ឯកឧត្តមសន្តិបណ្ឌិត ឡូយ សុផាត ចុះសួរសុខទុក្ខកីឡាករ ចំណុះទូកងរបស់រខេត្តស្ទឹងត្រែង ឈ្មោះ “សេកុងសែនជ័យបារមីប្រះអង្គធំ” ដែលកំពុងស្នាក់នៅតំបន់ជ្រោយចង្វា
ភ្នំពេញ៖ ឯកឧត្តមសន្តិបណ្ឌិត ឡូយ សុផាត ប្រធានគណកម្មការទី៣នៃរដ្ឋសភា និងជាអ្នកតំណាងរាស្ត្រមណ្ឌលស្ទឹងត្រែង នៅព្រឹកថ្ងៃទី២៧ ខែវិច្ឆិកា ឆ្នាំ២០២៣ បានអញ្ជើញចុះសួរសុខទុក្ខកីឡាកចំណុះទូកងរបស់រខេត្តស្ទឹងត្រែង ឈ្មោះ “សេកុងសែនជ័យបារមីប្រះអង្គធំ ” ដែលកំពុងស្នាក់នៅតំបន់ជ្រោយចង្វា រាជធានីភ្នំពេញ ដើម្បីចូលរួមពិធីប្រណាំងទូកថ្នាក់ជាតិ និងជាការលើកទឹកចិត្តដលកីឡាកចំណុះទូកទាំងអស់ដែលបានខិតខំប្រឹងនាំមកនូវជ័យជម្នះក្នុងការប្រណាំងទូកអុំបុរស (គូពិសេស) ទាំងពីរជើងកាលពីថ្ងៃម្សិលមិញ ក្នុងនោះ ឯកឧត្តមបានឧបត្ថម្ភថវិកាផ្ទាល់ខ្លួនជូនចំណុះទូកទាំងអស់ក្នុងម្នាក់ៗទទួលបាន ២០០០០រៀល។
ទន្ទឹមនឹងនេះឯកឧត្តម បានមានប្រសាសន៍សំណេះសំណាល និងណែនាំដល់ចំណុះទូកទាំងអស់ឱ្យថែរក្សាសុខភាពជៀសវាងអាហារដែលនាំឱ្យប៉ះពាល់ដល់សុខភាព ត្រូវប្រកាន់ខ្ជាប់នូវវិន័យ និងសាមគ្គីឯកភាពផ្ទៃក្នុងឱ្យបានល្អ។
ជាការឆ្លើយតប កីឡាករចំណុះទូកទាំងអស់មានក្តីសប្បាយរីករាយ និងថ្លែងអំណរគុណយ៉ាងក្រៃលែងចំពោះការយកចិត្តទុកដាក់របស់ឯកឧត្តមសន្តិបណ្ឌិត ឡូយ សុផាត និងប្តេជ្ញាចិត្តគោរពតាមប្រសាសន៍ណែនាំរបស់ឯកឧត្តមសន្តបណ្ឌិត ដើម្បីឈានទៅដណ្តើមយកជ័យជម្នះថ្មីៗថែមទៀតនៅថ្ងៃបន្តបន្ទាប់។
សូមរំលឹកថា ក្នុងគោលបំណងដើម្បីអបអរសាទរ ក្នុងឱកាសបុណ្យអុំទូក បណ្តែតប្រទីប និងសំពះព្រះខែ អកអំបុក ដែលជាពិធីបុណ្យប្រពៃណី រដ្ឋបាលខេត្តស្ទឹងត្រែង បានចុះឈ្មោះទូកងមួយគ្រឿង ចូលរួមប្រកួតនាថ្ងៃទី២៦ ថ្ងៃទី២៧ និងថ្ងៃទី២៨ ខែវិច្ឆិកា ឆ្នាំ២០២៣។
ទូកងរបស់រដ្ឋបាលខេត្តស្ទឹងត្រែងមានឈ្មោះថា សេកុងសែនជ័យ បារមីព្រះអង្គធំ មានកីឡាករសរុបចំនួន ៨០នាក់ (ពេញសិទ្ធិ ៧៥នាក់ បម្រុង ០៥នាក់) និង ចាត់តាំងសមាសភាពអនុគណៈកម្មការដឹកនាំទទួលខុសត្រូវការគ្រប់គ្រង ទូកង ខេត្តស្ទឹងត្រែង ចំនួន ០៨រូប។
ប្រវត្តិទូក “ង” ខេត្តស្ទឹងត្រែង
១.ឈ្មោះ៖ សេកុងសែនជ័យបារមីព្រះអង្គធំ ឈ្មោះហៅក្រៅគ្មាន
២.នៅវត្ត៖ ពោធិញ្ញាណ (ហៅវត្តព្រះអង្គធំ)
៣.អាសយដ្ឋាន៖ ភូមិព្រែក សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង
៤.ប្រភេទទូក
-ពណ៌៖ ក្រហមលាយខៀវក្បាច់រចនា ប្រវែង ៣៥,៥០ម៉ែត្រ
-ចំនួនខ្ទង់៖ ៤៣ខ្ទង់ ចំណុះអ្នកអុំ ៧៥នាក់ ត្រៀម ៥នាក់ សរុប៨០នាក់
៥.ទីកន្លែងកំណើត៖ ខេត្តស្ទឹងត្រែង
៦.ឈ្មោះអ្នកកសាង៖ ឯកឧត្តម ឡូយ សុផាត អតីតអភិបាលខេត្តស្ទឹងត្រែង និងបច្ចុប្បន្នជាអ្នកតំណាងរាស្ត្រមណ្ឌលខេត្តស្ទឹងត្រែង
៧.កសាងឆ្នាំ៖ ឆ្នាំ២០១០
៨.ឈ្មោះអ្នកគ្រប់គ្រង៖ លោក អ៊ុំ ឈុនស្រេង លេខទូស័ព្ទ ០១២៩១៥៥០៤
៩.សកម្មភាពរបស់ទូក៖ ធ្លាប់បានចូលរួមប្រឡងប្រណាំងក្នុងពិធីបុណ្យអុំទូក បណ្តែតប្រទីប និងសំពះព្រះខែអកអំបុកនៅរាជធានីភ្នំពេញ ចំនួន ២លើក នៅឆ្នាំ២០១៨ និងឆ្នាំ២០១៩។
សូមបញ្ជាក់ថា ទូកងឈ្មោះ “សេកុងសែនជ័យបារមីប្រះអង្គធំ ” មានណុះ៧៧នាក់ ប្រវែងបណ្តោយ ៣៦.៥ម
ទទួលបានការឧបត្ថម្ភពីឯកឧត្តមសន្តិបណ្ឌិត ឡូយ សុផាត ប្រធានគណកម្មការទី៣នៃរដ្ឋសភា និងជាអ្នកតំណាងរាស្ត្រមណ្ឌលស្ទឹងត្រែង និងឯកឧត្ដម ស្វាយ សំអ៊ាង អភិបាលខេត្តស្ទឹងត្រែង៕
