ក្រុមមន្ត្រីជំនាញ នៃក្រសួងធនធានទឹក ចុះពិនិត្យថែទាំស្ថានីយជលសាស្ត្រ ក្នុងខេត្តបន្ទាយមានជ័យ និងខេត្តសៀមរាប
ភ្នំពេញ៖ នៅថ្ងៃអាទិត្យ ៤កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៤ ខែមករា ឆ្នាំ២០២៤ ក្រុមមន្ត្រីជំនាញរបស់នាយកដ្ឋានជលសាស្ត្រ និងការងារទន្លេ នៃក្រសួងធនធានទឹក និងឧតុនិយមបានបន្តចុះធ្វើការថែទាំស្ថានីយជលសាស្រ្ដស្វ័យប្រវត្តិ ក្នុងភូមិសាស្ត្រខេត្តបន្ទាយមានជ័យ និងខេត្តសៀមរាប។
ក្នុងឱកាសនេះ ក្រុមមន្ត្រីជំនាញបានបន្តចុះពិនិត្យថែទាំស្ថានីយជលសាស្រ្ដស្វ័យប្រវត្តិចំនួន ៤រួមមាន៖
១-ស្ថានីយអូរខៃដន ស្ថិតក្នុងភូមិសុខសាន្ដ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ
២-ស្ថានីយអូរបីជាន់ ស្ថិតក្នុងភូមិថ្នល់បត់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ
៣-ស្ថានីយស្វាយជ្រុំ ស្ថិតក្នុងភូមិកសិណ ឃុំថ្មពួក ស្រុកថ្មពួក ខេត្តបន្ទាយមានជ័យ
៤-ស្ថានីយក្រឡាញ់ ស្ថិតក្នុងភូមិកំពង់ថ្កូវ ឃុំកំពង់ថ្កូវ១ ស្រុកក្រឡាញ់ ខេត្តសៀមរាប។
សូមបញ្ជាក់ថា ក្នុងពេលចុះថែទាំស្ថានីយជលសាស្ត្រស្វ័យប្រវត្តិ ក្រុមការងារក៏បានធ្វើការផ្លាស់ប្ដូរឧបករណ៍សំងួតសម្រាប់ឧបករណ៍វាស់កម្ពស់ទឹក ផ្លាស់ប្ដូរអាគុយស្ថានីយ ត្រួតពិនិត្យទិន្នន័យវាស់ដោយឧបករណ៍វាស់កម្ពស់ទឹក និងឧបករណ៍វាស់កម្រិតទឹកភ្លៀង លាងសម្អាតឧបករណ៍វាស់កម្រិតទឹកភ្លៀង ៕
