ងរដោយតម្លៃថាមពលកើនឡើង បន្ទាប់ពីការលុកលុយរបស់រុស្ស៊ីលើអ៊ុយក្រែន។
សេដ្ឋកិច្ចដ៏ធំបំផុតរបស់អឺរ៉ុបក៏ត្រូវបានរារាំងផងដែរដោយធនាគារកណ្តាលអឺរ៉ុបដែលដំឡើងអត្រាការប្រាក់នៅក្នុងតំបន់អឺរ៉ូ ក៏ដូចជាភាពមិនច្បាស់លាស់លើថវិការបស់ខ្លួន និងកង្វះកម្លាំងពលកម្មជំនាញរ៉ាំរ៉ៃ។
ប្រភព៖ France 24
ប្រែសម្រួលដោយ៖ ឡាយ លីហួ
