ភ្នាក់ងារទេសចរណ៍ប្រចាំការនៅគោលដៅប្រាសាទអង្គរវត្ត ប្រទះឃើញការបូបរបស់ភ្ញៀវ ដែលបានភ្លេច និងបានរក្សាទុកប្រគល់ជូនម្ចាស់ដើមវិញ

ភ្នំពេញ៖ នៅថ្ងៃទី០៩ ខែកញ្ញា ឆ្នាំ២០២៣នេះ វេលាម៉ោង ១១:៥១នាទីថ្ងៃត្រង់ ក្រុមការងារភ្នាក់ងារទេសចរណ៍ប្រចាំការនៅប្រាសាទអង្គរ បានប្រទះឃើញកាបូបស្ពាយចំហៀងពណ៍ខ្មៅមួយ ដែលភ្ញៀវទេចរបានភ្លេច នៅចំណុចលើរានហាល លុះប្រហែល៣៥នាទីក្រោយមក ម្ចាស់កាបូបជាជនជាតិខ្មែរ ភេទស្រីម្នាក់ ឈ្មោះហុង ស្រីអូន រស់នៅភូមិរលៀក ឃុំតាអូ ស្រុកគិរីវង់ខេត្តតាកែវ ដែលជាម្ចាស់កាបូបបានមករកវិញ។
ដោយក្នុងនោះមាន៖ លុយខ្មែរ ចំនួន៦០,០០០រៀល លុយ វៀតណាម ១៩៥០០ដុង លុយឡាវ១០០០គីបឡាវ លុយដុល្លារ២ដុល្លារ។ កាតធនាគារ៣ អត្តសញ្ញាណប័ណ្ណមួយ កាត AEONមួយ កាត បសសមួយ កាតធានារ៉ាប់រងមួយ និងទូរស័ព្ទ iphone១១ promax មួយគ្រឿង។
ដោយពិនិត្យឃើញថា ពិតជាកាបូបរបស់គាត់ និងមិនមានការបាត់បង់ហើយ ក្រុមភ្នាក់ងារបានសហការជាមួយក្រុមការងារសណ្ដាប់ធ្នាប់ និងនគរបាលបេតិកភណ្ឌ បានធ្វើការប្រគល់ជូនគាត់វិញ នៅវេលាម៉ោង១២:៣០នាទី៕
