កងកម្លាំងអាមេរិកបញ្ជូន Ospreys ពីរគ្រឿងសម្រាប់ប្រតិបត្តិការជួយសង្គ្រោះ បន្ទាប់ពីធ្លាក់យន្តហោះ
បរទេស៖ កងកម្លាំងសហរដ្ឋអាមេរិកជប៉ុនបានបញ្ជូនយន្តហោះ Osprey ពីរគ្រឿងដើម្បីស្វែងរកនាវិកដែលបាត់ខ្លួនមួយទៀតដែលបានធ្លាក់កាលពីដើមសប្តាហ៍នេះនៅភាគនិរតីប្រទេសជប៉ុនដែលជំរុញឱ្យមេដឹកនាំក្នុងតំបន់សម្តែងការព្រួយបារម្ភអំពីសុវត្ថិភាពរបស់ពួកគេ។
យានជំនិះ tilt-rotor MV-២២ Ospreys បានមកដល់អាកាសយានដ្ឋាន Amami ក្នុងខេត្ត Kagoshima នៅពេលព្រឹក ខណៈដែលប្រតិបត្តិការស្វែងរកបានបន្តបន្ទាប់ពីការធ្លាក់កាលពីថ្ងៃពុធនៃយន្តហោះ CV-២២ របស់កងទ័ពអាកាសសហរដ្ឋអាមេរិក ដែលបានបណ្តាលឱ្យនាវិកម្នាក់ស្លាប់ និង ៧ នាក់ផ្សេងទៀតបាត់ខ្លួន។
អភិបាលក្រុង Amami លោក Sohei Yasuda បានឲ្យដឹងថា ដោយសារតែការបញ្ជូន ពាក់ព័ន្ធនឹងការសង្គ្រោះជីវិត វាជៀសមិនរួច។ ទោះជាយ៉ាងណាក៏ដោយ ខ្ញុំមិនអាចជួយអ្វីបានក្រៅពីការបារម្ភ ខណៈដែលអ្នកស្រុកជាច្រើនមានការព្រួយបារម្ភ បន្ទាប់ពីឧបទ្ទវហេតុនេះ។
អភិបាលក្រុង Kagoshima លោក Koichi Shiota បានលើកឡើងថា លោកបានស្នើសុំការិយាល័យការពារជាតិក្នុងតំបន់ ដើម្បីសុំឱ្យសហរដ្ឋអាមេរិកធានាសុវត្ថិភាពរបស់យន្តហោះ និងកំណត់ការហោះហើរលើដី។
កងកម្លាំងអាមេរិកជប៉ុនបានផ្អាកជើងហោះហើរ CV-២២ Ospreys ដែលឈរជើងនៅមូលដ្ឋានអាកាស Yokota នៅភាគខាងលិចទីក្រុងតូក្យូ ប៉ុន្តែមិនមែន MV-២២s ឬ CMV-២២s ទេ។ រដ្ឋាភិបាលជប៉ុនបានស្នើអាមេរិកកុំឲ្យធ្វើការហោះហើរ Osprey លើកលែងតែប្រតិបត្តិការស្វែងរក និងសង្គ្រោះ។
Ospreys មានប្រវត្តិនៃការធ្លាក់ និងឧប្បត្តិហេតុ រួមទាំងឧបទ្ទវហេតុគ្រោះថ្នាក់ផ្សេងទៀត ហើយប្រទេសជប៉ុនបានសម្រេចចិត្តបញ្ឈប់ Ospreys របស់ខ្លួនសម្រាប់ពេលបច្ចុប្បន្ននេះ។
