ជំទាវទី១ កូរ៉េខាងត្បូង រក្សាស្ទីលសម្លៀបំពាក់ គួរឲ្យចាប់អារម្មណ៍ខ្លាំង ក្នុងអំឡុងពេលទស្សនកិច្ចនៅវៀតណាម
បរទេស៖ ជំទាវទីមួយនៃប្រទេសកូរ៉េខាងត្បូងលោកស្រី Kim Keon-hee តែងតែពាក់អាវ និងសំពត់ពណ៌ក្រែម ជាមួយនឹងអាវយឺត ដើម្បីរក្សាវាឱ្យមានលក្ខណៈផ្លូវការ និងឆើតឆាយក្នុងអំឡុងពេលបំពេញទស្សនកិច្ចនៅប្រទេសវៀតណាម។
ប្រធានាធិបតីកូរ៉េខាងត្បូង Yoon Suk-yeol និងភរិយារបស់លោក ទើបតែបានបញ្ចប់ដំណើរទស្សនកិច្ចផ្លូវការរយៈពេលបីថ្ងៃរបស់ពួកគេទៅកាន់ប្រទេសវៀតណាមកាលពីថ្ងៃទី ២៤ ខែមិថុនា។
ក្នុងអំឡុងពេលនោះលោកស្រី Kim Keon-hee បានស៊ុតបាល់បញ្ចូលទីគ្រប់ពេលដែលលោកស្រីបង្ហាញមុខជាសាធារណៈដោយសារតែម៉ូដទាន់សម័យរបស់លោកស្រី។
នៅពេលដែលលោកស្រីមកដល់អាកាសយានដ្ឋានអន្តរជាតិ Noi Bai កាលពីថ្ងៃទី២២ ខែមិថុនា លោកស្រី Kim Keon-hee បានស្លៀកឈុតសំពត់ពណ៌ក្រែម និងកែងជើងពណ៌ដូចគ្នា។
លោកស្រី Kim Keon-hee បានជ្រើសរើស អាវក ដែលមានលាវចង្អុលឡើង ដែលស័ក្តិសមជាមួយនឹង អាវឈុតមានលាវបីដែលកាត់ចេញ។
នៅថ្ងៃទី២៤ ខែមិថុនា លោកស្រី Kim Keon-hee ក៏បានស្លៀកសម្លៀកបំពាក់ស្រដៀងគ្នាពេលទទួលទានអាហារពេលព្រឹកជាមួយស្វាមីរបស់លោកស្រី គឺលោកប្រធានាធិបតីកូរ៉េខាងត្បូង Yoon Suk-yeol និងសមភាគីវៀតណាមលោក Vo Van Thuong។
បើធៀបនឹងឈុតនៅថ្ងៃទី២២ ខែមិថុនា អាវនេះមានពណ៌ដូចគ្នា ប៉ុន្តែមានរូបរាងទំនើបជាង ហើយអាវក្រៅមានលាវតែមួយប៉ុណ្ណោះ។ លើកនេះ លោកស្រី Kim Keon-hee រើសកាបូបពណ៌ខៀវក្រម៉ៅដើម្បីដាក់ទៅតាមខ្លួន។
ក្នុងអំឡុងពេលនៃដំណើរទស្សនកិច្ចនេះលោកស្រី Kim Keon-hee បានបង្ហាញពីជំនាញចម្រុះនិងការផ្គូផ្គងដែលអាចបត់បែនបានរបស់លោកស្រីរវាងវត្ថុ។ នៅតែជាឈុតអាវទ្រនាប់ដដែល លើកនេះលោកស្រីបានផ្គូផ្គងវាជាមួយនឹងអាវលាវពណ៌លឿងភ្លឺ និងខោពណ៌ក្រែមជាផ្លូវការក្នុងដំណើរទស្សនកិច្ចរបស់លោកស្រីនៅសាកលវិទ្យាល័យជាតិវៀតណាម ក្នុងទីក្រុងហាណូយ កាលពីថ្ងៃទី២២ ខែមិថុនា។
នៅល្ងាចថ្ងៃដដែល លោកស្រី Kim Keon-hee បានចូលរួមរាត្រីផ្លាស់ប្តូរវប្បធម៌នៅមជ្ឈមណ្ឌលសន្និបាតជាតិជាមួយលោកប្រធានាធិបតីកូរ៉េខាងត្បូង Yoon Suk-yeol។ លើកនេះលោកស្រីបានលាយលាវពណ៌លឿងភ្លឺជាមួយនឹងអាវខ្មៅ។
យោងតាមកាសែត Korea Times ជារឿយៗ លោកស្រី Kim Keon-hee លេចធ្លោ និងទាក់ទាញការចាប់អារម្មណ៍ នៅពេលដែលលោកស្រីបង្ហាញខ្លួនក្បែរលោកប្រធានាធិបតីកូរ៉េខាងត្បូង Yoon Suk-yeol។ The First Lady ត្រូវបានសារព័ត៌មានកូរ៉េខាងត្បូងជាច្រើនហៅថាជាតារាបង្ហាញម៉ូដដោយសារស្ទីលឆើតឆាយរបស់លោកស្រី។
នៅក្នុងពិធីស្វាគមន៍លោកប្រធានាធិបតីកូរ៉េខាងត្បូង Yoon Suk-yeol កាលពីថ្ងៃទី២៣ ខែមិថុនា លោកស្រី Kim Keon-hee បានពាក់រ៉ូបពាក់កណ្តាលពណ៌ខៀវងងឹតជាមួយនឹងកែងជើងពណ៌ខ្មៅបុរាណ។
បន្ទាប់ពីពិធីស្វាគមន៍ លោកស្រី Kim Keon-hee បានជូនអាវវៀតណាមពណ៌ត្បូងទទឹម។
លោកស្រី Kim Keon-hee មានអាយុ ៥១ឆ្នាំបានបញ្ចប់ការសិក្សាពីសាកលវិទ្យាល័យ Kyonggi ជាមួយនឹងសញ្ញាប័ត្រសិល្បៈ មុនពេលទទួលបានសញ្ញាបត្រអនុបណ្ឌិតផ្នែកសិល្បៈ និងបណ្ឌិតផ្នែករចនាមាតិកាឌីជីថល។
លោកស្រីបានរៀបការជាមួយលោកប្រធានាធិបតីកូរ៉េខាងត្បូង Yoon Suk-yeol ក្នុងឆ្នាំ២០១២។ នៅក្នុងបទសម្ភាសន៍ឆ្នាំ២០១៨ លោកស្រី បានឲ្យដឹងថា ពួកគេជាមិត្តនឹងគ្នាយូរមកហើយ មុនពេលរៀបការរបស់ពួកគេ។
ប្រភព៖ AMPE
ប្រែសម្រួលដោយ៖ [ឡាយ លីហួ]
