ស្រ្ដីវ័យចំណាស់ម្នាក់ ប្រកបមុខរបបរលក់ដូរគ្រឿងញៀនត្រូវ សមត្ថកិច្ចនគរបាលស្រុកគិរីវង់ ឃាត់ខ្លួនបាន
ភ្នំពេញ៖ ដោយមានការយកចិត្តទុកដាក់ពីសំណាក់ លោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ និងមានការសម្របសម្រួលនីតិវិធីច្បាប់ ពី ឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ លោកវរសេនីយ៍ឯក ជា សុផល អធិការនគរបាលស្រុកគិរីវង់ បានបញ្ជាអោយ លោកវរសេនីយ៍ទោ ហៀម ស្រីម និងលោកអនុសេនីយ៍ឯក ខន សុខលាង អធិការរងនគរបាលស្រុក ដឹកនាំកម្លាំងជំនាញធ្វើការស្រាវជ្រាវឈានទៅដល់ការឃា.ត់ខ្លួនជនសង្ស័យម្នាក់ ឈ្មោះ ទូច ស្រីមុំ (ហៅអូន) ភេទស្រី អាយុ ៦៧ឆ្នាំ (ជាមុខសញ្ញាជួ.ញដូ.រយ៉ាងសកម្ម) មានលំនៅភូមិពោធិ៍ ឃុំព្រះបាទជាន់ជុំ ស្រុកគិរីវង់ ខេត្តតាកែវ ធ្វើការឃាត់ខ្លួននៅវេលាម៉ោង១៤ និង ២១ នាទីថ្ងៃសុក្រ ទី២២ ខែ កញ្ញា ឆ្នាំ២០២៣។
បន្ទាប់មកសមត្ថកិច្ចយើងឆែកឆេររកឃើញមានម្សៅក្រាមថ្លាពណ៌ ស ចំនួន ៩កញ្ចប់តូច ,និង ១ កញ្ចប់ធំ ហើយជនសង្ស័យបានឆ្លើយសារភាពថា ម្សៅក្រាមថ្លាពណ៌ស (គ្រឿងញៀន) ពិតជារបស់ខ្លួនពិតប្រាកដ ។
បច្ចុប្បន្នកម្លាំងជំនាញកំពុងធ្វើការសាកសួរ និងកសាងសំណុំរឿងតាម នីតិវិធីច្បាប់ ៕
